Friday, January 21

പുഴു ഒരു മാസ്സ് ചിത്രമല്ല; സംഗീത സംവിധായകൻ പറയുന്നു..!

Google+ Pinterest LinkedIn Tumblr +
Want create site? Find Free WordPress Themes and plugins.

മെഗാ സ്റ്റാർ മമ്മൂട്ടി കേന്ദ്ര കഥാപാത്രമായി എത്തുന്ന ഏറ്റവും പുതിയ സിനിമകളിൽ ഒന്നാണ് പുഴു. ഈ അടുത്തിടെയാണ് ഇതിന്റെ ആദ്യ ടീസർ റിലീസ് ചെയ്തത്. ആ ടീസർ വലിയ ചർച്ചാ വിഷയമായി തീരുകയും ചെയ്തു. മമ്മൂട്ടി അവതരിപ്പിക്കുന്ന കഥാപാത്രത്തെ കുറിച്ചുള്ള ആകാംഷയാണ് ആ ചർച്ചകൾക്ക് കാരണമായി മാറിയത്. തന്റെ കരിയറിൽ അദ്ദേഹം ഇതുവരെ ചെയ്യാത്ത ഒരു റോൾ ആണ് പുഴുവിലേത് എന്നാണ് സൂചന. ഇതിലെ മമ്മൂട്ടി കഥാപാത്രം പ്രേക്ഷകരെ ഞെട്ടിക്കും എന്നാണ് ചിത്രത്തിലെ നായികയായ പാർവതി തിരുവോത് പറയുന്നത്. നേരത്തെ പുറത്തു വന്ന ഇതിന്റെ രണ്ടു പോസ്റ്ററുകളും ഏറെ ശ്രദ്ധ നേടിയിരുന്നു. നവാഗതയായ രതീന സംവിധാനം ചെയ്‌ത ഈ ചിത്രം മമ്മൂട്ടിയുടെ സന്തത സഹചാരിയായ ജോർജ് ആണ് നിർമ്മിച്ചിരിക്കുന്നത്. ഹർഷാദ്, സുഹാസ്, ഷറഫു എന്നിവർ ചേർന്ന് തിരക്കഥ രചിച്ചിരിക്കുന്ന ഈ ചിത്രത്തിൽ മാളവിക, ഇന്ദ്രൻസ്, അന്തരിച്ചു പോയ നടൻ നെടുമുടി വേണു എന്നിവരും അഭിനയിച്ചിട്ടുണ്ട്.

ഇപ്പോഴിതാ ഈ ചിത്രത്തിന്റെ സംഗീത സംവിധാനം നിർവഹിച്ച ജേക്സ് ബിജോയ് ഈ ചിത്രത്തെ കുറിച്ച് മനസ്സ് തുറക്കുകയാണ്. ഈ ചിത്രം ഒരു മാസ്സ് ചിത്രമല്ല എന്നും ഇതൊരു ഡ്രാമയാണ് എന്നുമാണ് അദ്ദേഹം പറയുന്നത്. ഇതിൽ മമ്മൂട്ടി ഒരു നെഗറ്റീവ് കഥാപാത്രം ആയാണ് എത്തുന്നത് എന്നും അതല്ല സ്വവർഗാനുരാഗി ആയാണ് അഭിനയിക്കുന്നതെന്നും സ്ഥിതീകരിക്കാത്ത റിപ്പോർട്ടുകൾ നേരത്തെ മുതൽ തന്നെ സോഷ്യൽ മീഡിയയിൽ പ്രചരിക്കുന്നുണ്ട്. ഈ ചിത്രത്തിന് ക്യാമറ ചലിപ്പിച്ചത് തേനി ഈശ്വർ, എഡിറ്റ് ചെയ്തിരിക്കുന്നത് ദീപു ജോസെഫ് എന്നിവരാണ്. ചിത്രം തീയേറ്റർ റിലീസ് ആണോ ഒടിടി റിലീസ് ആണോ എന്ന കാര്യം ഇതുവരെ തീരുമാനം ആയിട്ടില്ല എന്നാണ് സൂചന.

Did you find apk for android? You can find new Free Android Games and apps.
Share.

About Author