Tuesday, May 24

ഫോണിൽ വിളിച്ചു ചീത്ത പറഞ്ഞത് ആ നടൻ അല്ല; ആരെന്നു വെളിപ്പെടുത്തി ടിനി ടോം

Google+ Pinterest LinkedIn Tumblr +
Want create site? Find Free WordPress Themes and plugins.

സോഷ്യൽ മീഡിയയിൽ പരക്കുന്ന ഒരു തെറ്റായ വാർത്തക്കെതിരെ പ്രതികരിച്ചു കൊണ്ട് മുന്നോട്ടു വന്നിരിക്കുകയാണ് നടൻ ടിനി ടോം. അദ്ദേഹം കൂടി ഉൾപ്പെട്ട ഒരു വിഷയമായത് കൊണ്ട് നേരിട്ട് ഫേസ്ബുക് ലൈവിൽ വന്നാണ് ടിനി ടോം കാര്യങ്ങൾ വിശദീകരിച്ചത്. ഫോണിൽ വിളിച്ച് ശല്യപ്പെടുത്തിയത് നടൻ ഷിയാസ് കരീം അല്ലെന്നും ഇക്കാര്യത്തിൽ ആരും തെറ്റിദ്ധരിക്കരുതെന്നുമാണ് ടിനി ടോം പ്രേക്ഷകരോട് പറയുന്നത്. നേരത്തെ, മൂന്ന് മാസത്തിലേറെയായി തന്നെ നിരന്തരം ഫോണില്‍ വിളിച്ചു ശല്യപ്പെടുത്തുന്ന ഒരു ചെറുപ്പക്കാരനെ പോലീസ് പിടികൂടി എന്ന വിവരം ടിനി ടോം എല്ലാവരോടും പങ്കു വെച്ചിരുന്നു. മാസങ്ങളായി ടിനി ടോമിനെ വിളിച്ച് അസഭ്യം പറയുന്ന ഷിയാസ് എന്ന യുവാവിനെയാണ്, ടിനി ടോം സൈബർ സെല്ലിൽ നൽകിയ പരാതിയുടെ അടിസ്ഥാനത്തിൽ, പോലീസ് അറസ്റ്റ് ചെയ്തത്.

https://www.facebook.com/shiyaskareem2018/videos/645237833250866

എന്നാൽ തന്നെ ശല്യപ്പെടുത്തിയത് ഷിയാസ് എന്നൊരാളാണ് എന്ന് ടിനി ടോം പറഞ്ഞതോടെ, ഒട്ടേറെ പേര് അത് കേട്ട് തെറ്റിദ്ധരിച്ചു നടനും മോഡലുമായ ഷിയാസ് കരീമിനെ സമൂഹമാധ്യമങ്ങളിലൂടെ അപമാനിക്കാനുള്ള ശ്രമം നടത്തുകയായിരുന്നു. ആ കാര്യം ശ്രദ്ധയിൽ പെട്ടതോടെയാണ് ടിനി ടോം ലൈവായി വന്നു കാര്യങ്ങൾ വിശദീകരിച്ചു തെറ്റിദ്ധാരണ മാറ്റിയത്. തന്നെ ഫോണില്‍ വിളിച്ച്ചീത്ത പറഞ്ഞ ആളുടെ പേര് ഷിയാസ് എന്നാണ് എങ്കിലും, അത് ഷിയാസ് കരീം അല്ല, ഷിയാസ് കരീം തനിക്കു സഹോദര തുല്യനായ വ്യക്തിയാണ് എന്നും ടിനി ടോം പറയുന്നു. ഈ വീഡിയോ ഷിയാസ് കരീമും സമൂഹ മാധ്യമത്തിൽ പങ്കു വെച്ചിട്ടുണ്ട്. അത് ഞാന്‍ അല്ല നിങ്ങള്‍ക്ക് ആള്‍ മാറി എന്നാണ് തോന്നുന്നത്’ എന്ന് കുറിച്ചു കൊണ്ടാണ് ടിനി ടോമിന്റെ ലൈവ് വീഡിയോ ഷിയാസ് കരീം ഷെയർ ചെയ്തത്.

Did you find apk for android? You can find new Free Android Games and apps.
Share.

About Author