Thursday, May 26

ആഷിഖ് അബുവിന്റെ ‘നീലവെളിച്ചം’; ചിത്രീകരണം ആരംഭിച്ചു

Google+ Pinterest LinkedIn Tumblr +
Want create site? Find Free WordPress Themes and plugins.

പ്രശസ്ത സംവിധായകൻ ആഷിഖ് അബു ഒരുക്കുന്ന ഏറ്റവും പുതിയ ചിത്രമായ നീല വെളിച്ചം ഷൂട്ടിംഗ് ആരംഭിച്ചു. ഇതിന്റെ ചിത്രീകരണം തലശേരി, പിണറായിയിൽ ആണ് ആരംഭിച്ചത്. ടോവിനോ തോമസ്, റിമ കല്ലിങ്കൽ, റോഷൻ മാത്യു, ഷൈൻ ടോം ചാക്കോ, രാജഷ് മാധവൻ, ഉമ കെ.പി, പൂജാ മോഹൻരാജ്, ദേവകി ഭാഗി എന്നിവരാണ് ഈ ചിത്രത്തിലെ പ്രധാന വേഷങ്ങൾ ചെയ്യുന്നത്. നേരത്തെ പൃഥ്വിരാജ്, കുഞ്ചാക്കോ ബോബൻ, സൗബിൻ ഷാഹിർ എന്നിവരുടെ പേരുകൾ പുറത്തുവിട്ടായിരുന്നു നീല വെളിച്ചം ഔദ്യോഗികമായി പ്രഖ്യാപിച്ചത്. എന്നാൽ ഡേറ്റ് ക്ലാഷുകൾ മൂലം അവർക്കു ഇതിന്റെ ഭാഗമാകാൻ കഴിയാതെ വന്നപ്പോൾ പുതിയ താരനിരയോടെ ഈ ചിത്രം ആരംഭിക്കുകയായിരുന്നു. എം.വി. ഗോവിന്ദൻ മാസ്റ്റർ, എം.വി. ജയരാജൻ, കെ.കെ ഷൈലജ ടീച്ചർ, കിൻഫ്ര റീജിയണൽ മാനേജർ മുരളി കൃഷ്ണൻ എന്നിവരും ചിത്രത്തിന്റെ അണിയറ പ്രവർത്തകരും ഇതിന്റെ സ്വിച്ച് ഓൺ കർമ്മത്തിൽ പങ്കെടുത്തു.

വൈക്കം മുഹമ്മദ് ബഷീറിന്റെ ഭാർഗ്ഗവീനിലയം എന്ന വിഖ്യാത തിരക്കഥയെ അടിസ്ഥാനമാക്കി ആണ് ഈ ചിത്രം ഒരുക്കുന്നത്. ഗിരീഷ് ഗംഗാധരൻ ഛായാഗ്രഹണം നിർവഹിക്കുന്ന ഈ ചിത്രത്തിന് സംഗീതം ഒരുക്കുന്നത് ബിജിബാൽ, റെക്സ് വിജയൻ എന്നിവർ ചേർന്നാണ്. സൈജു ശ്രീധരൻ ആണ് ഇതിന്റെ എഡിറ്റർ. ഒപിഎം ഡ്രീം മിൽ എന്ന ബാനറിനു കീഴിൽ ആഷിഖ് അബുവും സന്തോഷ് ടി കുരുവിളയും ചേർന്നാണ് ഈ ചിത്രം നിർമ്മിക്കുന്നത്. വൈക്കം മുഹമ്മദ് ബഷീർ കഥയും തിരക്കഥയും നിർവഹിച്ച ഭാർഗവീനിലയം എന്ന, മലയാളത്തിലെ എക്കാലത്തെയും എവർഗ്രീൻ ഹൊറർ ചിത്രത്തിന്റെ പുനരാവിഷ്കാരമാണ് നീല വെളിച്ചം. മധു, പ്രേം നസീർ, വിജയ നിർമല എന്നിവർ അഭിനയിച്ച, 1964 ഇൽ പുറത്തു വന്ന ഭാർഗവി നിലയം സംവിധാനം ചെയ്തത് എ വിൻസെന്റ് ആണ്.

Did you find apk for android? You can find new Free Android Games and apps.
Share.

About Author