Thursday, May 26

‘ഏറ്റുക ജെണ്ട’, ഇതാ ആർ ആർ ആറിലെ പുതിയ ഗാനത്തിന്റെ പ്രൊമൊ വീഡിയോ തരംഗമാകുന്നു….

Google+ Pinterest LinkedIn Tumblr +
Want create site? Find Free WordPress Themes and plugins.

തെലുങ്കിലെ സൂപ്പർ ഹിറ്റ് സംവിധായകൻ എസ് എസ് രാജമൗലി ഒരുക്കിയ ബ്രഹ്മാണ്ഡ ചിത്രം ആർ ആർ ആർ റിലീസിന് ഒരുങ്ങുകയാണ്. കോവിഡ് മൂന്നാം തരംഗം മൂലം റിലീസ് മാറ്റി വെച്ചിരുന്ന ഈ ചിത്രം ഈ വരുന്ന മാർച്ച് 25 നു ആണ് റിലീസ് ചെയ്യാൻ പോകുന്നത്. അഞ്ചു ഭാഷകളിൽ ആയി ഇന്ത്യൻ സിനിമ കണ്ട ഏറ്റവും വലിയ റിലീസ് ആയാണ് ഈ ചിത്രം എത്തുക. ഇപ്പോഴിതാ, അതിനു മുൻപേ ഇതിലെ ഒരു വീഡിയോ ഗാനം കൂടി റിലീസ് ചെയ്യാൻ പോവുകയാണ്. ഏറ്റുക ജെണ്ട എന്ന വരികളോടെ തുടങ്ങുന്ന ഈ ഗാനം നാളെ വൈകുന്നേരം നാലു മണിക്കാണ് റിലീസ് ചെയ്യുന്നത്. ഇപ്പോൾ അതിനു മുൻപേ അതിന്റെ ഒരു പ്രോമോ വീഡിയോ പുറത്തു വിട്ടിരിക്കുകയാണ് അണിയറ പ്രവർത്തകർ. ജൂനിയർ എൻ ടി ആർ, റാം ചരൺ എന്നിവക്കൊപ്പം ഇതിലെ നായികാ വേഷം ചെയ്യുന്ന ആലിയ ഭട്ടും ഈ ഗാനത്തിൽ നൃത്തം വെക്കുന്നുണ്ട് എന്ന് ഈ പ്രോമോ വീഡിയോ കാണിച്ചു തരുന്നു.

തെലുങ്കു, തമിഴ്, മലയാളം, ഹിന്ദി, കന്നഡ തുടങ്ങി അഞ്ചു ഭാഷകളിൽ ആണ് ഈ ചിത്രം റിലീസ് ചെയ്യാൻ പോകുന്നത്. ഇതിലെ രണ്ടു ഗാനങ്ങൾ നേരത്തെ തന്നെ റിലീസ് ചെയ്യുകയും സൂപ്പർ ഹിറ്റായി മാറുകയും ചെയ്തിരുന്നു. റാം ചരൺ, ജൂനിയർ എൻ ടി ആർ, ബോളിവുഡ് താരം അജയ് ദേവ്‌ഗൺ, ആലിയ ഭട്ട് എന്നിവർക്കൊപ്പം ഒളിവിയ മോറിസ്, സമുദ്രക്കനി, റേ സ്റ്റീവൻസൺ, അലിസൻ ഡൂഡി, ശ്രിയ സരൺ, ഛത്രപതി ശേഖർ, രാജീവ് കനകാല എന്നിവരും ഇതിൽ അഭിനയിച്ചിട്ടുണ്ട്. ഡി വി വി എന്റെർറ്റൈന്മെന്റ്സ് നിർമ്മിച്ചിരിക്കുന്ന ഈ ചിത്രത്തിന് സംഗീതം ഒരുക്കിയത് കീരവാണിയും കാമറ ചലിപ്പിച്ചത് സെന്തിൽ കുമാറും എഡിറ്റ് ചെയ്തത് ശ്രീകർ പ്രസാദുമാണ്.

Did you find apk for android? You can find new Free Android Games and apps.
Share.

About Author