Saturday, October 16

എന്റെ സ്വപ്നമാണ്, അത് എന്തുവന്നാലും മമ്മൂക്ക ആയിട്ട് തന്നെ ചെയ്യണം; വെളിപ്പെടുത്തി സൗബിൻ ഷാഹിർ..!

Google+ Pinterest LinkedIn Tumblr +
Want create site? Find Free WordPress Themes and plugins.

മലയാളികളുടെ പ്രീയപ്പെട്ട നടന്മാരിൽ ഒരാൾ ആണ് സൗബിൻ ഷാഹിർ. അതിനൊപ്പം സംവിധായകൻ ആയിക്കൂടെ സൗബിൻ തന്റെ കഴിവ് തെളിയിച്ചു കഴിഞ്ഞു. പറവ എന്ന ചിത്രത്തിലൂടെ ആണ് സൗബിൻ സംവിധായകനായി അരങ്ങേറ്റം കുറിച്ചത്. ഇപ്പോൾ തന്റെ രണ്ടാമത്തെ ചിത്രം ചെയ്യാനുള്ള ഒരുക്കത്തിലാണ് സൗബിൻ എന്ന സംവിധായകൻ. ദുൽഖർ സൽമാൻ നായകനായി എത്തുന്ന ആ ചിത്രത്തിന്റെ പേര് ഓതിരം കടകം എന്നാണ്. ദുൽഖർ തന്നെയാണ് ആ ചിത്രം നിർമ്മിക്കുന്നതും. സൗബിന്റെ ആദ്യ ചിത്രത്തിൽദുൽഖർ നിർണ്ണായകമായ ഒരു വേഷം ചെയ്തിരുന്നു. ഇപ്പോഴിതാ തനിക്കൊരു സ്വപ്ന ചിത്രം ഉണ്ടെന്നും അതിൽ നായകനായി മമ്മുക്കയെ ആണ് മനസ്സിൽ കാണുന്നതെന്നും പറയുകയാണ് സൗബിൻ ഷാഹിർ. ദി ക്യൂവിനു വേണ്ടി മനീഷ് നാരായണൻ നടത്തിയ ഇന്റർവ്യൂവിൽ ആണ് സൗബിൻ തന്റെ മനസ്സ് തുറന്നതു.

ചെറുകഥ എന്ന് പേരിട്ടിരിക്കുന്ന ആ ചിത്രത്തിന്റെ ആദ്യത്തെ പേര് പണി പാളി എന്നായിരുന്നു എന്നും മൈൻഡ് ഗെയിം ഒക്കെ പ്രമേയമായി വരുന്ന ആ ചിത്രമായിരുന്നു താൻ ആദ്യം ഒരുക്കാൻ പ്ലാൻ ചെയ്തത് എന്നും സൗബിൻ പറഞ്ഞു. എന്തായാലും ചെറുകഥ ഒരിക്കൽ സിനിമയാകും എന്ന് തന്നെയാണ് സൗബിൻ പറയുന്നത്. മാത്രമല്ല എന്ത് വന്നാലും മമ്മുക്കയുമായി തന്നെ ആ ചിത്രം ചെയ്യണമെന്നും സൗബിൻ പറയുന്നു. കുഞ്ചാക്കോ ബോബൻ നായകനാവുന്ന ഒരു ചിത്രവും സൗബിൻ പ്ലാൻ ചെയ്യുന്നുണ്ട് എന്ന് റിപ്പോർട്ടുകൾ വന്നിരുന്നു. ഇത് കൂടാതെ നടനെന്ന നിലയിലും ഏറെ തിരക്കിലാണ് സൗബിൻ. ജാക്ക് ആൻഡ് ജിൽ, ജൂതൻ, ജിന്ന്, മ്യാവു, ബ്രോ ഡാഡി, ഭീഷ്മ പർവ്വം എന്നിവയാണ് സൗബിൻ അഭിനയിച്ചു ഇനി പുറത്തു വരാനുള്ള ചിത്രങ്ങൾ.

Did you find apk for android? You can find new Free Android Games and apps.
Share.

About Author

mm