Tuesday, May 24

അജിത് കുമാറിന്റെ കിടിലൻ സംഘട്ടനം; വലിമൈ പ്രോമോ വീഡിയോ സോഷ്യൽ മീഡിയയിൽ സൂപ്പർ ഹിറ്റ്..!

Google+ Pinterest LinkedIn Tumblr +
Want create site? Find Free WordPress Themes and plugins.

തല അജിത് നായകനായി എത്തുന്ന വമ്പൻ ആക്ഷൻ ത്രില്ലർ ആണ് വലിമൈ. വരുന്ന ഫെബ്രുവരി ഇരുപത്തിനാലിനു ആഗോള റിലീസ് ആയി എത്താൻ പോകുന്ന ഈ ചിത്രത്തിന്റെ ഒരു പ്രമോഷൻ വീഡിയോ ഇന്ന് പുറത്തു വിട്ടിരിക്കുകയാണ് അണിയറ പ്രവർത്തകർ. ഇന്ത്യയിലെ ഏറ്റവും വലിയ ആക്ഷൻ ത്രില്ലർ എന്ന അവകാശവാദത്തോടെയാണ് ഈ ചിത്രം എത്തുന്നത്. അജിത് കുമാറിന്റെ കിടിലൻ ആക്ഷൻ സീനുകൾ ആണ് ഇന്ന് പുറത്തു വിട്ട വീഡിയോയുടെ ഹൈലൈറ്റ്. അത്കൊണ്ട് തന്നെ പുറത്തു വന്നു നിമിഷങ്ങൾക്കകം ഈ വീഡിയോ സോഷ്യൽ മീഡിയയിൽ വൈറലായി മാറി. നായികാ വേഷം ചെയ്യുന്ന ഹുമ ഖുറേഷിയുടെ സംഘട്ടന രംഗങ്ങളും ഈ വീഡിയോയിൽ നമ്മുക്ക് കാണാൻ സാധിക്കും. അതുപോലെ ട്രെയ്ലറിൽ നമ്മൾ കണ്ട കിടിലൻ ബൈക്ക് സ്റ്റണ്ട് രംഗങ്ങളുടെ തുടർച്ചയും ഈ വീഡിയോയിൽ ഉണ്ട്. അജിത്തിന്റെ കരിയറിലെ ഏറ്റവും വലിയ ചിത്രങ്ങളിൽ ഒന്നായ വാലിമൈ നിർമ്മിച്ചിരിക്കുന്നത് പ്രശസ്ത ബോളിവുഡ് നിർമ്മാതാവായ ബോണി കപൂർ ആണ്.

തീരൻ അധികാരം ഒൻഡ്രു, നേർക്കൊണ്ട പാർവൈ എന്നീ വമ്പൻ ഹിറ്റായ ചിത്രങ്ങൾക്ക് ശേഷം എച്ച് വിനോദ് ഒരുക്കിയ ഈ ചിത്രത്തിന്റെ ടീസർ, ട്രൈലെർ, മേക്കിങ് വീഡിയോ എന്നിവയൊക്കെ വമ്പൻ ഹിറ്റായി മാറിയിരുന്നു. അജിത്, ഹുമ ഖുറേഷി എന്നിവർക്ക് പുറമെ യോഗി ബാബു, കാർത്തികേയ, സുമിത്ര, അച്ച്യുത്‌ കുമാർ, പേർളി മാണി, ധ്രുവൻ, പുകഴ്, പാവൽ നവഗീതൻ എന്നിവരും അഭിനയിക്കുന്ന ഈ ചിത്രത്തിന് സംഗീതം ഒരുക്കിയത് യുവാൻ ശങ്കർ രാജയാണ്. തല അജിത്തിന്റെ സാഹസികമായ സംഘട്ടന രംഗങ്ങൾ ആണ് ഈ ചിത്രത്തിന്റെ ഹൈലൈറ്റ് എന്നാണ് റിപ്പോർട്ടുകളും പുറത്തു വന്ന ഓരോ വീഡിയോയും നമ്മളോട് പറയുന്നത്. നീരവ് ഷാ കാമറ ചലിപ്പിച്ച ഈ ചിത്രം എഡിറ്റ് ചെയ്തത് വിജയ് വേലുക്കുട്ടി ആണ്. തമിഴ്, തെലുങ്കു, ഹിന്ദി, കന്നഡ എന്നിങ്ങനെ നാല് ഭാഷകളിൽ ആണ് ഈ ചിത്രം റിലീസ് ചെയ്യുന്നത്.

Did you find apk for android? You can find new Free Android Games and apps.
Share.

About Author