ആ ചരിത്രം കീഴടങ്ങിയത് മെഗാസ്റ്റാർ മമ്മൂട്ടിക്കു മുമ്പിൽ; ഭീഷ്മ പർവത്തിനു പ്രശംസയുമായി ഒമർ ലുലു..!

Google+ Pinterest LinkedIn Tumblr +
Want create site? Find Free WordPress Themes and plugins.

മെഗാ സ്റ്റാർ മമ്മൂട്ടി നായകനായി എത്തുന്ന ഭീഷ്മ പർവം മാർച്ച് മൂന്നിന് ആഗോള റിലീസ് ആയി എത്തുകയാണ്. അമൽ നീരദ് ഒരുക്കിയ ഈ ചിത്രം നിർമ്മിച്ചതും അദ്ദേഹമാണ്. നവാഗതനായ ദേവദത് ഷാജിക്കൊപ്പം ചേർന്ന് അമൽ നീരദ് രചിച്ച ഈ ചിത്രത്തിന്റെ ടീസർ, ട്രൈലർ എന്നിവ സൂപ്പർ ഹിറ്റായി മാറിയിരുന്നു. ഇപ്പോഴിതാ ഇതിന്റെ ടീസർ ഒരു പുതിയ റെക്കോർഡ് യൂട്യൂബിൽ ഉണ്ടാക്കിയിരിക്കുകയാണ്. ഏറ്റവും കൂടുതൽ ലൈക്സ് നേടിയ മലയാള സിനിമാ ടീസർ എന്ന റെക്കോർഡ് ആണ് ഈ ടീസർ നേടിയത്. ഒമർ ലുലു ഒരുക്കിയ ഒരു അഡാർ ലൗ എന്ന ചിത്രത്തിന്റെ ടീസർ കൈവശം വെച്ചിരുന്ന റെക്കോർഡ് ആണ് ഭീഷ്മ പർവം ടീസർ സ്വന്തമാക്കിയത്.

അതിനെ അഭിനന്ദിച്ചു കൊണ്ട് ഒമർ ലുലു ഇട്ട ഫേസ്ബുക്ക് പോസ്റ്റ് ശ്രദ്ധ നേടുകയാണ്. “റെക്കോഡുകൾ തകർക്കാൻ ഉള്ളതാണ് ഏറ്റവും കുടുതൽ ലൈക്ക് ഉള്ള മലയാള സിനിമാ ടീസർ എന്ന റെക്കോർഡ്‌ ഒരു അഡാറ് ലവിന്റെ കയ്യിൽ നിന്നും നാല് വർഷത്തിനു ശേഷം ഭീഷ്മക്ക് സ്വന്തം. ജാവോ..” എന്നാണ് ഒമർ ലുലു കുറിച്ചത്. മൂന്നു ലക്ഷത്തി അറുപത്തിരണ്ടായിരം ലൈക്സ് കഴിഞ്ഞു ഈ ടീസർ പ്രേക്ഷകരെ ആകർഷിച്ചു മുന്നേറുകയാണ്. മമ്മൂട്ടി മൈക്കൽ എന്ന കഥാപാത്രമായി എത്തുന്ന ഈ ചിത്രത്തിൽ സൗബിൻ ഷാഹിർ, ശ്രീനാഥ് ഭാസി, ഷൈൻ ടോം ചാക്കോ തുടങ്ങി ഒട്ടേറെ പ്രമുഖ താരങ്ങൾ അഭിനയിച്ചിട്ടുണ്ട്. സുഷിൻ ശ്യാം സംഗീതമൊരുക്കിയ ഈ ചിത്രത്തിന് ക്യാമറ ചലിപ്പിച്ചത് ആനന്ദ് സി ചന്ദ്രനും എഡിറ്റിംഗ് നിർവഹിച്ചത് വിവേക് ഹർഷനും ആണ്.

Did you find apk for android? You can find new Free Android Games and apps.
Share.

About Author