Tuesday, May 24

മണിച്ചിത്രത്താഴ് വീണ്ടും തുറക്കാൻ ബോളിവുഡ്; നാഗവല്ലിയായി കിയാര; ട്രൈലെർ കാണാം..!

Google+ Pinterest LinkedIn Tumblr +
Want create site? Find Free WordPress Themes and plugins.

1993 ഇൽ മലയാളത്തിൽ റിലീസ് ചെയ്തു ഇൻഡസ്ട്രി ഹിറ്റായി മാറിയ ചിത്രമാണ് ഫാസിൽ ഒരുക്കിയ മണിച്ചിത്രത്താഴ്. ഇന്ത്യൻ മുഴുവൻ ശ്രദ്ധിക്കപ്പെട്ട ഈ ചിത്രത്തിൽ മോഹൻലാൽ, ശോഭന, സുരേഷ് ഗോപി എന്നിവരാണ് കേന്ദ്ര കഥാപാത്രങ്ങളായി എത്തിയത്. ഒട്ടേറെ ഇന്ത്യൻ ഭാഷകളിലേക്ക് ഈ ചിത്രം റീമേക് ചെയ്യപ്പെടുകയും ചെയ്തു. ഇത് ഹിന്ദിയിലേക്ക് റീമേക് ചെയ്തത് മലയാളി സംവിധായകനായ പ്രിയദർശൻ ആയിരുന്നു. ഭൂൽ ഭുലയ്യ എന്ന പേരിൽ റിലീസ് ചെയ്ത ഈ റീമേക് അവിടെ ബ്ലോക്ക്ബസ്റ്റർ ആയി മാറി. അക്ഷയ് കുമാർ നായകനായി എത്തിയ ഈ ചിത്രത്തിൽ വിദ്യ ബാലൻ ആണ് നായികാ വേഷം ചെയ്തത്. ഇപ്പോഴിതാ ഈ ചിത്രത്തിന്റെ രണ്ടാം ഭാഗവുമായി എത്തുകയാണ് ബോളിവുഡ്. ഭൂൽ ഭുലയ്യ 2 എന്ന് പേരിട്ടിരിക്കുന്ന ഈ ചിത്രത്തിന്റെ ട്രൈലെർ ഇപ്പോൾ സോഷ്യൽ മീഡിയയിൽ ശ്രദ്ധ നേടുകയാണ്.

മെയ് ഇരുപതിന്‌ റിലീസ് ചെയ്യാൻ പോകുന്ന ഈ ചിത്രത്തിൽ കാർത്തിക് ആര്യൻ, തബു, കിയാര അദ്വാനി, രാജ്പാല്‍ യാദവ്, സഞ്ജയ് മിശ്ര എന്നിവരാണ് പ്രധാന കഥാപാത്രങ്ങളായി എത്തുന്നത്. എന്നാൽ ഈ രണ്ടാം ഭാഗം ഒരുക്കിയിരിക്കുന്നത് പ്രിയദർശൻ അല്ല. അനീസ് ബസ്മി ആണ് ഈ രണ്ടാം ഭാഗം സംവിധാനം ചെയ്തിരിക്കുന്നത്. മനു ആനന്ദ് കാമറ ചലിപ്പിച്ച ഈ ചിത്രത്തിന് സംഗീതം ഒരുക്കിയത് പ്രീതം ആണ്. ആകാശ് കൗശിക് രചിച്ച ഈ രണ്ടാം ഭാഗത്തിന് സംഭാഷണങ്ങൾ രചിച്ചത് അദ്ദേഹവും പ്രശസ്ത സംവിധായകനും രചയിതാവുമായ ഫർഹാദ് സംജിയും ചേർന്നാണ്. മണിചിത്രത്തിലെ നാഗവല്ലി എന്ന നായികാ കഥാപാത്രം അവതരിപ്പിച്ച ശോഭനക്ക് മികച്ച നടിക്കുള്ള ദേശീയ പുരസ്‍കാരം ലഭിച്ചിരുന്നു. മധു മുട്ടം ആണ് ഈ ചിത്രം രചിച്ചത്.

Did you find apk for android? You can find new Free Android Games and apps.
Share.

About Author