കേതിക ശർമയുടെ ഗ്ലാമർ പ്രദർശനം; റൊമാന്റിക് ടീസർ കാണാം..!

തെന്നിന്ത്യൻ സിനിമാ പ്രേമികളായ യുവ പ്രേക്ഷകരെ ആവേശം കൊള്ളിക്കാനായി മറ്റൊരു പ്രണയ ചിത്രം കൂടി തെലുങ്കിൽ നിന്ന് എത്തുകയാണ്. റൊമാന്റിക് എന്നാണ് ഈ ചിത്രത്തിന്റെ പേര്. ഇപ്പോഴിതാ ഇതിന്റെ വ്യത്യസ്തമായ ടീസർ സോഷ്യൽ മീഡിയയിൽ സൂപ്പർ ഹിറ്റായി മാറുകയാണ്. ഇതിലെ നായികയായ കേതകി ശർമ്മയുടെ വമ്പൻ മേനി പ്രദർശനവും നായകനായ ആകാശ് പുരിയുമായി ഉള്ള ഇഴുകി ചേർന്നുള്ള രംഗങ്ങളുമാണ് ഈ ടീസറിന്റെ ഏറ്റവും വലിയ ആകർഷണ ഘടകം. ഒരു കടൽത്തീരത്തു വെച്ചുള്ള ഇരുവരുടെയും ഇഴുകി ചേർന്നുള്ള ഗ്ലാമർ പ്രകടനമാണ് ഇതിനെ സൂപ്പർ ഹിറ്റാക്കുന്നത് എന്നു പറയാം. രണ്ടു മിനിറ്റിനു മുകളിൽ ദൈർഘ്യമുള്ള ഈ ടീസറിലെ സംഭാഷണങ്ങളും വരികളും ശ്രദ്ധ നേടുന്നുണ്ട്.

അനിൽ പദുരി ആണ് ഈ ചിത്രം സംവിധാനം ചെയ്തിരിക്കുന്നത്. പ്രശസ്ത തെലുങ്ക് സംവിധായകൻ ആയ പുരി ജഗനാഥ്, അദ്ദേഹത്തിന്റെ ഭാര്യയും നടിയുമായ ചാർമി കൗർ എന്നിവർ ചേർന്നാണ് ഈ ചിത്രം നിർമ്മിച്ചിരിക്കുന്നത്. പുരി കണക്ട്സ് എന്ന ബാനറിൽ ആണ് അവർ ഈ ചിത്രം ഒരുക്കിയിരിക്കുന്നത്. സുനിൽ കശ്യപ് സംഗീതം ഒരുക്കിയ ഈ ചിത്രത്തിന് ക്യാമറ ചലിപ്പിച്ചത് നരേഷ് കെ റാണ ആണ്. പുരി ജഗനാഥ് തന്നെയാണ് ഈ ചിത്രത്തിൻറെ കഥ, തിരക്കഥ, സംഭാഷണം എന്നിവ രചിച്ചിരിക്കുന്നത്. ജുനൈദ് സിദ്ദിഖി എഡിറ്റ് ചെയ്തിരിക്കുന്ന ഈ ചിത്രത്തിൽ രമ്യ കൃഷ്ണൻ, സതീഷ് സാരിപ്പള്ളി, സത്യ ആദിത്യ ബോനെപള്ളി എന്നിവരും അഭിനയിച്ചിട്ടുണ്ട്. റിയൽ സതീഷ് സംഘട്ടനം ഒരുക്കിയ ഈ ചിത്രത്തിന്റെ ടീസർ ഒരു ഗാനത്തിന്റെ രീതിയിൽ ആണ് പുറത്തു വിട്ടിരിക്കുന്നത് എന്ന പ്രത്യേകതയുമുണ്ട്.