Tuesday, May 24

ഷൈൻ ടോം ചാക്കോയുടെ ആറാട്ട്; ഭീഷ്മപർവത്തിലെ രതിപുഷ്പം ഗാനത്തിന്റെ വീഡിയോ കാണാം..!

Google+ Pinterest LinkedIn Tumblr +
Want create site? Find Free WordPress Themes and plugins.

മെഗാ സ്റ്റാർ മമ്മൂട്ടി നായകനായ ഭീഷ്മ പർവ്വം എന്ന ചിത്രം മികച്ച വിജയമാണ് നേടുന്നത്. മമ്മൂട്ടിയുടെ കരിയറിലെ ഏറ്റവും വലിയ വിജയമായി മാറിയ ഈ ചിത്രം ഒരുക്കിയത് അമൽ നീരദ് ആണ്. അദ്ദേഹവും ദേവദത് ഷാജിയും ചേർന്ന് രചിച്ച ഈ ചിത്രം നിർമ്മിച്ചിരിക്കുന്നത് അമൽ നീരദ് പ്രൊഡക്ഷൻസ് തന്നെയാണ്. മമ്മൂട്ടിയോടൊപ്പം ഒരു വലിയ താരനിര തന്നെ ഈ ചിത്രത്തിൽ അണിനിരന്നിട്ടുണ്ട്. ശ്രീനാഥ് ഭാസി, ഷൈൻ ടോം ചാക്കോ, സുദേവ് നായർ, ഹാരിഷ് ഉത്തമൻ, അബു സലിം, അനഘ, അനസൂയ ഭരദ്വാജ്, വീണ നന്ദകുമാർ, ശ്രിന്ദ, ലെന, നദിയ മൊയ്‌ദു, കെ പി എ സി ലളിത, ജിനു ജോസഫ്, നെടുമുടി വേണു, ദിലീഷ് പോത്തൻ, ഫർഹാൻ ഫാസിൽ, നിസ്താർ സേട്ട്, മാല പാർവതി, കോട്ടയം രമേശ്, പോളി വത്സൻ, ധന്യ അനന്യ, റംസാൻ, ഷെബിൻ ബെൻസൺ എന്നിവരാണ് അവർ. ഇപ്പോഴിതാ, ഈ ചിത്രത്തിൽ ഷൈൻ ടോം ചാക്കോ നൃത്തം വെക്കുന്ന ഗാനത്തിന്റെ വീഡിയോ റിലീസ് ചെയ്തിരിക്കുകയാണ്.

രതിപുഷ്പം എന്ന ഈ ഗാനത്തിന്റെ വീഡിയോ ആണ് എത്തിയിരിക്കുന്നത്. നേരത്തെ ഇതിന്റെ ലിറിക്കൽ വീഡിയോ എത്തുകയും ശ്രദ്ധ നേടുകയും ചെയ്തിരുന്നു. ഷൈൻ ടോം ചാക്കോക്കു ഒപ്പം യുവ നടനും മോഡലും നർത്തകനുമായ റംസാനും ഈ ഗാനത്തിൽ നൃത്തം വെക്കുന്നുണ്ട്. സുഷിൻ ശ്യാം ഈണം പകർന്ന ഈ ഗാനത്തിന് വരികൾ രചിച്ചിരിക്കുന്നത് വിനായക് ശശികുമാർ ആണ്. പ്രശസ്ത ഗായകൻ ഉണ്ണി മേനോൻ ആണ് ഈ ഗാനം ആലപിച്ചിരിക്കുന്നത്. തീയേറ്ററിലും വലിയ കയ്യടി നേടിയ ഗാനം ആണിത്.

Did you find apk for android? You can find new Free Android Games and apps.
Share.

About Author