കരിക്ക് ടീമിനൊപ്പം ഒരു സുരാജ് വെഞ്ഞാറമ്മൂട് ചിത്രം; വെളിപ്പെടുത്തി താരം..!

Google+ Pinterest LinkedIn Tumblr +
Want create site? Find Free WordPress Themes and plugins.

യൂട്യൂബിലെ വെബ് സീരീസുകളിലൂടെ ഇന്ത്യ മുഴുവൻ പോപ്പുലർ ആയ ടീം ആണ് കരിക്കു ടീം. വമ്പൻ ജനപ്രീതിയാണ് ഇവരുടെ ഓരോ വീഡിയോക്കും ലഭിക്കുന്നത്. നർമ്മത്തിൽ ചാലിച്ചു കഥ പറയുന്ന ഇവരുടെ ഓരോ വീഡിയോയും വരാൻ കാത്തിരിക്കുന്ന ഒരു വലിയ ആരാധക സമൂഹം തന്നെ ഇവർക്കുണ്ട്. ഇപ്പോഴിതാ കരിക്കു ടീം സിനിമയിലേക്കും എത്തുകയാണ്. കരിക്കു ടീമിനൊപ്പം താൻ ചെയ്യുന്ന ഒരു ചിത്രം വരുന്നുണ്ട് എന്ന് സുരാജ് വെഞ്ഞാറമ്മൂട് തന്നെയാണ് ഇപ്പോൾ വെളിപ്പെടുത്തിയത്. മിര്‍ച്ചി മലയാളത്തിന് നല്‍കിയ അഭിമുഖത്തില്‍ സംസാരിക്കുമ്പോഴാണ് സുരാജ് ഈ കാര്യം വെളിപ്പെടുത്തിയത്. തമാശ കഥാപാത്രങ്ങള്‍ വിട്ട് ഇപ്പോള്‍ സീരിയസ് കഥാപാത്രങ്ങളാണല്ലോ ചെയ്യുന്നത് ഇനി തമാശ ചെയ്യില്ലേ എന്ന ചോദ്യത്തിന് മറുപടി പറയുമ്പോഴാണ് സുരാജ് ഈ വിവരം പുറത്തു പറഞ്ഞത്.

എല്ലാവരും ചോദിക്കുന്ന ചോദ്യമാണിത് എന്നും സുരാജ് കോമഡി നിര്‍ത്തിയോ എന്നാണ് പലരും ചോദിക്കുന്നത് എന്നും അദ്ദേഹം പറയുന്നു. ശരിക്കും പറഞ്ഞാല്‍ സീരിയസ് ചെയ്ത് തനിക്കും ഏകദേശം ഒക്കെ മടുത്തു എന്നും ലഭിക്കുന്ന തിരക്കഥ അനുസരിച്ചാണ് അഭിനയിക്കുന്നത് എന്നും സുരാജ് പറയുന്നു. മലയാളത്തിലെ ഏറ്റവും പോപ്പുലർ ആയ ഹാസ്യ താരങ്ങളിൽ ഒരാളായിരുന്ന സുരാജ് പിന്നീട് സീരിയസ് വേഷങ്ങളിലൂടെ ദേശീയ- സംസ്ഥാന പുരസ്‍കാരങ്ങൾ കരസ്ഥമാക്കി. നായകനായും നെഗറ്റീവ് റോളിൽ വന്നും വരെ ഞെട്ടിക്കുന്ന പ്രകടനമാണ് സുരാജ് നൽകിയത്. എന്നാൽ അതിനിടയിൽ സുരാജിന്റെ കോമഡി കഥാപാത്രങ്ങൾ ആണ് പ്രേക്ഷകർ മിസ് ചെയ്യാൻ തുടങ്ങിയത്. ഇനിയിപ്പൊ കോമഡി വരുന്നുണ്ട് എന്നും കരിക്ക് ടീമിന്റെ പടം താനാണ് ചെയ്യുന്നത് എന്നും അദ്ദേഹം പറഞ്ഞു. അതുപോലെ വിനീത് ശ്രീനിവാസനൊപ്പം ഒരു പടം താൻ അടുത്തിടെ ചെയ്തതും ഹ്യൂമറാണ് എന്നും ഹ്യൂമറ് വിട്ട് ഒരു പരിപാടിയുമില്ല എന്നും സുരാജ് കൂട്ടിച്ചേർത്തു.

Did you find apk for android? You can find new Free Android Games and apps.
Share.

About Author