Wednesday, January 19

മോഹൻലാൽ ചിത്രമൊരുക്കാൻ പീറ്റർ ഹെയ്‌ൻ; സൂചന നൽകി ആക്ഷൻ മാസ്റ്റർ..!

Google+ Pinterest LinkedIn Tumblr +
Want create site? Find Free WordPress Themes and plugins.

മലയാള സിനിമയിൽ മാത്രമല്ല, സൗത്ത് ഇന്ത്യൻ സിനിമയിൽ തന്നെ ഏറ്റവും ഗംഭീരമായ രീതിയിൽ ആക്ഷൻ ചെയ്യുന്ന നടൻ ആണ് മോഹൻലാൽ. ഏത് തരത്തിലുള്ള ആക്ഷനും മോഹൻലാലിനെ പോലെ പൂർണ്ണതയോടെയും വിസ്മയിപ്പിക്കുന്ന രീതിയിലും ചെയ്യുന്ന നടൻമാർ വളരെ കുറവാണ്. തന്റെ അന്പത്തിയാറാം വയസിലും പുലിമുരുകൻ പോലൊരു ആക്ഷൻ ചിത്രം ചെയ്തു ദേശീയ ശ്രദ്ധ നേടിയ ആളാണ് മോഹൻലാൽ. ഇപ്പോഴും ഡ്യൂപ്പുകൾ ഉപയോഗിക്കാതെ എത്ര അപകടകരമായ സംഘട്ടന രംഗങ്ങളും ചെയ്യുന്ന മോഹൻലാൽ ആക്ഷൻ ഡയറക്ടർമാരുടെ ഇഷ്ട താരം ആണ്. ഇന്ത്യയിലെ ഏറ്റവും വിലപിടിപ്പുള്ള സ്റ്റണ്ട് മാസ്റ്ററും പുലി മുരുകനിലൂടെ ദേശീയ അവാർഡ് ജേതാവുമായ പീറ്റർ ഹെയ്‌നിന്റെയും ഇഷ്ട താരമാണ് മോഹൻലാൽ. വരുന്ന റിപ്പോർട്ടുകൾ അനുസരിച്ചു മോഹൻലാലിനെ നായകനാക്കി ഒരു ചിത്രം സംവിധാനം ചെയ്യാനുമുള്ള ഒരുക്കത്തിലാണ് പീറ്റർ ഹെയ്‌ൻ.

സംവിധായകൻ ആവണം എന്നും മോഹൻലാലിനെ നായകനാക്കി ഒരു ഡ്രീം പ്രൊജക്റ്റ് മനസ്സിൽ ഉണ്ടെന്നും കഴിഞ്ഞ വർഷം പീറ്റർ ഹെയ്‌ൻ ഒരു പ്രമുഖ വാർത്താ മാധ്യമത്തിന് നൽകിയ അഭിമുഖത്തിൽ പറഞ്ഞിരുന്നു. ഇപ്പോഴിതാ കഴിഞ്ഞ ദിവസം തന്റെ ഒഫീഷ്യൽ ഫേസ്ബുക് പേജിൽ ഒരു ആരാധകനു നൽകിയ മറുപടിയിലും പീറ്റർ ഹെയ്‌ൻ അത് സൂചിപ്പിക്കുന്നു. മോഹൻലാലിനെ നായകനാക്കി ഒരു ചിത്രം സംവിധാനം ചെയ്യുമോ സർ എന്ന ആരാധകന്റെ ചോദ്യത്തിന്. അതൊരു സർപ്രൈസ് ആയി ഇരിക്കട്ടെ എന്ന മറുപടിയാണ് പീറ്റർ ഹെയ്‌ൻ നൽകിയത്. അടുത്ത മാസം റിലീസ് ചെയ്യുന്ന മോഹൻലാലിന്റെ ബിഗ് ബജറ്റ് ചിത്രമായ ഒടിയനിലും ആക്ഷൻ ഒരുക്കിയത് പീറ്റർ ആണ്. തന്റെ കരിയറിലെ തന്നെ ഏറ്റവും മികച്ച വർക്ക് ആണ് ഒടിയൻ എന്നാണ് പീറ്റർ പറയുന്നത്.

Did you find apk for android? You can find new Free Android Games and apps.
Share.

About Author