Wednesday, May 25

രാം ചരണിന്റെ അഭിനയം കണ്ട് തിയറ്ററിനുള്ളിൽ ഭാര്യയുടെ ആവേശ പ്രകടനം; വീഡിയോ കാണാം..!

Google+ Pinterest LinkedIn Tumblr +
Want create site? Find Free WordPress Themes and plugins.

എസ് എസ് രാജമൗലി ഒരുക്കിയ ബ്രഹ്മാണ്ഡ ചിത്രമായ ആർ ആർ ആർ ഇപ്പോൾ മെഗാ വിജയം നേടി മുന്നോട്ട് കുതിക്കുകയാണ്. റാം ചരൺ, ജൂനിയർ എൻ ടി ആർ എന്നിവർ നായക വേഷത്തിൽ എത്തിയ ഈ ചിത്രം ആദ്യ നാലു ദിവസം കൊണ്ട് അഞ്ഞൂറ് കോടിക്ക് മുകളിൽ ആണ് ആഗോള ഗ്രോസ് ആയി നേടിയത്. റാം ചരൺ, ജൂനിയർ എൻ ടി ആർ എന്നിവർ റാം, ഭീം എന്നീ കഥാപാത്രങ്ങൾ ആയി നടത്തിയ ഗംഭീര പ്രകടനമാണ് ഈ ചിത്രത്തിന്റെ ഹൈലൈറ്റ്. ആക്ഷൻ രംഗങ്ങളിലും വൈകാരിക രംഗങ്ങളിലും ഇരുവരും ഒരുപോലെ തിളങ്ങി. ഈ ചിത്രത്തിൽ റാം ചരൺ നടത്തിയ പ്രകടനം അദ്ദേഹത്തിന്റെ കരിയർ ബെസ്റ്റ് ആയാണ് പ്രേക്ഷകരും നിരൂപകരും വിലയിരുത്തുന്നത്. ഇപ്പോഴിതാ റാം ചരണിന്റെ ഗംഭീര പ്രകടനം തീയേറ്ററിൽ ആഘോഷിക്കുന്ന അദ്ദേഹത്തിന്റെ ഭാര്യ ഉപാസനയുടെ വീഡിയോ ആണ് സോഷ്യൽ മീഡിയയിൽ വൈറൽ ആയി മാറുന്നത്.

തീയേറ്ററിനു ഉള്ളിൽ, ആരാധകരുടെ ആഘോഷങ്ങൾക്കിടയിൽ ഉപാസന തന്റെ ഭർത്താവിനെ പ്രോത്സാഹിപ്പിക്കുന്നത് ആണ് കാണാൻ സാധിക്കുന്നത്. റാം ചരൺ ഫാൻസ് ആവേശം കൊണ്ട് കീറിയെറിഞ്ഞ കടലാസ് കഷ്ണങ്ങൾ, നിലത്തുനിന്നും എടുത്ത് സ്ക്രീനിലേയ്ക്ക് വീണ്ടും എറിയുന്ന ഉപാസനയെ ആണ് ഈ വീഡിയോയിൽ കാണാൻ സാധിക്കുക. കുടുംബ സമേതം, തന്റെ അടുത്ത സുഹൃത്തുക്കൾക്കും ബന്ധുക്കൾക്കും ഒപ്പമാണ് ഉപാസന ആർ ആർ ആർ കാണാൻ എത്തിയത്. അഭിനയിക്കാൻ അറിയില്ല എന്ന് വിമർശിച്ചവർക്കുള്ള റാം ചരണിന്റെ ഗംഭീര മറുപടിയാണ് ഈ ചിത്രത്തിലെ രാമൻ ആയുള്ള പ്രകടനം എന്ന് ആരാധകർ പറയുന്നു. അല്ലൂരി സീതാരാമരാജു ആയാണ് റാം ചരൺ ഇതിൽ അഭിനയിച്ചിരിക്കുന്നത്. കോമരം ഭീം എന്ന ട്രൈബൽ ലീഡറുടെ വേഷമാണ് ജൂനിയർ എൻ ടി ആർ ചെയ്തത്.

Did you find apk for android? You can find new Free Android Games and apps.
Share.

About Author