Wednesday, August 10

തീയേറ്ററിലേക്കു ആളെ തിരികെ കൊണ്ട് വന്ന ദുൽഖറിന് നന്ദി പറഞ്ഞു പ്രമുഖ നടീനടൻമാർ..!

Google+ Pinterest LinkedIn Tumblr +
Want create site? Find Free WordPress Themes and plugins.

ദുൽഖർ സൽമാൻ നായകനായ കുറുപ്പ് ഇപ്പോൾ മികച്ച വിജയം നേടി മുന്നേറുകയാണ്. ശ്രീനാഥ് രാജേന്ദ്രൻ ഒരുക്കിയ ഈ ചിത്രം ദുൽഖറിന്റെ കരിയറിലെ ഏറ്റവും വലിയ ചിത്രമാണ്. വമ്പൻ ഹൈപ്പിൽ കേരളത്തിലെ ഏറ്റവും വലിയ റിലീസ് ആയാണ് ഈ ചിത്രം പുറത്തു വന്നത്. ഇപ്പോൾ ഗംഭീര കളക്ഷനും നേടി കുറുപ്പ് മുന്നേറുമ്പോൾ മാസങ്ങൾക്കു ശേഷം കേരളത്തിലെ പ്രദർശന ശാലകൾ ഉത്സവാന്തരീക്ഷത്തിലാണ്. പ്രേക്ഷകർ പതുക്കെ തീയേറ്ററിലേക്ക് മടങ്ങിയെത്തുന്ന കാഴ്ചയാണ് നമ്മുക്ക് കാണാൻ സാധിക്കുന്നത്. ഈ സാഹചര്യത്തിൽ കുറുപ്പ് തീയേറ്ററിൽ എത്തിച്ച ദുൽഖർ സൽമാന് നന്ദി പറയുകയാണ് മലയാള സിനിമയിലെ പ്രമുഖ നടീനടൻന്മാർ. ഇത്തരമൊരു ചിത്രം ഇന്ഡസ്ട്രിക്ക്‌ ഇപ്പോൾ ആവശ്യമായിരുന്നു എന്നും അത് സാധിച്ച ദുൽഖറിന് നന്ദി എന്നും വിനീത് ശ്രീനിവാസൻ കുറിച്ചപ്പോൾ ഇൻസ്റാഗ്രാമിലൂടെ ദുൽഖർ അതിനു നന്ദി പറഞ്ഞത് ഈ വിജയത്തിന്റെ ക്രെഡിറ്റ് പ്രേക്ഷകർക്കാണ് എന്നാണ്.

വിനീത് ശ്രീനിവാസനെ കൂടാതെ, കല്യാണി പ്രിയദർശൻ, നയന, അഹാന കൃഷ്ണ എന്നിവരും ഇൻസ്റാഗ്രാമിലൂടെ ദുൽഖറിനെ അഭിനന്ദിച്ചു മുന്നോട്ടു വന്നിട്ടുണ്ട്. അതിനെല്ലാം നന്ദി പറയുന്ന ദുൽഖർ, കല്യാണിയോട് പറയുന്നത് ഇനി നിങ്ങളുടെ ഊഴമാണ് എന്നാണ്. മോഹൻലാൽ നായകനായ ബ്രഹ്മാണ്ഡ ചിത്രം മരക്കാർ ഡിസംബർ രണ്ടിന് ആഗോള റിലീസ് ആയി എത്താൻ ഒരുങ്ങുകയാണ്. പ്രിയദർശൻ ഒരുക്കിയ ആ ചിത്രത്തിൽ പ്രണവ് മോഹൻലാലിന്റെ ജോഡി ആയി കല്യാണിയും അഭിനയിക്കുന്നുണ്ട്. ഇത് കൂടാതെ പ്രണവ് മോഹൻലാൽ- കല്യാണി ജോഡികൾ അഭിനയിക്കുന്ന ഹൃദയം എന്ന വിനീത് ശ്രീനിവാസൻ ചിത്രവും ജനുവരിയിൽ തീയേറ്ററുകളിൽ എത്തും. ഏതായാലും കുറുപ്പിന്റെ ഈ വിജയം തീയേറ്ററുകൾക്കു ഒരു ഉണർവ് നൽകിക്കഴിഞ്ഞു എന്നത് തീർച്ചയാണ്.

Did you find apk for android? You can find new Free Android Games and apps.
Share.

About Author