Tuesday, May 17

വിക്കി കൗശൽ- കത്രീന കൈഫ് വിവാഹം; ഡിജിറ്റൽ സംപ്രേക്ഷണത്തിനു ഞെട്ടിക്കുന്ന ഒടിടി ഓഫർ..!

Google+ Pinterest LinkedIn Tumblr +
Want create site? Find Free WordPress Themes and plugins.

ബോളിവുഡ് സൂപ്പർ താരങ്ങളായ വിക്കി കൗശൽ, കത്രീന കൈഫ് എന്നിവരുടെ വിവാഹം നാളെ നടക്കും. കഴിഞ്ഞ കുറച്ചു നാളത്തെ പ്രണയത്തിനു ശേഷമാണു ഇരുവരും വിവാഹിതരാകാൻ തീരുമാനിച്ചത്. ആഘോഷപൂര്‍വ്വം കത്രീനയെ തങ്ങളുടെ കുടുംബത്തിലേക്ക് സ്വീകരിക്കാനുള്ള അവസാനവട്ട ഒരുക്കങ്ങളിലാണ് ഇപ്പോൾ വിക്കി കൗശലിന്റെ കുടുംബം. രാജസ്ഥാനിൽ വെച്ചാണ് ഇരുവരുടെയും വിവാഹം നടക്കുന്നത്. വിവാഹത്തിനും ഹണിമൂണിനും ശേഷം പൂര്‍ത്തിയാക്കാനുള്ള മറ്റു പ്രോജക്റ്റുകള്‍ തീർക്കുന്ന ഇരുവരും നായികാ നായകന്മാർ ആയി ഒരു ചിത്രം വരുന്നുണ്ട് എന്നും വാർത്തകൾ ഉണ്ട്. എന്നാൽ ഇപ്പോൾ വൈറലായി മാറുന്ന ഒരു വാർത്ത, ഇരുവരുടേയും വിവാഹ ചടങ്ങുകൾ ഷൂട്ട് ചെയ്തു സംപ്രേക്ഷണം ചെയ്യാൻ ഒരു പ്രമുഖ ഒടിടി പ്ലാറ്റ്‌ഫോം നൂറു കോടി രൂപയുടെ ഓഫർ നൽകി എന്നതാണ്. ഏതാണ് ആ പ്ലാറ്റ്ഫോം എന്നുള്ള വിവരങ്ങൾ ലഭ്യമല്ല.

അങ്ങനെ സംഭവിച്ചാൽ അത് ഇന്ത്യൻ സിനിമയുടെ ചരിത്രത്തിലെ തന്നെ ഒരു വലിയ സംഭവം ആയി മാറും. നേരത്തെ സൽമാൻ ഖാൻ, രൺബീർ കപൂർ എന്നിവരെ ഡേറ്റ് ചെയ്തതിനു ശേഷമാണു കത്രീന വിക്കി കൗശലുമായി പ്രണയത്തിൽ ആവുന്നത്. നൂറ്റി ഇരുപതോളം ബോളിവുഡ് സെലിബ്രിറ്റികൾ ആണ് വിവാഹ ചടങ്ങിൽ പങ്കെടുക്കുക എന്നാണ് സൂചന. നേഹ ധുപിയയും ഭര്‍ത്താവ് അംഗദ് ബേദിയും മിനി മാത്തൂറും ഭര്‍ത്താവ് കബിര്‍ ഖാനും, രവീണ ടണ്ഠനും ശങ്കര്‍ മഹാദേവൻ, നടി ശര്‍വാരി വാഘും, മലയാളി താരം മാളവിക മോഹനനും പിതാവ് കെ യു മോഹനനും സല്‍മാന്‍ ഖാന്‍, കബീര്‍ ഖാന്‍, രോഹിത് ഷെട്ടി, അലി അബാസ് സഫര്‍, അനുഷ്‌ക ശര്‍മ, ആലിയ ഭട്ട് അടക്കമുള്ളവർ വിവാഹത്തിൽ പങ്കെടുക്കും. വിക്കി കൗശലും കത്രീന കൈഫും വിവാഹ ആഘോഷത്തിന്റെ ഭാഗമായി സിംഗ് ഈസ് കിംഗിലെ ഗാനത്തിന് നൃത്തംവയ്‍ക്കുമെന്നും റിപ്പോർട്ടുകൾ ഉണ്ട്. രാജസ്ഥാനിലെ സവായ് മധോപൂരിലെ സിക്സ് സെൻസെസ് റിസോര്‍ട്ടിലാണ് വിക്കി കൗശലിന്റെയും കത്രീന കൈഫിന്റെയും വിവാഹം നടക്കുക.

ഫോട്ടോ കടപ്പാട്: ഇൻസ്റ്റാഗ്രാം

Did you find apk for android? You can find new Free Android Games and apps.
Share.

About Author