Saturday, January 22

ദിലീപ് ചിത്രത്തിന്റെ ലൊക്കേഷനിൽ കാലകേയനെ അനുകരിച്ചു ബാഹുബലി താരം; വീഡിയോ വൈറൽ ആവുന്നു..!

Google+ Pinterest LinkedIn Tumblr +
Want create site? Find Free WordPress Themes and plugins.

ജനപ്രിയ നായകൻ ദിലീപ് ഇപ്പോൾ ബി ഉണ്ണികൃഷ്ണൻ സംവിധാനം ചെയ്യുന്ന ചിത്രത്തിന്റെ ലൊക്കേഷനിൽ ആണ്. ഒക്ടോബർ മാസം ഇരുപത്തിയേഴിനു ദിലീപിന്റെ ജന്മദിനം പ്രമാണിച്ചാണ് ഈ ചിത്രത്തിന്റെ ടൈറ്റിലും ഫസ്റ്റ് ലുക്ക് പോസ്റ്ററും പുറത്തു വിട്ടത്. കോടതി സമക്ഷം ബാലൻ വക്കീൽ എന്നാണ് ഈ ചിത്രത്തിന് പേര് നൽകിയിരിക്കുന്നത്. വിക്കനായ ഒരു വക്കീൽ ആയാണ് ദിലീപ് ഈ ചിത്രത്തിൽ അഭിനയിക്കുന്നത് എന്നാണ് റിപ്പോർട്ടുകൾ പറയുന്നത്. ഇപ്പോഴിതാ ഈ ചിത്രത്തിന്റെ ലൊക്കേഷനിൽ നിന്നുള്ള ഒരു വീഡിയോ സോഷ്യൽ മീഡിയയിൽ വൈറൽ ആവുകയാണ്. ബാഹുബലി എന്ന ബ്രഹ്മാണ്ഡ ചിത്രത്തിലെ കാലകേയൻ എന്ന സൂപ്പർ ഹിറ്റ് വില്ലൻ വേഷത്തിലൂടെ പ്രശസ്തനായ പ്രഭാകർ ദിലീപ്- ബി ഉണ്ണികൃഷ്ണൻ ചിത്രത്തിന്റെ താര നിരയിൽ ഉണ്ട്.

ഈ ചിത്രത്തിന്റെ ലൊക്കേഷനിൽ, ദിലീപിന്റെ മുന്നിൽ വെച്ച് പ്രഭാകർ തന്റെ കാലകേയ കഥാപാത്രത്തിന്റെ ആ വ്യത്യസ്ത ഭാഷ പറഞ്ഞുള്ള ഡയലോഗ് വീണ്ടും പറയുന്ന ഒരു വീഡിയോ ആണ് ഇപ്പോൾ പുറത്തു വന്നിരിക്കുന്നത്. ജനപ്രിയ നായകന്റെ മുന്നിൽ പ്രഭാകർ കാലകേയനെ അനുകരിച്ചു കാണിക്കുന്ന വീഡിയോ ഇപ്പോൾ സോഷ്യൽ മീഡിയയിൽ വൈറൽ ആവുകയാണ്. വയാകോം മോഷൻ പിക്ചർസ് ആദ്യമായി മലയാളത്തിൽ നിർമ്മിക്കുന്ന ചിത്രമാണ് കോടതി സമക്ഷം ബാലൻ വക്കീൽ. പ്രിയ ആനന്ദ്, മമത മോഹൻദാസ് എന്നിവരാണ് ഈ ചിത്രത്തിലെ നായികാ വേഷം ചെയ്യുന്നത് എന്നാണ് റിപ്പോർട്ടുകൾ സൂചിപ്പിക്കുന്നത്. ഈ ചിത്രം പൂർത്തിയാക്കിയതിനു ശേഷം ദിലീപ് രാമചന്ദ്ര ബാബു ഒരുക്കുന്ന പ്രൊഫസ്സർ ഡിങ്കൻ എന്ന ത്രീഡി ചിത്രം പൂർത്തിയാക്കും. ദിലീപ്- ബി ഉണ്ണികൃഷ്ണൻ ചിത്രം അടുത്ത വർഷം ജനുവരിയിൽ റിലീസ് ചെയ്യും എന്നാണ് റിപ്പോർട്ടുകൾ പറയുന്നത്.

Did you find apk for android? You can find new Free Android Games and apps.
Share.

About Author