വയലൻസും ഗ്ലാമറും നിറഞ്ഞ തലൈനഗരം 2; സുന്ദർ സി ചിത്രത്തിന്റെ ടീസർ കാണാം

Advertisement

തമിഴിലെ പ്രശസ്ത നടനും സംവിധായകനുമായ സുന്ദർ സി നായകനായി എത്തുന്ന ഏറ്റവും പുതിയ ചിത്രമാണ് തലൈനഗരം 2. ഏതാനും ദിവസങ്ങൾക്ക് മുൻപ് റിലീസ് ചെയ്ത ഈ ചിത്രത്തിന്റെ ടീസർ ഇപ്പോൾ സോഷ്യൽ മീഡിയയിൽ സൂപ്പർ ഹിറ്റായി മാറുകയാണ്. സരിഗമ തമിഴ് യൂട്യൂബ് ചാനലിൽ റിലീസ് ചെയ്ത ഈ ടീസർ ഇതിനോടകം പതിനാറ് ലക്ഷത്തോളം കാഴ്ചക്കാരെയാണ് നേടിയിരിക്കുന്നത്. ആക്ഷൻ, വയലൻസ്, ഗ്ലാമർ എന്നിവക്കൊക്കെ പ്രാധാന്യം നൽകി ഒരുക്കിയിരിക്കുന്ന ഈ ചിത്രത്തിന്റെ ടീസറിന്റെ ഹൈലൈറ്റ് ഇതിലെ രക്തരൂക്ഷിതമായ ആക്ഷൻ രംഗങ്ങൾ തന്നെയാണ്. സുന്ദർ സിയെ കൂടാതെ പാലക് ലാൽവാനി, തമ്പി രാമയ്യ, ബാഹുബലി പ്രഭാകർ, ആയിര, ജൈസ് ജോസ്, വിശാൽ രാജൻ, സെരൻ രാജ് എന്നിവരും ഈ ചിത്രത്തിന്റെ താരനിരയിലുണ്ട്. ദൊരൈ വി ഇസഡ് ആണ് ഈ ചിത്രത്തിന്റെ കഥയും തിരക്കഥയും രചിച്ച് സംവിധാനം ചെയ്തിരിക്കുന്നത്.

റൈറ്റ് ഐ തീയേറ്റേഴ്സിന്റെ ബാനറിൽ എസ്‌ എം പ്രഭാകരൻ, സംവിധായകൻ ദൊരൈ വി ഇസഡ് എന്നിവർ ചേർന്നാണ് തലൈനഗരം 2 നിർമ്മിച്ചിരിക്കുന്നത്. മധു രാജ്, ആർ എസ്‌ വെങ്കട്, എ പി വി മാരൻ എന്നിവരാണ് ഈ ചിത്രത്തിന്റെ സഹനിർമ്മാതാക്കൾ. ഇ കൃഷ്ണസ്വാമി കാമറ ചലിപ്പിച്ച ഈ ചിത്രത്തിന് വേണ്ടി സംഗീത സംവിധാനം നിർവഹിച്ചിരിക്കുന്നത് ജിബ്രാൻ ആണ്. ആർ സുദർശൻ എഡിറ്റിംഗ് നിർവഹിച്ച ഈ സിനിമയുടെ കലാസംവിധാനം ചെയ്തിരിക്കുന്നത് എ കെ മുത്തുവും ഇതിന് സംഘട്ടന സംവിധാനം നിർവഹിച്ചത് ഡോൺ അശോകുമാണ്. ഒരിടവേളക്ക് ശേഷമാണ് സുന്ദർ സി നായകനായി ഒരു തമിഴ് ചിത്രം റിലീസ് ചെയ്യാൻ പോകുന്നത്.

Advertisement

Advertisement

Copyright © 2017 onlookersmedia.

Press ESC to close