Sunday, January 23

സൂപ്പർസ്റ്റാർ രജനികാന്ത് വേണ്ട ദുൽഖർ മതി; തമിഴ് നാട്ടിലും കുറുപ്പ് തരംഗം

Google+ Pinterest LinkedIn Tumblr +
Want create site? Find Free WordPress Themes and plugins.

ശ്രീനാഥ് രാജേന്ദ്രൻ ഒരുക്കിയ ദുൽഖർ സൽമാൻ ചിത്രമായ കുറുപ്പ് മികച്ച പ്രതികരണം നേടി മുന്നേറുകയാണ്. കേരളത്തിൽ നിന്നും മികച്ച കളക്ഷൻ നേടിയ ഈ ചിത്രം കേരളത്തിന് പുറത്തും മികച്ച ബോക്സ് ഓഫീസ് പ്രകടനമാണ് കാഴ്ച വെക്കുന്നത്. ഗൾഫിൽ നിന്നാണ് കുറുപ്പ് ഏറ്റവും കൂടുതൽ കളക്ഷൻ നേടിയത്. കേരളത്തിൽ നിന്ന് നാലര കോടിക്ക് മുകളിൽ മാത്രം നേടിയ കുറുപ്പ് ഗൾഫിൽ നിന്നും നേടിയത് പത്തു കോടിക്ക് മുകളിലാണ്. അതുപോലെ തമിഴ്‌നാട്ടിൽ നിന്നും കുറുപ്പിന്റെ വ്യത്യസ്ത ഭാഷ വേർഷനുകൾ ആകെ നേടിയത് 70 ലക്ഷത്തിനു മുകളിൽ ആണ്. ഏതായാലും ഇപ്പോൾ തമിഴ് നാട്ടിലെ റാം മുത്തു റാം എന്ന സ്‌ക്രീനിൽ കുറുപ്പ് ഒരു ഷോ കളിപ്പിക്കാനായി അവർ മാറ്റിയത് സൂപ്പർ സ്റ്റാർ രജനികാന്ത് നായകനായ അണ്ണാത്തെ എന്ന ചിത്രമാണ്. കുറുപ്പിന് ലഭിക്കുന്ന മികച്ച പ്രതികരണത്തിനുള്ള തെളിവാണ് ഇതെന്നും ആരാധകർ അവകാശപ്പെടുന്നു.

നേരത്തെ തന്നെ ബുക്കിംഗ് തുടങ്ങിയ കുറുപ്പിന് ആദ്യത്തെ വീക്കെൻഡിൽ മികച്ച ബുക്കിംഗ് ആണ് ലഭിച്ചത്. വീക്കെൻഡ് കഴിഞ്ഞു എങ്ങനെ ഹോൾഡ് ചെയ്യുന്നു എന്നതിന് അനുസരിച്ചാണ് ഈ ചിത്രത്തിന്റെ മുന്നോട്ടു പോക്ക് അറിയാൻ സാധിക്കു. റസ്റ്റ് ഓഫ് ഇന്ത്യ മാർക്കറ്റിൽ 2 കോടിയോളം കളക്ഷൻ ഈ ചിത്രത്തിന് നേടിയെടുക്കാൻ സാധിച്ചിട്ടുണ്ട് എന്നാണ് റിപ്പോർട്ടുകൾ പറയുന്നത്. മലയാളം, തമിഴ്, തെലുങ്കു, ഹിന്ദി വേര്ഷനുകളിലാണ് കുറുപ്പ് റിലീസ് ചെയ്തിരിക്കുന്നത്. ടോവിനോ തോമസ്, സണ്ണി വെയ്ൻ, ഇന്ദ്രജിത് സുകുമാരൻ, ഷൈൻ ടോം ചാക്കോ, ശോഭിത ധുലിപാല, ഭരത്, സുരഭി ലക്ഷ്മി, ആനന്ദ് ബാൽ, എം ആർ ഗോപകുമാർ, ശിവജിത് പദ്മനാഭൻ, ബിബിൻ പെരുമ്പിള്ളിക്കുന്നേൽ എന്നിവരും അഭിനയിച്ച ഈ ചിത്രം കെ എസ് അരവിന്ദ്, ഡാനിയൽ സായൂജ് നായർ എന്നിവർ ചേർന്നാണ് രചിച്ചിരിക്കുന്നത്.

Did you find apk for android? You can find new Free Android Games and apps.
Share.

About Author