ബോളിവുഡ് താരങ്ങൾ വിജയ്‌യെ കണ്ടുപഠിക്കണമെന്ന് ഫറാ ഖാൻ

Advertisement

വിജയ്‌യുടെ കഠിനാധ്വാനത്തെ പുകഴ്ത്തി ബോളിവുഡ് കോറിയോഗ്രാഫറും സംവിധായികയുമായ ഫറാ ഖാൻ. ചെന്നൈയിൽ ഒരു പുസ്തക പ്രകാശനത്തിനെത്തിയപ്പോഴാണ് ഫറ വിജയ്‌യെ പുകഴ്ത്തി സംസാരിച്ചത്. ബോളിവുഡിൽ സൂപ്പര്‍ഹിറ്റായ ത്രീ ഇഡിയറ്റ്‌സിന്റെ റീമേക്കായ നന്‍പൻ എന്ന ചിത്രത്തിലാണ് ഫറ വിജയ്ക്ക് വേണ്ടി കൊറിയോഗ്രാഫി ചെയ്‌തത്‌. വിജയ് അസാമാന്യ പ്രതിഭയും കൃത്യനിഷ്ഠയുള്ള ആളാണെന്നും സഹതാരങ്ങളെ എങ്ങനെ ബഹുമാനിക്കണമെന്ന് അദ്ദേഹത്തിനറിയാമെന്നും ഫറ പറയുന്നു.

എപ്പോള്‍ ഷൂട്ടിങ് തുടങ്ങാനും വിജയ് തയാറായിരിക്കും. ചിലസമയങ്ങളില്‍ ഇടവേള നല്‍കി അല്‍പസമയം വിശ്രമിക്കുവെന്ന് എനിക്ക് അദ്ദേഹത്തോട് പറയാന്‍ തോന്നിയിട്ടുണ്ട്. എന്താണ് കൃത്യനിഷ്ഠയെന്നും അച്ചടക്കമെന്നും ബോളിവുഡിലെ പുതുമുഖതാരങ്ങൾ വിജയ്‌യെ കണ്ട് പഠിക്കണം. എനിക്ക് ഇനിയും അദ്ദേഹത്തോടൊപ്പം ഏതെങ്കിലും പാട്ടിന് കൊറിയോഗ്രഫി ചെയ്യണമെന്നുണ്ടെന്നും ഫറ വ്യക്തമാക്കുന്നു. നടൻ അജിത്തിനെക്കുറിച്ചും ഫറ പുകഴ്ത്തുകയുണ്ടായി. ചെയ്യുന്ന ജോലിയിൽ ആത്മാർഥതയുള്ളയാളാണ് അജിത്തെന്നും അദ്ദേഹം കഠിനാധ്വാനിയാണെന്നും അവർ പറഞ്ഞു.

Advertisement

സംവിധായകന്‍ മണിരത്‌നം, ആര്‍എല്‍ വിജയ്, പ്രിയദര്‍ശന്‍ തുടങ്ങിയവരോടൊപ്പം തെന്നിന്ത്യന്‍ സിനിമകളില്‍ ഫറ നൃത്തസംവിധാനം ചെയ്തിട്ടുണ്ട്. ഫറാഖാൻ കൊറിയോഗ്രാഫി ചെയ്‌ത നന്പനിലെ എല്ലാ ഗാനങ്ങളും ഏറെ ശ്രദ്ധിക്കപ്പെട്ടിരുന്നു.

Advertisement

Copyright © 2017 onlookersmedia.

Press ESC to close