Wednesday, November 21

കലാഭവൻ ഷാജോൺ സംവിധാനം ചെയ്യുന്ന പൃഥ്വിരാജ് ചിത്രം; ടൈറ്റിൽ പുറത്തു വിട്ടു പൃഥ്വിരാജ്..!

Google+ Pinterest LinkedIn Tumblr +
Want create site? Find Free WordPress Themes and plugins.

മിമിക്രിയിൽ നിന്നും മിനി സ്‌ക്രീനിൽ നിന്നും സിനിമയിൽ എത്തി പ്രശസ്ത നടൻമാർ ആയതിനു ശേഷം സംവിധാന രംഗത്തും തങ്ങളുടെ കഴിവ് പ്രകടപ്പിച്ച രണ്ടു പേരാണ് നാദിർഷായും രമേശ് പിഷാരടിയും. നടൻ ഹരിശ്രീ അശോകനും തന്റെ ആദ്യ സംവിധാന സംരഭം തുടങ്ങി കഴിഞ്ഞു. ഇപ്പോഴിതാ ആ വഴിയേ സംവിധായകനായി അരങ്ങേറ്റം കുറിക്കുന്ന മലയാളത്തിലെ പുതിയ നടൻ ആണ് കലാഭവൻ ഷാജോൺ. പൃഥ്വിരാജ് സുകുമാരനെ നായകനാക്കി കലാഭവൻ ഷാജോൺ ഒരു ചിത്രം സംവിധാനം ചെയ്യാൻ പോവുകയാണ് എന്ന് നേരത്തെ തന്നെ പ്രഖ്യാപിച്ചിരുന്നതാണ്. ഇപ്പോഴിതാ, തന്റെ ജന്മദിനത്തിന്റെ അന്ന് ഷാജോണുമൊത്തു താൻ ചെയ്യാൻ പോകുന്ന ചിത്രത്തിന്റെ ടൈറ്റിൽ പുറത്തു വിട്ടിരിക്കുകയാണ് പൃഥ്വിരാജ്.

ബ്രദേഴ്‌സ് ഡേ എന്ന് പേരിട്ടിരിക്കുന്ന ഈ ചിത്രം രചിച്ചിരിക്കുന്നതും ഷാജോൺ തന്നെയാണ്. ഈ ചിത്രത്തിന്റെ തിരക്കഥയുമായി ഷാജോൺ തന്റെ അടുത്ത് വന്നത് താൻ ഈ ചിത്രത്തിൽ അഭിനയിക്കണം എന്ന് ആവശ്യപ്പെടാൻ മാത്രമല്ല ഈ തിരക്കഥ സംവിധാനം ചെയ്യാൻ പറ്റിയ ഒരാളെ കൂടി നിർദേശിക്കണം എന്ന് പറഞ്ഞു കൊണ്ടാണെന്നു പൃഥ്വിരാജ് ഓർത്തെടുക്കുന്നു. എന്നാൽ ഷാജോൺ ഈ തിരക്കഥ തന്റെ മുന്നിൽ അവതരിപ്പിച്ച രീതി കണ്ടപ്പോൾ തന്നെ ഈ ചിത്രം സംവിധാനം ചെയ്യാൻ ഷാജോണിനെക്കാളും മികച്ച വേറെ ഒരാളില്ല എന്ന് തനിക്കു ബോധ്യപ്പെട്ടെന്നു പറയുന്നു പൃഥ്വിരാജ്. ഇപ്പോൾ മോഹൻലാലിനെ നായകനാക്കി ലൂസിഫർ സംവിധാനം ചെയ്യുകയാണ് പൃഥ്വിരാജ്. ഈ ചിത്രത്തിൽ ഷാജോൺ ഒരു പ്രധാന വേഷം ചെയ്യുന്നുണ്ട്. പൃഥ്വിരാജ്- ഷാജോൺ ചിത്രം അടുത്ത വർഷം പകുതിയോടെ തുടങ്ങാൻ ആണ് പ്ലാൻ എന്നാണ് അറിയുന്നത്. ചിത്രത്തെ കുറിച്ചുള്ള കൂടുതൽ വിവരങ്ങൾ വൈകാതെ തന്നെ പുറത്തു വിടും എന്നാണ് പ്രതീക്ഷ.

Did you find apk for android? You can find new Free Android Games and apps.
Share.

About Author

mm