തലപ്പാവിനും ഒഴിമുറിക്കും ശേഷം എന്തുകൊണ്ട് ഒരു കുപ്രസിദ്ധ പയ്യൻ; സംവിധായകൻ മധുപാൽ പറയുന്നു..!

Advertisement

പ്രേക്ഷക പ്രശംസയും നിരൂപക പ്രശംസയും ഏറെ നേടിയെടുത്ത രണ്ടു ചിത്രങ്ങൾ ആയിരുന്നു നടൻ മധുപാൽ ഒരുക്കിയ തലപ്പാവും ഒഴിമുറിയും. കാമ്പുള്ള കഥ പറഞ്ഞ രണ്ടു ക്ലാസ് ചിത്രങ്ങൾ ആയിരുന്നു അവ. എന്നാൽ മധുപാൽ ഇപ്പോൾ വരുന്നത് കൊമേർഷ്യൽ എലമെന്റുകളും നിറഞ്ഞ ഒരു ചിത്രവുമായാണ്. ഒരു കുപ്രസിദ്ധ പയ്യൻ എന്ന് പേരിട്ടിരിക്കുന്ന ഈ ടോവിനോ തോമസ്- മധുപാൽ ചിത്രം നവംബർ ഒൻപതിന് റിലീസ് ചെയ്യാൻ പോവുകയാണ്. ഒരു മർഡർ മിസ്റ്ററി ആണ് ഈ ചിത്രത്തിന്റെ വിഷയം എന്നാണ് ഇതിന്റെ ട്രൈലെർ നമ്മുക്ക് നൽകുന്ന സൂചന. എല്ലാവരും കള്ളനും പോലീസും കളിക്കുന്ന സമകാലീന ലോകത്തിന്റെ കഥയാണ് താൻ പറയാന്‍ ആഗ്രഹിക്കുന്നത് എന്നും ആര്‍ക്കും ആരെയും വിശ്വാസമില്ലാത്ത സമകാലീന ലോകത്തിന്റെ പശ്ചാത്തലത്തിലാണ് ഈ കഥ പറയുന്നത് എന്നും സംവിധായകൻ മധുപാൽ പറയുന്നു.

ഏതുനിമിഷവും ആര് വേണമെങ്കിലും പ്രതി ചേര്‍ക്കപ്പെടാം എന്ന സാഹചര്യത്തിലാണ് നാം ജീവിക്കുന്നത് എന്ന് പറഞ്ഞ മധുപാൽ, അങ്ങനെയുള്ള ഈ നിമിഷത്തിന്റെ ജീവിതകഥയാണ് താൻ ഒരു കുപ്രസിദ്ധ പയ്യനിലൂടെ മതിലുകളില്ലാതെ തുറന്നുപറയാന്‍ ആഗ്രഹിക്കുന്നത് എന്നും വെളിപ്പെടുത്തുന്നു. കഴിഞ്ഞ രണ്ട് സിനിമകളെക്കാള്‍ ഏറെ ജനകീയമായ ഒരു വിഷയമാണ് ഇത്തവണ പറയാന്‍ ശ്രമിക്കുന്നത് എന്നും മധുപാൽ തുറന്നു പറയുന്നുണ്ട്. വി സിനിമാസ് നിർമ്മിച്ചിരിക്കുന്ന ഈ ചിത്രം രചിച്ചിരിക്കുന്നത് ജീവൻ ജോബ് ആണ്. അനു സിതാര, നിമിഷ സജയൻ എന്നിവർ നായികമാരായി എത്തുന്ന ഈ ചിത്രത്തിൽ ശരണ്യ പൊൻവണ്ണൻ, അലെൻസിയർ, നെടുമുടി വേണു, സുജിത് ശങ്കർ, സിദ്ദിഖ്, , സുധീർ കരമന, ബാലു വർഗീസ് , ദിലീഷ് പോത്തൻ എന്നിവരും അഭിനയിക്കുന്നുണ്ട്.

Advertisement
Advertisement

Copyright © 2017 onlookersmedia.

Press ESC to close