Saturday, August 13

സോഷ്യൽ മീഡിയ ആഘോഷമാക്കി ഇത്തിക്കര പക്കി തീം മ്യൂസിക്; മാസ്സ് ബിജിഎം കേരളക്കര കീഴടക്കുന്നു..!

Google+ Pinterest LinkedIn Tumblr +
Want create site? Find Free WordPress Themes and plugins.

റോഷൻ ആൻഡ്രൂസ് ഒരുക്കിയ ബ്രഹ്മാണ്ഡ ചിത്രമായ കായംകുളം കൊച്ചുണ്ണി ഇപ്പോൾ ലോകമെമ്പാടുനിന്നും അറുപതു കോടിയിൽ പരം രൂപ കളക്ഷൻ നേടി വമ്പൻ വിജയത്തിലേക്ക് കുതിക്കുകയാണ്. നിവിൻ പോളി നായകനും മോഹൻലാൽ അതിഥി വേഷത്തിലുമെത്തിയ ഈ ചിത്രം ആരാധകരും സിനിമാ പ്രേമികളും ഒരുപോലെ ആഘോഷമാക്കി കഴിഞ്ഞു. ഇത്തിക്കര പക്കി എന്ന ചരിത്ര കഥാപാത്രമായി അതിഥി വേഷത്തിൽ എത്തിയ മോഹൻലാൽ ആണ് ഈ ചിത്രത്തിന് വമ്പൻ ഹൈപ്പ് സമ്മാനിച്ചത് എന്ന് റോഷൻ ആൻഡ്രൂസ് പറയുമ്പോൾ ട്രേഡ് അനലിസ്റ്റുകൾ ഒന്നടങ്കം പറയുന്നത് കായംകുളം കൊച്ചുണ്ണി നേടുന്ന വമ്പൻ വിജയത്തിന് കാരണവും നിവിൻ പോളിയോടൊപ്പം എത്തിയ മോഹൻലാൽ എന്ന താര ചക്രവർത്തി ആണെന്നാണ്. ഇപ്പോഴിതാ സോഷ്യൽ മീഡിയയെ ഇളക്കി മറിച്ചു കൊണ്ട് ഇത്തിക്കര പക്കി തീം മ്യൂസിക് അണിയറ പ്രവർത്തകർ പുറത്തു വിട്ടിരിക്കുകയാണ്.

ഇത്തിക്കര പക്കി ആയുള്ള മോഹൻലാലിന്റെ വിസ്മയിപ്പിക്കുന്ന പ്രകടനം കയ്യടികളോടെ സ്വീകരിച്ച പ്രേക്ഷകർ ഏറെ കാത്തിരുന്ന ഒന്നാണ് ഇത്തിക്കര പക്കി ആയുള്ള മോഹൻലാലിൻറെ ഇൻട്രോ ബിജിഎം. കൗ ബോയ് സ്റ്റൈലിൽ ഉള്ള ആ കിടിലൻ പശ്ചാത്തല സംഗീതം ഒരുക്കിയത് ഗോപി സുന്ദർ ആണ്. ഇന്നലെ ആ പശ്ചാത്തല സംഗീതം ഒഫീഷ്യൽ ആയി തന്നെ കായംകുളം കൊച്ചുണ്ണി ടീം പുറത്തു വിട്ടു. പുറത്തു വന്നു നിമിഷങ്ങൾക്കുള്ളിൽ ഇത്തിക്കര പക്കി സ്പെഷ്യൽ മ്യൂസിക് സോഷ്യൽ മീഡിയ ആഘോഷമാക്കി കഴിഞ്ഞു. ഇപ്പോൾ എവിടെ നോക്കിയാലും പക്കി സ്പെഷ്യൽ സംഗീതമാണ്. ഈ കിടിലൻ പശ്ചാത്തല സംഗീതത്തിന്റെ അകമ്പടിയോടെയുള്ള മോഹൻലാലിന്റെ ഇൻട്രോ സീൻ അക്ഷരാർഥത്തിൽ തിയേറ്ററുകളെ ഇളക്കി മറിച്ചിരുന്നു.

Did you find apk for android? You can find new Free Android Games and apps.
Share.

About Author