Sunday, January 23

സുരേഷ് ഗോപി ചിത്രങ്ങളെ വീണ്ടും ഓർമ്മയിലെത്തിച്ചു ആനക്കള്ളൻ ട്രൈലെർ..!

Google+ Pinterest LinkedIn Tumblr +
Want create site? Find Free WordPress Themes and plugins.

ഇന്നലെയാണ് പ്രേക്ഷകർ ഏറെ കാത്തിരിക്കുന്ന ബിജു മേനോൻ ചിത്രമായ ആനക്കള്ളന്റെ ട്രൈലെർ റിലീസ് ചെയ്തത്. ഇവൻ മര്യാദരാമൻ എന്ന ദിലീപ് ചിത്രത്തിന് ശേഷം സുരേഷ് ദിവാകർ സംവിധാനം ചെയ്ത ഈ കോമഡി എന്റെർറ്റൈനെർ ചിത്രത്തിന് തിരക്കഥ രചിച്ചിരിക്കുന്നത് ഉദയ കൃഷ്ണയാണ്. പഞ്ചവർണ്ണ തത്ത എന്ന സൂപ്പർ ഹിറ്റ് ജയറാം- കുഞ്ചാക്കോ ബോബൻ- രമേശ് പിഷാരടി ചിത്രം നിർമ്മിച്ച സപ്ത തരംഗ് സിനിമ നിർമ്മിച്ചിരിക്കുന്ന ഈ ചിത്രത്തിന്റെ ട്രെയിലറിന് വമ്പൻ സ്വീകരണമാണ് സോഷ്യൽ മീഡിയയിൽ നിന്ന് ലഭിച്ചിരിക്കുന്നത്. ബിജു മേനോൻ ഒരുക്കുന്ന തകർപ്പൻ കോമെടിയാണ് ഈ ചിത്രത്തിന്റെ സവിശേഷത എന്നാണ് ട്രൈലെർ നമ്മുക്ക് നൽകുന്ന സൂചന. അതോടൊപ്പം തന്നെ ആക്ഷൻ സ്റ്റാർ സുരേഷ് ഗോപിയുടെ ചില ക്ലാസിക് ചിത്രങ്ങളെയും നമ്മുടെ മനസ്സിൽ എത്തിക്കുന്നുണ്ട് ഈ ട്രൈലെർ.

ലേലത്തിലെ ആനക്കാട്ടിൽ ചാക്കോച്ചി, കമ്മീഷണറിലെ ഭരത് ചന്ദ്രൻ എന്നീ കഥാപാത്രങ്ങളെ ഓർമയിൽ എത്തിക്കുന്ന സുരേഷ് ഗോപിയുടെ ഡയലോഗുകൾ ഈ ട്രൈലറിൽ കാണാം. ലേലം, കമ്മിഷണർ എന്നീ ചിത്രങ്ങളിലെ ഹിറ്റ് ഡയലോഗുകൾ ആയ നേരാ തിരുമേനി ഈപ്പച്ചൻ പള്ളിക്കൂടത്തിൽ പോയിട്ടില്ല, ഓർമ്മയുണ്ടോ ഈ മുഖം എന്നീ ഡയലോഗുകൾ ഈ ട്രൈലറിന്റെ ഭാഗം ആണ്. ഏതായാലും ഒരു കമ്പ്ലീറ്റ് ബിജു മേനോൻ ഷോ ആയിരിക്കും ഈ ചിത്രം എന്നുറപ്പാണ്. ബിജു മേനോനോടൊപ്പം സിദ്ധിഖ്, ഹരീഷ് കണാരന്‍, ധര്‍മജന്‍, ജനാർദനൻ, സുധീര്‍ കരമന, കൈലാഷ്, ബാല, സായികുമാര്‍, സുരേഷ് കൃഷ്ണ, ഇന്ദ്രന്‍സ് തുടങ്ങി ഒരു വലിയ താര നിര തന്നെ ഈ ചിത്രത്തിൽ അണിനിരക്കുന്നുണ്ട്. അനുശ്രീ, ഷംന കാസിം എന്നിവരാണ് ഈ ചിത്രത്തിലെ നായികാ വേഷത്തിൽ എത്തുന്നത്. ആൽബി ദൃശ്യങ്ങൾ ഒരുക്കിയ ഈ ചിത്രത്തിന് സംഗീതം പകർന്നത് നാദിർഷ ആണ്. ഒക്ടോബറിൽ പൂജ റിലീസ് ആയി ആനക്കള്ളൻ റിലീസ് ചെയ്യും.

Did you find apk for android? You can find new Free Android Games and apps.
Share.

About Author