ചാവുകളി എന്ന ചിത്രത്തിന്റെ ടീസർ ആണ് ഇപ്പോൾ സോഷ്യൽ മീഡിയയിൽ വൈറലായി മാറുന്നത്. രണ്ടു മണിക്കൂർ മുൻപ് റിലീസ് ചെയ്ത ഈ വീഡിയോ ഈ ഇതിലെ കഥാപാത്രങ്ങളുടെ ഇടപഴകിയുള്ള അഭിനയവും അതുപോലെ ഇതിൽ നിറഞ്ഞു നിൽക്കുന്ന ദുരൂഹത കൊണ്ടുമാണ് ശ്രദ്ധ നേടുന്നത്. പ്രണയവും ചതിയും പകയും പ്രതികാരവുമെല്ലാം നിറഞ്ഞു നിൽക്കുന്ന ഒരു ചിത്രമാണ് ചാവുകളി എന്നുള്ള സൂചനയാണ് ഈ ടീസർ നൽകുന്നത്. പ്രധാനമായും മൂന്നു കഥാപാത്രങ്ങളെ ചുറ്റിപ്പറ്റിയാണ് ഇതിന്റെ കഥ വികസിക്കുന്നത് എന്നും ഈ ടീസർ നമ്മളോട് പറയുന്നു. ഡിസംബർ പതിമൂന്നിന് നീ സ്ട്രീം വഴിയാണ് ഈ ചിത്രം പുറത്തു വരുന്നത്. ചാവുകളി അഥവാ ദി ഗെയിം ഓഫ് ഡെത്ത് എന്ന പേര് സൂചിപ്പിക്കുന്നത് പോലെ വളരെ വയലൻസ് നിറഞ്ഞ രംഗങ്ങൾ ആയിരിക്കും ഈ ചിത്രത്തിന്റെ ഹൈലൈറ്റ് എന്നാണ് ടീസർ കാണിച്ചു തരുന്നത്.
നന്ദകുമാർ രാഘവൻ എഴുതി സംവിധാനം ചെയ്ത ഈ ചിത്രത്തിന് ക്യാമറ ചലിപ്പിച്ചത് ഷിജു എം ഭാസ്കറും എഡിറ്റിംഗ് നിർവഹിച്ചിരിക്കുന്നതു വിഷ്ണു വേണുഗോപാലും ആണ്. എൽവിൻ ജെയിംസ്, ജയപ്രകാശ് ജെ എന്നിവരാണ് ഈ ചിത്രത്തിന് വേണ്ടി സംഗീതം നൽകിയിരിക്കുന്നത്. ഏതായാലും ഈ ടീസർ മികച്ച പ്രേക്ഷക ശ്രദ്ധ നേടിയെടുക്കുന്നതിൽ വിജയം കണ്ടിട്ടുണ്ട് എന്ന് പറയാം. ചിത്രം കാണാനുള്ള ആകാംഷ പ്രേക്ഷകരിൽ ജനിപ്പിക്കുന്ന തരത്തിൽ തന്നെയാണ് ഈ ടീസർ കട്ട് ചെയ്തിരിക്കുന്നത്. നീ സ്ട്രീം യൂട്യൂബ് ചാനലിൽ തന്നെയാണ് ഈ ടീസർ റിലീസ് ചെയ്തിരിക്കുന്നതും. നിവേദിത്, ജാനകി എന്നിവരാണ് ഇതിലെ പ്രധാന കഥാപാത്രങ്ങൾക്കു ജീവൻ പകർന്നിരിക്കുന്നത്.
