Saturday, January 22

ആക്ഷനും പ്രണയവും ചിരിയുമായി ശിവകാർത്തികേയന്റെ സീമാ രാജ എത്തുന്നു; തിയേറ്റർ ലിസ്റ്റ് ഇതാ..

Google+ Pinterest LinkedIn Tumblr +
Want create site? Find Free WordPress Themes and plugins.

പ്രേക്ഷകർ ഏറെ കാത്തിരുന്ന ശിവകാർത്തികേയൻ ചിത്രം സീമാ രാജ കേരളത്തിലെ പ്രദർശന ശാലകളിൽ ഇന്ന് മുതൽ പ്രദർശനം ആരംഭിക്കുകയാണ്. കേരളത്തിലും മികച്ച റിലീസ് ലഭിച്ചിരിക്കുന്ന ഈ ചിത്രം ഒരു പക്കാ എന്റെർറ്റൈനെർ ആയാണ് ഒരുക്കിയിരിക്കുന്നത് എന്നാണ് ഇതിന്റെ ട്രൈലെർ, പാട്ടുകൾ എന്നിവ നമ്മുക്ക് നൽകുന്ന സൂചന. ആക്ഷനും കോമെടിയും പ്രണയവും എല്ലാം കോർത്തിണക്കി ഒരുക്കിയിരിക്കുന്ന ഈ ചിത്രത്തിൽ സാമന്ത ആണ് ശിവകാർത്തികേയന്റെ നായിക ആയി എത്തിയിരിക്കുന്നത്. റെമോ, വേലയ്ക്കാരൻ എന്നീ ചിത്രങ്ങളുടെ വിജയത്തിന് ശേഷം ശിവകാർത്തികേയന്റെ വർധിച്ച താരമൂല്യവും ഈ ചിത്രത്തിന് ഗുണം ചെയ്യുമെന്ന പ്രതീക്ഷയിലാണ് അണിയറ പ്രവർത്തകർ. 24 എ എം സ്റ്റുഡിയോയുടെ ബാനറിൽ ആർ ഡി രാജ ആണ് ഈ ചിത്രം നിർമ്മിച്ചിരിക്കുന്നത്.

വരുത്തപ്പെടാത്ത വാലിഭ സംഘം, രജനി മുരുകൻ എന്നീ ചിത്രങ്ങൾക്ക് ശേഷം പൊൻ റാം ശിവകാർത്തികേയനെ നായകനാക്കി ചെയ്ത മൂന്നാമത്തെ ചിത്രമാണ് സീമ രാജ. ശിവകാർത്തികേയൻ- സാമന്ത ജോഡികൾ ആദ്യമായി ഒരുമിച്ചു അഭിനയിച്ച ചിത്രം എന്ന പ്രത്യേകതയും സീമ രാജക്കുണ്ട്. ഇവർക്ക് പുറമെ സിമ്രാൻ, സൂരി, നെപ്പോളിയൻ, യോഗി ബാബു, സതീഷ്, മനോബാല എന്നിവരും ഈ ചിത്രത്തിൽ പ്രധാന വേഷങ്ങളിൽ പ്രത്യക്ഷപ്പെടുന്നു. നെഗറ്റീവ് റോളിലാണ് സിമ്രാൻ ഈ ചിത്രത്തിൽ അഭിനയിക്കുന്നത്. ഡി ഇമ്മൻ സംഗീതം നൽകിയിരിക്കുന്ന ഈ ചിത്രം ശിവകാർത്തികേയൻ ആരാധകർ ഏറെ ആവേശത്തോടെ കാത്തിരിക്കുന്ന ഒരു ചിത്രമാണ്. 24 എ എം സ്റുഡിയോയുടെയും മൂന്നാമത്തെ ശിവകാർത്തികേയൻ ചിത്രമാണ് സീമാ രാജ. സംവിധായകൻ തന്നെ രചിച്ചിരിക്കുന്ന ഈ ചിത്രത്തിലൂടെ ശിവകാർത്തികേയൻ തന്റെ വിജയ കഥ തുടരും എന്ന് തന്നെ നമ്മുക്ക് പ്രതീക്ഷിക്കാം.

Did you find apk for android? You can find new Free Android Games and apps.
Share.

About Author