Monday, November 28

മറന്ന് പോയ രഹസ്യങ്ങൾ വീണ്ടുമോർമിപ്പിക്കാൻ ദൃശ്യം 2 ; ഹിന്ദി ട്രൈലെർ കാണാം

Google+ Pinterest LinkedIn Tumblr +
Want create site? Find Free WordPress Themes and plugins.

മലയാള സിനിമയിലെ ഇൻഡസ്ട്രി ഹിറ്റായി മാറിയ ചിത്രമാണ് മോഹൻലാൽ നായകനായ ദൃശ്യം. ജീത്തു ജോസഫ് രചിച്ച് സംവിധാനം ചെയ്ത ഈ ചിത്രം എട്ടോളം ഇന്ത്യൻ- വിദേശ ഭാഷകളിലേക്കാണ് റീമേക്ക് ചെയ്തത്. അതിൽ ഏറെ ശ്രദ്ധ നേടിയ ഒന്ന് ഇതിന്റെ ഹിന്ദി റീമേക്ക് ആയിരുന്നു. അജയ് ദേവ്‌ഗൺ- ശ്രിയ ശരൺ ടീം പ്രധാന വേഷം ചെയ്ത ദൃശ്യം ഹിന്ദി റീമേക് സംവിധാനം ചെയ്തത് നിഷികാന്ത് കാമത് ആയിരുന്നു. കഴിഞ്ഞ വർഷമാണ് മലയാളത്തിൽ ദൃശ്യത്തിന്റെ രണ്ടാം ഭാഗം റിലീസ് ചെയ്തത്. മോഹൻലാൽ- ജീത്തു ജോസഫ് കൂട്ടുകെട്ടിൽ ഒരുങ്ങിയ ഈ രണ്ടാം ഭാഗം ആഗോള തലത്തിലാണ് ശ്രദ്ധ നേടിയത്. മഹാവിജയം നേടിയ ഈ രണ്ടാം ഭാഗത്തിന്റെ ഹിന്ദി റീമേക്കും ഇപ്പോൾ വരികയാണ്. ഈ വർഷം നവംബർ പതിനെട്ടിന് റിലീസ് ചെയ്യുന്ന ദൃശ്യം 2 ഹിന്ദി റീമേക്ക് സംവിധാനം ചെയ്തിരിക്കുന്നത് അഭിഷേക് പഥക് ആണ്.

ഇപ്പോഴിതാ ഈ ചിത്രത്തിന്റെ ഒരു ട്രൈലെർ പുറത്ത് വന്നിരിക്കുകയാണ്. ആദ്യ ഭാഗത്തിൽ നടന്ന സംഭവങ്ങൾ പ്രേക്ഷകരെ ഓർമിപ്പിക്കാനായി അതിലെ ദൃശ്യങ്ങൾക്ക് പ്രാധാന്യം നൽകിയാണ് ഈ ട്രൈലെർ ഒരുക്കിയിരിക്കുന്നത്. അജയ് ദേവ്‌ഗൺ- ശ്രിയ ശരൺ ടീം തന്നെ ഒന്നിക്കുന്ന ഈ ചിത്രത്തിൽ തബു, ഇഷിതാ ദത്ത എന്നിവരും വേഷമിടുന്നു. മലയാളത്തിൽ മോഹൻലാൽ അവതരിപ്പിച്ച ജോർജ്‌കുട്ടി എന്ന നായക കഥാപാത്രം ഹിന്ദിയിൽ എത്തുന്നത് വിജയ് എന്ന പേരിലാണ്. മുംബൈ, ഗോവ എന്നിവിടങ്ങളിലായാണ് ഈ ചിത്രം ഒരുക്കിയിരിക്കുന്നത്. അക്ഷയ് ഖന്ന, രജത് കപൂർ എന്നിവരും വേഷമിടുന്ന ഈ ചിത്രം നിർമ്മിച്ചിരിക്കുന്നത് പനോരമ സ്റ്റുഡിയോസ്, വയാകോം സ്റ്റുഡിയോസ്, ടി സീരിസ് എന്നിവയുടെ ബാനറിൽ ഭൂഷൺ കുമാർ, കുമാർ മങ്കത് പഥക്, കൃഷൻ കുമാർ, അഭിഷേക് പഥക് എന്നിവർ ചേർന്നാണ്.

Did you find apk for android? You can find new Free Android Games and apps.
Share.

About Author