ഏജന്റ് കാണാൻ കാത്തിരിക്കുന്നു; അഖിൽ അക്കിനേനിക്കു ജന്മദിന ആശംസകളുമായി ദുൽഖർ സൽമാൻ..!

Google+ Pinterest LinkedIn Tumblr +
Want create site? Find Free WordPress Themes and plugins.

തെലുങ്കു യുവ താരം അഖിൽ അക്കിനേനി ഇന്ന് തന്റെ ജന്മദിനം ആഘോഷിക്കുകയാണ്. ഇപ്പോഴിതാ അദ്ദേഹത്തിന് ആശംസകളുമായി എത്തിയിരിക്കുകയാണ് മലയാളത്തിന്റെ യുവ താരമായ ദുൽഖർ സൽമാൻ. അഖിലിനൊപ്പമുള്ള തന്റെ ചിത്രവും ദുൽഖർ അതോടൊപ്പം പങ്കു വെച്ചിട്ടുണ്ട്. ഇളയ സഹോദരന് ഒരുപാട് സന്തോഷം നിറഞ്ഞ ജന്മദിനം ആശംസിക്കുന്നു എന്ന് കുറിച്ച ദുൽഖർ സൽമാൻ, അഖിൽ അക്കിനേനി നായകനായി എത്തുന്ന ഏജന്റ് കാണാൻ കാത്തിരിക്കുന്നു എന്നും കൂട്ടിച്ചേർക്കുന്നുണ്ട്. അതിനു മറ്റൊരു കാരണം കൂടിയുണ്ട്. ഈ ചിത്രത്തിൽ അഖിലിനൊപ്പം ഒരു പ്രധാന വേഷം ചെയ്യുന്നത് ദുൽഖറിന്റെ അച്ഛനും മലയാളത്തിന്റെ മെഗാ സ്റ്റാറുമായ മമ്മൂട്ടി ആണ്. ഒരു പട്ടാള ഓഫീസർ ആയാണ് മമ്മൂട്ടി ഈ ചിത്രത്തിൽ അഭിനയിക്കുന്നത്. അത് ഒരു നെഗറ്റീവ് കഥാപാത്രം ആണെന്നും വാർത്തകൾ വരുന്നുണ്ട്.

മൂന്ന് വര്‍ഷത്തിനു മുന്‍പെത്തിയ യാത്രയ്ക്കു ശേഷം മമ്മൂട്ടി വീണ്ടും തെലുങ്കിൽ അഭിനയിക്കുന്ന ചിത്രമാണ് ഏജന്റ്. ചിത്രത്തിലെ മമ്മൂട്ടിയുടെ ഫസ്റ്റ് ലുക്ക് നേരത്തെ തന്നെ അണിയറ പ്രവർത്തകർ പുറത്തു വിട്ടിരുന്നു. ഓഗസ്റ്റ് പന്ത്രണ്ടിന് ആണ് ഈ ചിത്രം റിലീസ് ചെയ്യാൻ പോകുന്നത്. സൈറാ നരസിംഹ റെഡ്ഡി ഉള്‍പ്പെടെയുള്ള ചിത്രങ്ങളിലൂടെ ശ്രദ്ധേയനായ സുരേന്ദര്‍ റെഡ്ഡി ആണ് ഈ ചിത്രം സംവിധാനം ചെയ്യുന്നത്. ഹൈദരാബാദ് ആരംഭിച്ച ഈ ചിത്രം ഇനി ഡൽഹി, കശ്മീർ എന്നിവിടങ്ങളിലും ഷൂട്ട് ചെയ്യും. ഈ ചിത്രത്തിന്റെ ഹംഗറി, ഹൈദരാബാദ് ഷെഡ്യൂളിൽ അഭിനയിച്ച മമ്മൂട്ടി കുറച്ചു ദിവസങ്ങൾക്കു മുൻപാണ് തിരിച്ചെത്തിയത്. ഹോളിവുഡ് ആക്ഷന്‍ ത്രില്ലര്‍ ഫിലിം സിരീസ് ആയ ജേസൺ ബോണിന്റെ റീമേക് ആണ് ഈ ചിത്രം എന്ന് വാർത്തകൾ ഉണ്ട്.

Did you find apk for android? You can find new Free Android Games and apps.
Share.

About Author