Tuesday, May 24

നിവിൻ പോളി- രാജീവ് രവി ചിത്രം തുറമുഖം റിലീസ് തീയതി പുറത്ത്; കാത്തിരിക്കുന്നത് വമ്പൻ ബോക്സ് ഓഫീസ് യുദ്ധം..!

Google+ Pinterest LinkedIn Tumblr +
Want create site? Find Free WordPress Themes and plugins.

മലയാളത്തിലെ യുവ താരം നിവിൻ പോളിയെ നായകനാക്കി പ്രശസ്ത സംവിധായകനും ഛായാഗ്രഹനുമായ രാജീവ് രവി സംവിധാനം ചെയ്ത ചിത്രമാണ് തുറമുഖം. വമ്പൻ ബഡ്ജറ്റിലൊരുക്കിയ ഈ പീരീഡ് ചിത്രം കോവിഡ് പ്രതിസന്ധി മൂലം രണ്ടു വർഷത്തോളം വൈകിയാണ് ഇപ്പോൾ റിലീസിനൊരുങ്ങുന്നതു. ഇപ്പോഴിതാ ഈ ചിത്രത്തിന്റെ ഒഫീഷ്യൽ റിലീസ് ഡേറ്റ് പുറത്തു വിട്ടിരിക്കുകയാണ് അണിയറ പ്രവർത്തകർ. വരുന്ന ജൂൺ മൂന്നിനാണ് തുറമുഖം ആഗോള റിലീസായി എത്തുന്നത്. രാജീവ് രവി ഛായാഗ്രഹണവും നിർവഹിച്ചിരിക്കുന്ന ഈ ചിത്രം രചിച്ചിരിക്കുന്നത് ഗോപൻ ചിദംബരനാണ്. ഗോപൻ ചിദംബരന്റെ അച്ഛൻ കെ എം ചിദംബരൻ രചിച്ച ഇതേ പേരിലുള്ള നാടകത്തെ അടിസ്ഥാനമാക്കിയാണ് ഈ ചിത്രം ഒരുക്കിയിരിക്കുന്നതെന്നാണ് സൂചന. 1940 – 1950 കാലഘട്ടത്തിൽ കൊച്ചി പോർട്ടിന്റെ പശ്ചാത്തലത്തിൽ കഥ പറയുന്ന ചിത്രമാണിത്. നേരത്തെ പുറത്തു വന്ന ഇതിന്റെ ടീസർ വമ്പൻ ഹിറ്റായി മാറിയിരുന്നു.

നിവിൻ പോളിക്കു പുറമെ ഇന്ദ്രജിത് സുകുമാരൻ, ജോജു ജോർജ്, അർജുൻ അശോകൻ, മണികണ്ഠൻ ആചാരി, സുദേവ് നായർ, നിമിഷാ സജയൻ, പൂർണ്ണിമ ഇന്ദ്രജിത് തുടങ്ങിയവരും അഭിനയിച്ചിരിക്കുന്നു ഈ ചിത്രം നിർമ്മിച്ചിരിക്കുന്നത് മിനി സ്റ്റുഡിയോയുടെ ബാനറിൽ സുകുമാർ തെക്കേപ്പാട്ട് ആണ്. ബി അജിത് കുമാർ എഡിറ്റിംഗ് നിർവഹിച്ചിരിക്കുന്ന ഈ ചിത്രത്തിന് സംഗീതം പകർന്നിരിക്കുന്നത് കെ, ഷഹബാസ് അമൻ എന്നിവർ ചേർന്നാണ്. ജൂൺ മൂന്നിന് വമ്പൻ ക്ലാഷ് റിലീസിനാണ് തുറമുഖമൊരുങ്ങുന്നതു. കമൽ ഹാസൻ, ഫഹദ് ഫാസിൽ, വിജയ് സേതുപതി, സൂര്യ എന്നവർ ഒരുമിച്ചെത്തുന്ന ലോകേഷ് കനകരാജ് ചിത്രം വിക്രം, മേജർ സന്ദീപ് ഉണ്ണികൃഷ്ണന്റെ ജീവിതകഥ പറയുന്ന തെലുങ്കു ചിത്രം മേജർ എന്നിവയും അന്നാണ് ആഗോള റിലീസായെത്തുന്നത്.

Did you find apk for android? You can find new Free Android Games and apps.
Share.

About Author