തമിഴിലെ യുവ താരങ്ങളിലൊരാളായ ശിവകാർത്തികേയൻ നായകനായെത്തിയ ഏറ്റവും പുതിയ ചിത്രമാണ് ഡോൺ. സിബി ചക്രവർത്തി എഴുതി സംവിധാനം ചെയ്തിരിക്കുന്ന ഈ ചിത്രം നിർമ്മിച്ചിരിക്കുന്നത് ശിവകാർത്തികേയൻ പ്രൊഡക്ഷൻസ്, ലൈക്ക പ്രൊഡക്ഷൻസ് എന്നിവർ ചേർന്നാണ്. ഗംഭീര പ്രേക്ഷക പ്രതികരണമാണ് ഈ ചിത്രം നേടിയെടുത്തത്. കോമഡി, റൊമാൻസ്, ആക്ഷൻ, വൈകാരിക മുഹൂർത്തങ്ങളെന്നിവ കൃത്യമായ അളവിൽ ചേർത്തൊരുക്കിയ ഈ ചിത്രം യുവ പ്രേക്ഷകരെ വലിയ രീതിയിലാണ് ആകർഷിച്ചത്. ഒരു ക്യാമ്പസ് ഫൺ ഫിലിമെന്ന നിലയിൽ വലിയ സ്വീകാര്യതയാണ് ഈ ചിത്രത്തിന് ലഭിച്ചത്. ഇപ്പോഴിതാ ഇതിന്റെ കളക്ഷൻ റിപ്പോർട്ടും ഔദ്യോഗികമായി പുറത്ത് വന്നിരിക്കുകയാണ്. ആഗോള മാർക്കറ്റിൽ നിന്ന് നൂറു കോടി രൂപയാണ് ഈ ചിത്രം നേടിയ കളക്ഷനെന്ന് നിർമ്മാതാക്കൾ പുറത്തു വിട്ടു.
നൂറു കോടി ക്ലബിലും കൂടി ഇടം പിടിച്ചതോടെ തമിഴിലെ പുതുതലമുറയിലെ ഏറ്റവും താരമൂല്യമുള്ള നായകനായി ശിവകാർത്തികേയൻ മാറിയിരിക്കുകയാണ്. പ്രിയങ്ക മോഹൻ നായികാ വേഷം ചെയ്തിരിക്കുന്ന ഈ ചിത്രത്തിൽ എസ് ജെ സൂര്യ, സമുദ്രക്കനി, സൂരി എന്നിവരും പ്രധാന വേഷങ്ങൾ ചെയ്തിരിക്കുന്നു. ചക്രവർത്തി എന്ന നായക കഥാപാത്രമായി ശിവകാർത്തികേയൻ, പ്രൊഫസർ ഭൂമിനാഥനായി എസ് ജെ സൂര്യ. ചക്രവർത്തിയുടെ അച്ഛൻ കഥാപാത്രമായി സമുദ്രക്കനി എന്നിവർ കാഴ്ച്ചവെച്ച പ്രകടനത്തിന് വലിയ പ്രേക്ഷക- നിരൂപക പ്രശംസയാണ് ലഭിച്ചത്. മറ്റു കഥാപാത്രങ്ങളെ അവതരിപ്പിച്ച സൂരി, കാളി വെങ്കട്, ബാല ശരവണൻ രാധ രവി, മുനിഷ്‌കാന്ത്‌, സിവാങ്കി, മനോബാല എന്നിവരും തങ്ങളുടെ വേഷങ്ങൾ ഭംഗിയാക്കിയിട്ടുണ്ട്. അനിരുദ്ധ് രവിചന്ദർ സംഗതം നൽകിയ ഇതിലെ ഗാനങ്ങളും സൂപ്പർ ഹിറ്റായി മാറിയിരുന്നു.
#DON 😎 hits the coveted 100Cr 💰 mark in 12 days. Thank you one & all for making our DON a MEGA BLOCKBUSTER 💥#MegaBlockbusterDON 🥳 #DONHits100Cr 💯 #DONWon 🏆@Siva_Kartikeyan @SKProdOffl @KalaiArasu_ @Udhaystalin @RedGiantMovies_ @anirudhofficial @Dir_Cibi @priyankaamohan pic.twitter.com/nUpl3aIdQB
— Lyca Productions (@LycaProductions) May 25, 2022
