Saturday, May 21

നിങ്ങളുടെ ഏറ്റവും വലിയ നിമിഷത്തിൽ ജാഗ്രത പാലിക്കുക,അപ്പോഴാണ് ചെകുത്താൻ എത്തുന്നത്; ലുസിഫെർ 2 അപ്‌ഡേറ്റ് പുറത്തു വിട്ട് പൃഥ്വിരാജ്..!

Google+ Pinterest LinkedIn Tumblr +
Want create site? Find Free WordPress Themes and plugins.

മലയാളത്തിന്റെ മഹാനടൻ, കംപ്ലീറ്റ് ആക്ടർ മോഹൻലാലിനെ നായകനാക്കി പൃഥ്വിരാജ് സുകുമാരൻ ഒരുക്കിയ ചിത്രം ആണ് ലുസിഫെർ. മുരളി ഗോപി രചിച്ചു, ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച ഈ ചിത്രം പൃഥ്വിരാജ് സുകുമാരന്റെ സംവിധായകൻ ആയുള്ള അരങ്ങേറ്റ ചിത്രം കൂടിയായിരുന്നു. മെഗാ ബ്ലോക്ക്ബസ്റ്റർ ആയി മാറിയ ഈ ചിത്രം മലയാളത്തിലെ രണ്ടാമത്തെ മാത്രം 100 കോടി ഗ്രോസ്സ് നേടിയ ചിത്രമായി മാറി. വിദേശത്തു നിന്ന് മാത്രം 50 കോടിക്കു മുകളിൽ ഗ്രോസ്സ് നേടിയ ഒരേയൊരു മലയാള ചിത്രമായ ലുസിഫെറിന്റെ ആഗോള ഗ്രോസ്സ് 128 കോടിയാണ്. 3 ഭാഗങ്ങൾ ഉള്ള ഈ ചിത്രത്തിന്റെ രണ്ടാം ഭാഗമായ എംപുരാൻ മോഹൻലാൽ- പൃഥ്വിരാജ് ടീം പ്രഖ്യാപിച്ചിരുന്നു.

കോവിഡ് പ്രതിസന്ധി മൂലം ഷൂട്ടിംഗ് നീണ്ടു പോയ ഈ ചിത്രം ഒരുപാട് വൈകാതെ തന്നെ ആരംഭിക്കും എന്നാണ് സൂചന. ഇന്ന് ലുസിഫെർ റീലീസായത്തിന്റെ മൂന്നാം വാർഷികം ആഘോഷിക്കുന്ന വേളയിൽ, ലുസിഫെർ 2 എന്ന എമ്പുരാൻ എന്ന ചിത്രത്തിന്റെ വരവറിയിച്ച് പൃഥ്വിരാജ് കുറിച്ച വാക്കുകൾ ശ്രദ്ധ നേടുകയാണ്. മോഹൻലാൽ അവതരിപ്പിച്ച സ്റ്റീഫൻ നേടുമ്പള്ളി അഥവാ അബ്രഹാം ഖുറേഷി എന്ന കഥാപാത്രത്തിന്റെ ഒരു ചിത്രം പങ്കു വെച്ചു കൊണ്ട് പൃഥ്വിരാജ് കുറിച്ചത്, ” നിങ്ങളുടെ ഏറ്റവും ഉയർന്ന നിമിഷത്തിൽ ജാഗ്രത പാലിക്കുക.. കാരണം അപ്പോഴാണ് നിങ്ങളെ തേടി ചെകുത്താൻ എത്തുന്നത്” എന്ന ഡെൻസിൽ വാഷിങ്ടൺന്റെ വാക്കുകൾ ആണ്. അതിനൊപ്പം ലുസിഫെർ 2 എന്ന് ചേർത്തിട്ടുമുണ്ട് പൃഥ്വിരാജ്. ഇപ്പോഴത്തെ തങ്ങളുടെ തിരക്കുകൾ തീർത്തു മോഹൻലാൽ-പൃഥ്വിരാജ് ടീം ഈ ചിത്രം ചെയ്യാനായി ഒരുമിക്കും.

Did you find apk for android? You can find new Free Android Games and apps.
Share.

About Author