Thursday, May 26

ഏപ്രിലിൽ ഒടിടി റിലീസ് പെരുമഴ..!

Google+ Pinterest LinkedIn Tumblr +
Want create site? Find Free WordPress Themes and plugins.

റംസാൻ നോയമ്പ് ആയതിനാൽ ഏപ്രിൽ മാസത്തിൽ മലയാള ചിത്രങ്ങളുടെ തീയേറ്റർ റിലീസ് ഉണ്ടാവില്ല എന്നത് കൊണ്ട് തന്നെ ഒടിടിയിൽ ഇത്തവണ മലയാള ചിത്രങ്ങളുടെ റിലീസ് പെരുമഴയാണ് ഒരുങ്ങുന്നത്. ഇന്ന് മുതൽ തന്നെ പ്രമുഖ താരങ്ങളുടെ ചിത്രങ്ങൾ ഒടിടി സ്ട്രീമിങ് ആരംഭിച്ചു കഴിഞ്ഞു. ഏപ്രിലിൽ ഒടിടിയിൽ വരുന്ന ചിത്രങ്ങളിൽ നേരിട്ടുള്ള ഒടിടി റിലീസുമുണ്ട്, അതുപോലെ തീയേറ്ററിൽ ഒരു മാസം പ്രദർശിപ്പിച്ചതിനു ശേഷം ഒടിടി റിലീസ് ആയെത്തുന്ന പുതിയ ചിത്രങ്ങളുമുണ്ട്. കുഞ്ചാക്കോ ബോബൻ അഭിനയിച്ച, മികച്ച നിരൂപക പ്രശംസ നേടിയ പട എന്ന ചിത്രം ഇന്ന് മുതൽ ആമസോൺ പ്രൈമിൽ സ്ട്രീം ചെയ്യുന്നുണ്ട്. ഏപ്രിൽ എട്ടിന് ടോവിനോ തോമസിന്റെ നാരദനും, ഏപ്രിൽ പതിനഞ്ചിനു ഷെയിൻ നിഗം നായകനായ വെയിൽ എന്ന ചിത്രവും ആമസോണിൽ സ്ട്രീം ചെയ്യുമെന്നാണ് ഇപ്പോൾ ലഭിക്കുന്ന വിവരങ്ങൾ പറയുന്നത്.

ദുൽഖർ നായകനായ തമിഴ് ചിത്രമായ ഹേ സിനാമിക ഏപ്രിൽ ഒന്നിന് നെറ്റ്ഫ്ലിക്സിൽ എത്തുമ്പോൾ മമ്മൂട്ടി നായകനായ ഭീഷ്മ പർവ്വം അതേ ദിവസം ഹോട്ട് സ്റ്റാറിൽ വരും. മമ്മൂട്ടിയുടെ ആദ്യത്തെ നേരിട്ടുള്ള ഒടിടി റിലീസ് ആയ പുഴു ഏപ്രിൽ എട്ടിന് സോണി ലൈവിൽ എത്തുമെന്നാണ് സൂചന. അതുപോലെ തന്നെ മോഹൻലാലിന്റെ ട്വൽത് മാൻ എന്ന ചിത്രം ഏപ്രിൽ പതിനാലിന് ഹോട്ട് സ്റ്റാറിൽ റിലീസ് ചെയ്യുമെന്നും വാർത്തകൾ പറയുന്നു. അർജുൻ അശോകന്റെ മെമ്പർ രമേശൻ എന്ന ചിത്രം ഏപ്രിൽ ഒന്നിന് സീ ഫൈവിൽ സ്ട്രീമിങ് തുടങ്ങുമ്പോൾ, ബിബിൻ ജോർജ് നായകനായ തിരിമാലി അതേ ദിവസം മനോരമ മാക്‌സിൽ ആണ് എത്തുക. പ്രഭാസ് നായകനായ ബ്രഹ്മാണ്ഡ ചിത്രം രാധേ ശ്യാമും ഏപ്രിൽ ഒന്നിന് ആമസോൺ പ്രൈം സ്ട്രീമിങ് ആരംഭിക്കും.

Did you find apk for android? You can find new Free Android Games and apps.
Share.

About Author