Wednesday, January 19

മരക്കാരിന് മുന്നിൽ പിടിച്ചു നിൽക്കാൻ കാവലിന് കഴിയുമോ; നിർമ്മാതാവിന്റെ ഞെട്ടിക്കുന്ന മറുപടി..!

Google+ Pinterest LinkedIn Tumblr +
Want create site? Find Free WordPress Themes and plugins.

മലയാള സിനിമയിലെ ഏറ്റവും വലിയ ചിത്രമാണ് മോഹൻലാൽ നായകനായ മരക്കാർ. പ്രിയദർശൻ സംവിധാനം ചെയ്ത ഈ ചിത്രം ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ് നിർമ്മിച്ചിരിക്കുന്നത്. ഡിസംബർ രണ്ടിന് ലോകം മുഴുവൻ രണ്ടായിരത്തോളം സ്‌ക്രീനുകളിൽ അഞ്ചു ഭാഷയിലായി എത്തുന്ന ഈ ചിത്രം കേരളത്തിലും അഞ്ഞൂറിന് മുകളിൽ സ്‌ക്രീനുകളിൽ ആണ് എത്തുക. അതുകൊണ്ട് തന്നെ മരക്കാരിനോട് മത്സരിക്കാൻ താല്പര്യമില്ലാതെയും മലയാളത്തിലെ ഏറ്റവും വലിയ ചിത്രത്തിന് പൂർണ്ണ പിന്തുണയും നൽകി കൊണ്ട് ഒട്ടേറെ മലയാള ചിത്രങ്ങൾ ഡിസംബർ ആദ്യ വാരത്തിൽ നിന്നും റിലീസ് മാറ്റി വെച്ചു. എന്നാൽ നിതിൻ രഞ്ജി പണിക്കർ സംവിധാനം ചെയ്തു, സുരേഷ് ഗോപി നായകനായി എത്തുന്ന കാവൽ ഈ വരുന്ന നവംബർ 25 ആണ് ആണ് റിലീസ് ചെയ്യുന്നത്. ഗുഡ് വിൽ എന്റെർറ്റൈന്മെന്റിന്റെ ബാനറിൽ ജോബി ജോർജാണ് ഈ ചിത്രം നിർമ്മിക്കുന്നത്. ഈ ചിത്രം റിലീസ് ചെയ്താൽ മരക്കാരിനു ലഭിക്കുന്ന സ്‌ക്രീനുകളുടെ എണ്ണം കുറയും എന്നത് വ്യക്തമായ കാര്യമാണ്.

പക്ഷെ എന്നിട്ടും തന്റെ ചിത്രം റിലീസ് ചെയ്യാൻ തന്നെയാണ് ജോബി ജോർജിന്റെ തീരുമാനം. അതുപോലെ മരക്കാർ റിലീസ് ചെയ്യുമ്പോൾ കാവലിനും കുറെയേറെ സ്ക്രീനുകൾ നഷ്ടപ്പെടാനുള്ള സാധ്യതയുണ്ട്. പക്ഷെ എന്ത് സംഭവിച്ചാലും കാവൽ റിലീസ് ചെയ്യുമെന്നും മരക്കാരിനോട് മത്സരിക്കണമെന്നുമുള്ള വാശിയിലാണ് നിർമ്മാതാവ് ജോബി ജോർജ്. അതിനിടയിലാണ് അദ്ദേഹത്തിന്റെ ഫേസ്ബുക് പോസ്റ്റിൽ ഒരാൾ, മരക്കാരിനോട് മുട്ടി നില്ക്കാൻ കാവലിന് കഴിയുമോ എന്ന് ജോബിയോട് ചോദിച്ചത്. അതിനു ജോബി നൽകിയ മറുപടി,അതൊന്നും എനിക്കറിയില്ല. ഞാൻ പഠിച്ചിട്ടുണ്ട് ഒരു പൊട്ടനുറുമ്പ് ആനയെ വീഴ്ത്തിയ കഥ എന്നാണ്. ഏതായാലും ഈ മറുപടി കാവൽ എന്ന തന്റെ ചിത്രത്തിൽ ഈ നിർമ്മാതാവിനുള്ള വിശ്വാസം ആണ് കാണിച്ചു തരുന്നത് എന്നാണ് സുരേഷ് ഗോപി ആരാധകർ അവകാശപ്പെടുന്നത്.

Did you find apk for android? You can find new Free Android Games and apps.
Share.

About Author