Tuesday, May 24

കെ ജി എഫിന് മുകളിൽ പോകണം; പുഷ്പ 2 ഷൂട്ടിംഗ് നിർത്തി സംവിധായകൻ..!

Google+ Pinterest LinkedIn Tumblr +
Want create site? Find Free WordPress Themes and plugins.

ഈ കഴിഞ്ഞ ഡിസംബറിൽ റിലീസ് ചെയ്തു വമ്പൻ വിജയം നേടിയ തെലുങ്കു ചിത്രമാണ് അല്ലു അർജുൻ നായകനായി എത്തിയ പുഷ്പ. സുകുമാർ ഒരുക്കിയ ഈ ചിത്രം ഇന്ത്യ മുഴുവൻ തരംഗമായി മാറി എന്ന് മാത്രമല്ല, അല്ലു അർജുന്റെ കരിയറിലെ തന്നെ ഏറ്റവും വലിയ ഹിറ്റായി മാറി. രണ്ടു ഭാഗങ്ങൾ ഉള്ള ഈ ചിത്രത്തിലെ വില്ലനായി എത്തിയത് മലയാളി താരം ഫഹദ് ഫാസിൽ, നായികാ വേഷം ചെയ്തത് രശ്‌മിക മന്ദാന എന്നിവരാണ്. ഇതിന്റെ രണ്ടാം ഭാഗത്തിന്റെ ഷൂട്ടിംഗ് ഈ അടുത്തിടെയാണ് ആരംഭിച്ചത്. എന്നാൽ ഇപ്പോൾ ആ ഷൂട്ടിംഗ് നിർത്തി വെച്ചിരിക്കുകയാണ് എന്ന വാർത്തകൾ ആണ് വരുന്നത്. അതിനു കാരണം കന്നഡ ചിത്രമായ കെ ജി എഫ് 2 നേടിയ ബ്രഹ്മാണ്ഡ വിജയം ആണെന്നും റിപ്പോർട്ടുകൾ സൂചിപ്പിക്കുന്നു. ഇനി പുഷ്പ 2 ശ്രദ്ധ നേടണം എങ്കിൽ, അത് കെ ജി എഫ് 2 നു മുകളിൽ നിൽക്കുന്ന ചിത്രം ആവണമെന്നും അതിനു വേണ്ടി തിരക്കഥയിൽ കൂടുതൽ മാറ്റങ്ങൾ വരുത്തണമെന്നുമുള്ള സംവിധായകൻറ്‍റെ ആവശ്യപ്രകാരമാണ് ഷൂട്ടിംഗ് നിർത്തിയത് എന്നും മാധ്യമങ്ങൾ റിപ്പോർട്ട് ചെയ്യുന്നു.

പ്രശാന്ത് നീൽ ഒരുക്കിയ കെ ജി എഫ് 2 ഇപ്പോൾ ആയിരം കോടിയിലേക്കു ആണ് കുതിക്കുന്നത്‌. റോക്കിങ് സ്റ്റാർ യാഷ് നായകനായി എത്തിയ ഈ ചിത്രത്തിന്റെ ആദ്യ ഭാഗം ഇരുനൂറു കോടിക്കു മുകളിൽ മാത്രമായിരുന്നു നേടിയത്. എന്നാൽ രണ്ടാം ഭാഗം അഞ്ചു ഭാഷകളിൽ എത്തി ഇന്ത്യൻ സിനിമയിലെ തന്നെ ഏറ്റവും വലിയ ഹിറ്റുകളുടെ ലിസ്റ്റിൽ ഇടം പിടിച്ചു. ബോളിവുഡ് താരം സഞ്ജയ് ദത്, രവീണ ടണ്ഠൻ, ശ്രീനിഥി ഷെട്ടി, പ്രകാശ് രാജ് തുടങ്ങി ഒട്ടേറേ വലിയ താരങ്ങൾ ഈ ചിത്രത്തിന്റെ താരനിരയിൽ ഉണ്ടായിരുന്നു. ഏതായാലും പുഷ്പ 2 നിർത്തി വെച്ച സാഹചര്യത്തിൽ പുതിയ ചിത്രം ചെയ്യാനുള്ള ഒരുക്കത്തിലാണ് അല്ലു അർജുൻ.

Did you find apk for android? You can find new Free Android Games and apps.
Share.

About Author