Tuesday, June 28

അതീവ ഗ്ലാമറസായി ജാക്വലിൻ ഫെർണാണ്ടസ്; വിക്രാന്ത് റോണയിലെ ആദ്യ ഗാനം കാണാം

Google+ Pinterest LinkedIn Tumblr +
Want create site? Find Free WordPress Themes and plugins.

കന്നഡ സൂപ്പർ താരം കിച്ച സുദീപ് നായകനായെത്തുന്ന ഏറ്റവും പുതിയ ചിത്രമാണ് വിക്രാന്ത് റോണ. ഒരു ത്രീഡി മിസ്റ്റർ ത്രില്ലറായി ഒരുക്കിയിരിക്കുന്ന ഈ ചിത്രം രചിച്ച് സംവിധാനം ചെയ്തിരിക്കുന്നത് അനൂപ് ഭണ്ഡാരിയാണ്. ജാക്ക് മഞ്ജുനാഥ്, ശാലിനി മഞ്ജുനാഥ് എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രത്തിൽ കിച്ച സുദീപിനൊപ്പം നിരൂപ് ഭണ്ഡാരി, നീത അശോക്, ബോളിവുഡ് താരസുന്ദരി ജാക്വലിൻ ഫെർണാണ്ടസ് എന്നിവരാണ് അഭിനയിച്ചിരിക്കുന്നത്. ഇതിന്റെ ടീസർ കുറച്ചു നാൾ മുൻപ് റിലീസ് ചെയ്യുകയും സൂപ്പർ ഹിറ്റായി മാറുകയും ചെയ്തിരുന്നു. ജൂലൈ ഇരുപത്തിയെട്ടിനാണ് ഈ ചിത്രം ആഗോള റിലീസായെത്തുന്നത്. ഇപ്പോഴിതാ ഇതിന്റെ ആദ്യ ഗാനം പുറത്ത് വന്നിരിക്കുകയാണ്. ര ര രാക്കമ്മ എന്ന വരികളോടെ തുടങ്ങുന്ന ഈ ഗാനത്തിന്റെ ലിറിക് വീഡിയോയാണ് ഇപ്പോൾ റിലീസ് ചെയ്തിരിക്കുന്നത്. ജാക്വലിൻ ഫെർണാണ്ടസിന്റെ ഗ്ലാമറസ് നൃത്തമാണ് ഈ വീഡിയോയുടെ ഏറ്റവും വലിയ ഹൈലൈറ്റ് എന്ന് പറയാം.

നകാശ് അസിസ്, സുനിധി ചൗഹാൻ എന്നിവർ ചേർന്ന് പാടിയിരിക്കുന്ന ഈ ഗാനം രചിച്ചത് അനുപ് ഭണ്ഡാരിയും ഇതിനു സംഗീതം പകർന്നത് ബി അജെനീഷ് ലോകനാഥുമാണ്‌. ശാലിനി ആർട്സിന്റെ ബാനറിൽ നിർമ്മിച്ചിരിക്കുന്ന ഈ ചിത്രത്തിന് പശ്ചാത്തല സംഗീതമൊരുക്കിയിരിക്കുന്നതും അജെനീഷ് ലോകനാഥ് ആണ്. വില്യം ഡേവിഡ് ക്യാമറ ചലിപ്പിച്ച ഈ ചിത്രം എഡിറ്റ് ചെയ്തിരിക്കുന്നത് ആഷിക് കുസുഗോലിയാണ്. കന്നഡ കൂടാതെ, ഹിന്ദി, മലയാളം തമിഴ്, തെലുങ്കു എന്നീ ഭാഷകളിലും ഈ ചിത്രം റിലീസ് ചെയ്യും. ഗഡാങ് രാക്കമ്മ എന്ന കഥാപാത്രമായാണ് ജാക്വലിൻ ഫെർണാണ്ടസ് ഈ ചിത്രത്തിലെത്തുന്നത്.

Did you find apk for android? You can find new Free Android Games and apps.
Share.

About Author