2.0 കേരളത്തിൽ വെളുപ്പിന് നാല് മണി മുതൽ ഷോസ്; ബുക്കിംഗ് ആരംഭിച്ചു..!

Advertisement

ഇന്ത്യൻ സിനിമാ പ്രേക്ഷകർ ഏറ്റവും കൂടുതൽ കാത്തിരിക്കുന്ന ചിത്രങ്ങളിൽ ഒന്നാണ് സൂപ്പർ സ്റ്റാർ രജനികാന്തും ബോളിവുഡ് സൂപ്പർ താരം അക്ഷയ് കുമാറും പ്രധാന വേഷങ്ങളിൽ അഭിനയിച്ച ഷങ്കർ ചിത്രമായ 2.0 . ഇന്ത്യൻ സിനിമയിലെ ഏറ്റവും ചെലവ് കൂടിയ ചിത്രമായ 2.0 ഈ വരുന്ന വ്യാഴാഴ്ച മുതൽ ലോകമെമ്പാടുമുള്ള പതിനായിരത്തോളം സ്‌ക്രീനുകളിൽ റിലീസ് ചെയ്യുകയാണ്. കേരളത്തിൽ ഈ ചിത്രം വിതരണം ചെയ്യുന്നത് മുളകുപാടം ഫിലിമ്സിന്റെ ബാനറിൽ ടോമിച്ചൻ മുളകുപാടം ആണ്. പതിനഞ്ചു കോടിയോളം രൂപ മുടക്കിയാണ് അദ്ദേഹം ഈ ചിത്രത്തിന്റെ ഇവിടുത്തെ വിതരണാവകാശം സ്വന്തമാക്കിയത്. കേരളത്തിലെ 450 ഓളം സ്‌ക്രീനുകളിൽ റിലീസ് ചെയ്യാൻ തയ്യാറെടുക്കുന്ന ഈ ചിത്രത്തിന്റെ ഷോകൾ ഇവിടെ വെളുപ്പിന് നാല് മണി മുതൽ തന്നെ ആരംഭിക്കും.

ട്രിവാൻഡ്രം ഏരീസ് പ്ലെക്സ് തിയേറ്ററിൽ വെളുപ്പിന് നാലു മണിക്കുള്ള എന്തിരൻ 2 ഷോകളുടെ അഡ്വാൻസ് ബുക്കിംഗ് ആരംഭിച്ചു കഴിഞ്ഞു. ആദ്യ ദിനം 2000 ഷോകൾ എങ്കിലും ഈ ചിത്രം കേരളത്തിൽ കളിക്കും എന്നാണ് ഇപ്പോഴുള്ള പ്രതീക്ഷ, ലൈക്ക പ്രൊഡക്ഷൻസ് നിർമ്മിച്ചിരിക്കുന്ന ഈ ചിത്രത്തിലെ നായികാ വേഷം ചെയ്യുന്നത് ആമി ജാക്സൺ ആണ്. പൂർണ്ണമായും ഐ മാക്സ് ത്രീഡിയിൽ ചിത്രീകരിച്ച ആദ്യ ഇന്ത്യൻ ചിത്രമായ ഇതിന്റെ ബജറ്റ് ഏകദേശം അറുനൂറു കോടി രൂപയാണ്. തമിഴ്, തെലുങ്ക്, ഹിന്ദി ഭാഷകളിൽ ആയി റിലീസ് ചെയ്യാൻ പോകുന്ന ഈ ചിത്രത്തിൽ അക്ഷയ് കുമാർ വില്ലൻ വേഷത്തിൽ ആണ് എത്തിയിരിക്കുന്നത്. ആദിൽ ഹുസ്സൈൻ, സുധാൻഷു ദേശ്പാണ്ഡെ, കലാഭവൻ ഷാജോൺ, റിയാസ് ഖാൻ എന്നിവരും എന്തിരൻ 2 ന്റെ താര നിരയിൽ ഉണ്ട്.

Advertisement
Advertisement

Copyright © 2017 onlookersmedia.

Press ESC to close