Tuesday, May 24

ഗ്ലാമർ ലുക്കിൽ എസ്തർ അനിൽ; വൈറലായി പുതിയ ചിത്രം..!

Google+ Pinterest LinkedIn Tumblr +
Want create site? Find Free WordPress Themes and plugins.

ഇപ്പോൾ സോഷ്യൽ മീഡിയയിൽ വൈറലായി മാറുന്നത് പ്രശസ്ത മലയാള നടി എസ്തർ അനിലിന്റെ ഏറ്റവും പുതിയ ചിത്രമാണ്. എസ്തർ തന്നെ തന്റെ ഇൻസ്റ്റാഗ്രാം അക്കൗണ്ടിലൂടെ പങ്കു വെച്ച ഈ ചിത്രം ശ്രദ്ധ നേടുന്നത് എസ്തർ ഇതിൽ അത്രമാത്രം ഗ്ലാമറസ് ആയി പ്രത്യക്ഷപ്പെട്ടത് കൊണ്ട് കൂടിയാണ്. ഇതിനു മുൻപും വളരെ ഗ്ലാമറസ് ആയി എസ്തർ പ്രത്യക്ഷപ്പെട്ട ചിത്രങ്ങൾ സോഷ്യൽ മീഡിയയുടെ ശ്രദ്ധ നേടിയിട്ടുണ്ട്. ഇത്തവണ അതീവ ഗ്ലാമറസ് ആയാണ് ഈ നടി എത്തിയിരിക്കുന്നത്. തന്റെ പുതിയ ഫോട്ടോഷൂട്ടിൽ നിന്നും പങ്കു വെച്ച ഈ ചിത്രത്തിന് വലിയ പ്രതികരണമാണ് എസ്തറിനു ഇപ്പോൾ ലഭിച്ചു കൊണ്ടിരിക്കുന്നത്. അസാനിയ നസ്രിൻ ആണ് ഈ ഫോട്ടോഷൂട്ടിനു വേണ്ടി സ്റ്റൈലിസ്റ് ആയി ജോലി ചെയ്തതും വസ്ത്രങ്ങൾ ഡിസൈൻ ചെയ്തതും. വഫാറാ ആണ് ഈ ഫോട്ടോഷൂട്ട് ദൃശ്യങ്ങൾ പകർത്തിയിരിക്കുന്നത് എന്നും എസ്തർ കുറിച്ചിട്ടുണ്ട്.

മോഹൻലാൽ നായകനായ ദൃശ്യം, ദൃശ്യം 2 എന്നീ ചിത്രങ്ങളിലൂടെ കേരളത്തിന് അകത്തും പുറത്തും ശ്രദ്ധ നേടിയ നടിയാണ് എസ്തർ അനിൽ. ജീത്തു ജോസഫ് ഒരുക്കിയ ഈ ചിത്രങ്ങളാണ് ബാലതാരമായി അരങ്ങേറ്റം കുറിച്ച എസ്തറിനു ബ്രേക്ക് നൽകിയത്. ഈ ചിത്രങ്ങളുടെ തമിഴ്, തെലുങ്കു പതിപ്പുകളിലും എസ്തർ ആണ് ആ കഥാപാത്രം ചെയ്തത്. പിന്നീട് മലയാളത്തിൽ നായികാ വേഷം ചെയ്ത ഈ നടി മികച്ച പ്രകടനത്തിലൂടെ ശ്രദ്ധ നേടി. ഷാജി എൻ കരുൺ സംവിധാനം ചെയ്ത ഓള് എന്ന ചിത്രത്തിലൂടെ ആണ് എസ്തർ നായികയായി അരങ്ങേറ്റം കുറിച്ചത്. മിന്മിനി എന്ന ചിത്രത്തിലൂടെ തമിഴ് സിനിമയിൽ നായികയായി അരങ്ങേറ്റം കുറിക്കുന്ന എസ്തർ അനിൽ, ജോഹർ എന്ന് പേരുള്ള ഒരു തെലുങ്കു ചിത്രത്തിലും നായികാ വേഷം ചെയ്യുകയാണെന്നുള്ള റിപ്പോർട്ടുകളും വന്നിരുന്നു.

Did you find apk for android? You can find new Free Android Games and apps.
Share.

About Author