Tuesday, January 25

1 മില്യൺ കാഴ്ചക്കാരുമായി ജിബൂട്ടി ട്രെയിലർ

Google+ Pinterest LinkedIn Tumblr +
Want create site? Find Free WordPress Themes and plugins.

ആഫ്രിക്കന്‍ രാജ്യമായ ജിബൂട്ടിയിൽ ചിത്രീകരിച്ച ആദ്യ മലയാള സിനിമയായ ജിബൂട്ടിയുടെ ട്രെയിലർ ആദ്യം ഇറങ്ങിയ ടീസർ പോലെ പ്രതീക്ഷ നിലനിർത്തി 1 മില്യൺ കാഴ്ചക്കാരുമായി മുന്നേറുകയാണ്. സമൂഹമാധ്യമങ്ങളിലൂടെ ചിത്രത്തിന്റെ ട്രെയിലറിനു മികച്ച പ്രതികരണമാണ് ലഭിച്ചു കൊണ്ടിരിക്കുന്നത്. അഫ്സൽ കരുനാഗപ്പള്ളി തിരക്കഥയും സംഭാഷണവും ഒരുക്കിയിരിക്കുന്ന ഈ ചിത്രത്തിലൂടെ ജിബൂട്ടി എന്ന ആഫ്രിക്കൻ രാജ്യത്തെയും അതിന്റെ വൈവിധ്യങ്ങളെയും സകല സംസ്കാരങ്ങളെയും മലയാളികളെ പരിചയപ്പെടുത്തുക എന്ന ഉദ്ദേശത്തോടെയാണ് സംവിധായകൻ സിനു ഈ ചിത്രത്തെ സമീപിച്ചിരിക്കുന്നത്. ഈ ചിത്രത്തിന്റെ ടീസർ ജിബൂട്ടി രാജ്യത്തിന്റെ പ്രധാനമന്ത്രിയായ അബ്ദുൽകാദർ കമിൽ മുഹമ്മദാണ് ലോഞ്ച് ചെയ്‌തിരുന്നത്. ഒരു മലയാള ചിത്രത്തിന്റെ ടീസർ ഒരു രാജ്യത്തിന്റെ പ്രധാനമന്ത്രി ലോഞ്ച് ചെയ്യുന്നത് എന്ന പ്രതേകതയും ഈ ചിത്രത്തിനുണ്ട്.

ജിബൂട്ടി എന്ന ആഫ്രിക്കൻ രാജ്യത്തിൽ വ്യവസായം ചെയ്യുന്ന ജോബി പി. സാമാണ് ബ്ലൂഹിൻ നെയിൽ കമ്മ്യൂണിക്കേഷന്റെ ബാനറിൽ ഈ ചിത്രം നിർമ്മിച്ചിരിക്കുന്നത്. ടി. ഡി. ശ്രീനിവാസ് ഛായാഗ്രഹണവും നിർവഹിക്കുന്ന ഈ ചിത്രത്തിനു വേണ്ടി ചിത്രസംയോജനം ചെയുന്നത് സംജിത് മുഹമ്മദാണ് . കൈതപ്രം വരികൾക്ക് മനോഹരമായ സംഗീതം നൽകുന്നത് ദീപക് ദേവാണ്.

അമിത് ചക്കാലക്കൽ കേന്ദ്രകഥാപാത്രത്തെ അവതരിപ്പിക്കുന്ന ഈ ചിത്രത്തിൽ ശകുൻ ജെസ്വാളായാണ് നായികയായി എത്തുന്നത്. കൂടാതെ ചിത്രത്തിൽ തമിഴ് നടൻ കിഷോർ, ദിലീഷ് പോത്തൻ, അഞ്ജലി നായർ, ജയശ്രീ, ആതിര ഹരികുമാർ, ഗ്രിഗറി, രോഹിത് മഗ്ഗു, അലൻസിയർ, നസീർ സംക്രാന്തി, ഗീത, സുനിൽ സുഖദ, ബിജു സോപാനം, ബോബി ജോർജ്, പൗളി വത്സൻ തുടങ്ങിയ നിരവധി താരങ്ങളും അണിനിരക്കുന്നു.

Did you find apk for android? You can find new Free Android Games and apps.
Share.

About Author