Friday, January 28

വരുന്നത് ഇന്ത്യൻ സിനിമ കണ്ട ഏറ്റവും വലിയ ബോക്സ് ഓഫീസ് യുദ്ധമെന്നു സൂചന; രാജമൗലി ചിത്രത്തിന്റെ പുതിയ റിലീസ് തീയതി ഉടൻ..!

Google+ Pinterest LinkedIn Tumblr +
Want create site? Find Free WordPress Themes and plugins.

ഇന്ത്യൻ സിനിമയിലെ ബ്രഹ്മാണ്ഡ ചിത്രങ്ങളുടെ അമരക്കാരൻ എസ് എസ് രാജമൗലി ഒരുക്കുന്ന പുതിയ ചിത്രമാണ് ആർ ആർ ആർ. ജൂനിയര്‍ എന്‍ടിആര്‍, രാം ചരണ്‍, ആലിയ ഭട്ട് , അജയ് ദേവ്ഗൺ എന്നിവർ പ്രധാന വേഷങ്ങൾ ചെയ്യുന്ന ഈ ചിത്രം ഇപ്പോൾ ഷൂട്ടിംഗ് ജോലികൾ തീർത്തു പോസ്റ്റ്- പ്രൊഡക്ഷൻ സ്റ്റേജിലാണ്. ഈ വർഷം ഒക്ടോബറിൽ ആർ ആർ ആർ ലോകം മുഴുവനുമുള്ള തീയേറ്ററുകളിൽ എത്തുമെന്നാണ് പ്രഖ്യാപിച്ചിരുന്നത് എങ്കിലും, കോവിഡ് മൂന്നാം തരംഗത്തിന്റെ സാദ്ധ്യതകൾ പരിഗണിച്ചു റിലീസ് തീയതി മാറ്റാനുള്ള ഒരുക്കത്തിലാണ് ചിത്രത്തിന്റെ അണിയറ പ്രവർത്തകർ. അടുത്ത വർഷം മാർച്ച് അല്ലെങ്കിൽ ഏപ്രിൽ റിലീസ് ആയാണ് ഇപ്പോൾ ഈ ചിത്രം പ്ലാൻ ചെയ്യുന്നത് എന്നാണ് അറിയാൻ സാധിക്കുന്നത്. ഒഫീഷ്യൽ ആയുള്ള റിലീസ് തീയതി അധികം വൈകാതെ പുറത്തു വിടുമെന്നും റിപ്പോർട്ടുകൾ പറയുന്നു.

ഏതായാലും ഏപ്രിൽ റിലീസ് ആയി ഈ ചിത്രം എത്തിയാൽ ഇന്ത്യൻ സിനിമ കണ്ട ഏറ്റവും വലിയ ഒരു ബോക്സ് ഓഫിസ് യുദ്ധമാവും നമ്മൾ കാണാൻ പോവുക. കാരണം തെന്നിന്ത്യയിൽ നിന്നുള്ള മറ്റൊരു ബ്രഹ്മാണ്ഡ ചിത്രമായ കെ ജി എഫ്‌ 2 എത്താൻ പോകുന്നത് അടുത്ത വർഷം ഏപ്രിൽ 14 നു ആണെന്ന് അവർ ഒഫീഷ്യൽ ആയി തന്നെ പ്രഖ്യാപിച്ചു കഴിഞ്ഞു. പ്രശാന്ത് നീൽ സംവിധാനം ചെയ്ത ഈ ചിത്രത്തിൽ യാഷ്, സഞ്ജയ് ദത്, രവീണ ടണ്ഠൻ എന്നിവരാണ് മുഖ്യ വേഷങ്ങൾ ചെയ്യുന്നത്. ഈ രണ്ടു ബ്രഹ്മാണ്ഡ ചിത്രങ്ങളും ദിവസങ്ങളുടെ വ്യത്യാസത്തിൽ റിലീസ് ചെയ്താൽ അത് രണ്ടു ചിത്രങ്ങളേയും നെഗറ്റീവ് ആയി ബാധിക്കുമോ എന്നാണ് ഇപ്പോൾ ആരാധകരുടെ ആശങ്ക.

Did you find apk for android? You can find new Free Android Games and apps.
Share.

About Author