ഒടുവിൽ ദിലീപിന് ജാമ്യം

കൊച്ചിയിൽ യുവ നടിയെ ആക്രമിച്ച ഗൂഢാലോചന കേസിൽ ദിലീപിന് ജാമ്യം. ദിലീപിനെതിരെ കേസ് തെളിയിക്കാൻ അന്വേഷക സംഘത്തിന് കഴിയാത്തതിനാൽ ഇന്ന് ഹൈക്കോടതിയാണ് ദിലീപിന് ജാമ്യം നൽകിയിരിക്കുന്നത്. 85 ദിവസത്തെ ജയിൽ വാസത്തിന് ശേഷമാണ് ദിലീപ് പുറത്തു ഇറങ്ങുന്നത്.

അഞ്ചാം തവണ നൽകിയ അപേക്ഷയിലാണ് ദിലീപിന് അനുകൂലമായ വിധി കോടതിയിൽ നിന്നും ലഭിച്ചത്. ഹൈക്കോടതിൽ തന്നെ മൂന്ന് തവണ ജാമ്യത്തിന് ദിലീപ് അപേക്ഷിച്ചിരുന്നു.

നടിയുടെ ദൃശ്യങ്ങൾ പകർത്തിയ മൊബൈൽ ഫോൺ പൊലീസിന് ഇതുവരെ കണ്ടെത്താൻ കഴിയാത്തതും ദിലീപിനെതിരെ വ്യക്തമായ തെളിവുകൾ കണ്ടെത്താൻ കഴിയാത്തതും കാരണം ദിലീപിന് ജാമ്യം ലഭിക്കാൻ കാരണമായി.