മമ്മൂട്ടിയോടൊപ്പം അഭിനയിക്കുക എന്നത് ഏറെ കാലമായി പ്രതീക്ഷിച്ചിരുന്ന ഭാഗ്യമാണ് : മഞ്ജു വാര്യർ

Google+ Pinterest LinkedIn Tumblr +
Want create site? Find Free WordPress Themes and plugins.

തന്റെ ഏറ്റവും വലിയ ആഗ്രഹങ്ങളില്‍ ഒന്നാണ് മെഗാസ്റ്റാർ മമ്മൂട്ടിയോടൊപ്പം അഭിനയിക്കുക എന്ന് മഞ്ജു വാരിയർ. അടുത്തിടെ നടന്ന ഒരു അഭിമുഖത്തിലാണ് മഞ്ജു ഇക്കാര്യം തുറന്നു പറയുന്നത്. മമ്മൂട്ടിക്കൊപ്പം അഭിനയിക്കാനുള്ള അവസരത്തിനായി കാത്തിരിക്കുകയാണെന്നും മഞ്ജു വാര്യർ കൂട്ടിച്ചേർത്തു.

പണ്ടും മമ്മൂക്കയ്‌ക്കൊപ്പം അഭിനയിക്കാന്‍ വല്യ ആഗ്രഹമായിരുന്നു. അന്നത് നടന്നില്ല. തിരിച്ചു വന്നശേഷവും ഏറ്റവും ആഗ്രഹത്തോടെ കാത്തിരിക്കുകയാണ് മമ്മൂക്ക എന്ന മഹാനടന്റെയൊപ്പം ഒരു ഫ്രെയിമില്‍ നില്‍ക്കാന്‍. മഞ്ജു വാരിയർ പറഞ്ഞു.

ഹൗ ഓൾഡ് ആർ യൂ എന്ന ചിത്രത്തിലൂടെ രണ്ടാം വരവ് നടത്തിയ മഞ്ജു തന്റെ ആദ്യകാല ഹിറ്റ് കോമ്പോ ആയ മോഹൻലാലിനൊപ്പം വീണ്ടും അഭിനയിച്ചിരുന്നു. എന്നും എപ്പോഴും എന്ന സത്യൻ അന്തിക്കാട് ചിത്രത്തിലാണ് മോഹൻലാലിനൊപ്പം വീണ്ടും നായികയായി മഞ്ജു വാര്യർ എത്തിയത്. എന്നാൻ താൻ ഏറെ കാലമായി ആഗ്രഹിക്കുകയാണ് മമ്മൂട്ടിക്കൊപ്പം അഭിനയിക്കുക എന്ന് മഞ്ജു പറഞ്ഞു.

മോഹൻലാലിനൊപ്പം വീണ്ടും ഒന്നിച്ചഭിനയിക്കുകയാണ് മഞ്ജു ഇപ്പോൾ. വിഎ ശ്രീകുമാർ മേനോൻ ചിത്രമായ ഒടിയനിലാണ് മോഹൻലാലിനൊപ്പം വീണ്ടും മഞ്ജു വാര്യർ എത്തുന്ന ചിത്രം.

Did you find apk for android? You can find new Free Android Games and apps.
Share.

About Author