ഗ്ലാമർ നായികയുടെ പുഷ്പ സ്റ്റൈൽ നൃത്തവിരുന്നുമായി തഗധേ ലെ സോങ്; വീഡിയോ കാണാം

നവീൻ ചന്ദ്ര നായകനായി എത്തുന്ന ഏറ്റവും പുതിയ തെലുങ്ക് ചിത്രങ്ങളിൽ ഒന്നാണ് തഗധേ ലെ. ഇപ്പോഴിതാ ഈ ചിത്രത്തിലെ പുത്തൻ ഗാനത്തിന്റെ ലിറിക്കൽ വീഡിയോ റിലീസ് ചെയ്തിരിക്കുകയാണ്. ഗ്ലാമർ നായികയുടെ കിടിലൻ നൃത്തവുമായി എത്തിയിരിക്കുന്ന ഈ ഗാനം കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്. ആദിത്യ മ്യൂസിക്കിന്റെ യൂട്യൂബ് ചാനലിൽ റിലീസ് ചെയ്തിരിക്കുന്ന ഈ ഗാനത്തിന് ഇതിനോടകം രണ്ടര ലക്ഷത്തോളം കാഴ്ചക്കാരെയാണ് ലഭിച്ചിരിക്കുന്നത്. മോഹന ഭോഗരാജു, ചരൺ അർജുൻ, ശരത് രവി എന്നിവർ ചേർന്നാലപിച്ച ഈ ഗാനം രചിച്ചതും ചരൺ അർജുനാണ്. അദ്ദേഹം തന്നെയാണ് ഈ ഗാനത്തിന് ഈണം പകർന്നിരിക്കുന്നതും. നവീൻ ചന്ദ്രയുടെ നായികയായി ഈ ചിത്രത്തിൽ അഭിനയിച്ചിരിക്കുന്നത് ദിവ്യ പിള്ളയാണ്.

അനന്യ സെൻഗുപ്ത, നൈന ഗാംഗുലി, രവി ശങ്കർ, രാജ രവീന്ദർ, നാഗ ബാബു, അയ്യപ്പ ശർമ്മ, പൂജ ഗാന്ധി, മകരന്ദ് ദേശ്പാണ്ഡെ, രവി കാലേ എന്നിവരും ഈ ചത്രത്തിന്റെ താരനിരയിലുണ്ട്. പ്രേം കുമാർ പാണ്ഡെ, എൻ അഖിലേഷ് റെഡ്‌ഡി, പി വി സുബ്ബ റെഡ്‌ഡി എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രം ശ്രീനിവാസ് രാജുവാണ് സംവിധാനം ചെയ്തിരിക്കുന്നത്. ഭദ്ര പ്രൊഡക്ഷൻസിന്റെ ബാനറിൽ നിർമ്മിച്ചിരിക്കുന്ന ഈ ചിത്രത്തിന് ക്യാമറ ചലിപ്പിച്ചത് 100 % ലവ് എന്ന ചിത്രത്തിലൂടെ കയ്യടി നേടിയ വെങ്കട് പ്രസാദാണ്. ഗാരി ബി എച് എഡിറ്റ് ചെയ്തിരിക്കുന്ന ഈ ചിത്രത്തിന് പശ്‌ചാത്തല സംഗീതം നൽകിയത് ചിന്നയാണ്. ദണ്ഡുപല്യം എന്ന ചിത്രം ചെയ്ത് പ്രശസ്തനായ ആളാണ് തഗധേ ലെ ഒരുക്കിയ ശ്രീനിവാസ് രാജു.