Thursday, May 26

ആക്ഷനും കോമഡിയുമായി മഞ്ജു വാര്യരും കൂട്ടരും; ജാക്ക് ആൻഡ് ജിൽ ടീസർ..!

Google+ Pinterest LinkedIn Tumblr +
Want create site? Find Free WordPress Themes and plugins.

മലയാളത്തിന്റെ ലേഡി സൂപ്പർ സ്റ്റാർ മഞ്ജു വാര്യരെ കേന്ദ്ര കഥാപാത്രമാക്കി പ്രശസ്ത സംവിധായകനും ഛായാഗ്രാഹകനുമായ സന്തോഷ് ശിവൻ ഒരുക്കിയ ചിത്രമാണ് ജാക്ക് ആൻഡ് ജിൽ. കംപ്ലീറ്റ് ആക്ടർ മോഹൻലാൽ റിലീസ് ചെയ്ത ഇതിന്റെ ഫസ്റ്റ് ലുക്ക് പോസ്റ്റർ കുറച്ചു ദിവസങ്ങൾക്കു മുൻപ് റിലീസ് ചെയ്യുകയും വലിയ ശ്രദ്ധ നേടുകയും ചെയ്തിരുന്നു. ഇപ്പോഴിതാ ഈ ചിത്രത്തിന്റെ ആദ്യ ടീസർ പുറത്തു വന്നിരിക്കുകയാണ്. ഇന്ത്യൻ സിനിമയുടെ മാസ്റ്റർ ഡയറക്ടർ മണി രത്‌നം ആണ് ഈ ടീസർ റിലീസ് ചെയ്തിരിക്കുന്നത്. ആക്ഷനും കോമേഡിയും സയൻസ് ഫിക്ഷനും ചേർന്ന ഒരു കംപ്ലീറ്റ് എന്റെർറ്റൈനെർ ആയിരിക്കും ഈ ചിത്രമെന്ന സൂചനയാണ് ഇന്ന് വന്ന ട്രൈലെർ തരുന്നത്. മഞ്ജു വാര്യരുടെ കോമേഡിക്കൊപ്പം ഈ താരത്തിന്റെ കിടിലൻ ആക്ഷനും ഈ ടീസറിൽ നമ്മുക്ക് കാണാൻ സാധിക്കും. നേരത്തെ പുറത്തു വന്ന, ചിത്രത്തിലെ കിം കിം എന്ന ഗാനവും ഏറെ സൂപ്പർ ഹിറ്റായിരുന്നു.

ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലൻ. സന്തോഷ് ശിവൻ, എം പ്രശാന്ത് ദാസ് എന്നിവർ ചേർന്നാണ് സയൻസ് ഫിക്ഷൻ കോമഡി ഗണത്തിൽപ്പെടുന്ന ഈ ചിത്രം നിർമ്മിച്ചിരിക്കുന്നത്. സൗബിൻ ഷാഹിർ, നെടുമുടി വേണു, ഇന്ദ്രൻസ്, ബേസിൽ ജോസഫ്, കാളിദാസ് ജയറാം, അജു വർഗീസ്, സേതുലക്ഷ്‌മി, ഷായ്‌ലി കിഷൻ, എസ്ഥേർ അനിൽ തുടങ്ങിയവരും അഭിനയിക്കുന്ന ഈ ചിത്രം മെയ് ഇരുപതിന്‌ ആണ് റിലീസ് ചെയ്യുക. ബി കെ ഹരിനാരായണനും റാം സുന്ദരും വരികൾ എഴുതിയ ജാക്ക് ആൻഡ് ജില്ലിലെ ഗാനങ്ങൾക്ക് സംഗീതം നൽകിയിരിക്കുന്നത് റാം സുരേന്ദറും ഗോപി സുന്ദറും ജേക്സ് ബിജോയിയും ചേർന്നാണ്. സന്തോഷ് ശിവൻ തന്നെ ഛായാഗ്രഹണവും നിർവഹിച്ചിരിക്കുന്ന ഈ ചിത്രം എഡിറ്റ് ചെയ്തിരിക്കുന്നത് രഞ്ജിത് ടച്ച് റിവർ ആണ്. അതുപോലെ ഈ ചിത്രം രചിച്ചിരിക്കുന്നത് സന്തോഷ് ശിവൻ, അജിത്‌ എസ് എം എന്നിവർ ചേർന്നാണ്.

Did you find apk for android? You can find new Free Android Games and apps.
Share.

About Author