ട്രോളും കമന്റും നിരോധിക്കണം; പിണറായി സാർ വിചാരിച്ചാൽ നടക്കും; ഗായത്രി സുരേഷ് പറയുന്നു..!

ഒട്ടേറെ ചിത്രങ്ങളിലൂടെ പ്രേക്ഷകരുടെ ശ്രദ്ധ നേടിയെടുത്ത മലയാളത്തിലെ നായികാതാരങ്ങളിൽ ഒരാളാണ് ഗായത്രി സുരേഷ്. ഈ അടുത്തിടെ ഒരു കാർ അപകടവുമായി ബന്ധപെട്ടു ഉണ്ടായ വിവാദത്തിൽ ഈ നടി സോഷ്യൽ മീഡിയയിൽ നിറഞ്ഞിരുന്നു. അന്ന് ഒട്ടേറെ ട്രോളുകൾ ആണ് ഗായത്രി സുരേഷ് ഏറ്റു വാങ്ങിയത്. അതിനു ശേഷം മോഹൻലാലിന്റെ മകൻ പ്രണവ് മോഹൻലാലിനെ കല്യാണം കഴിക്കണം എന്ന ആഗ്രഹം തുറന്നു പറഞ്ഞും ഈ നടി സോഷ്യൽ മീഡിയ ട്രോളുകളിൽ നിറഞ്ഞു നിന്നു. സോഷ്യൽ മീഡിയയിൽ വളരെയധികം സജീവവുമാണ് ഗായത്രി. ഇപ്പോഴിതാ, ഇന്നലെ വന്ന ഒരു ഇൻസ്റ്റഗ്രാം ലൈവിലൂടെ ഗായത്രി പറഞ്ഞ കാര്യങ്ങൾ ഒരിക്കൽ കൂടി ഈ നടിക്ക് സോഷ്യൽ മീഡിയയുടെ ശ്രദ്ധ നേടിക്കൊടുക്കുകയാണ്. നടിയുടെ ആവശ്യവും വളരെ വിചിത്രമാണ് എന്നാണ് സോഷ്യൽ മീഡിയ പറയുന്നത്. ട്രോളുകൾ നിരോധിക്കുകയും സമൂഹമാധ്യമങ്ങളിൽ കമന്റ് ഇടാനുള്ള അവസരങ്ങളും ഇല്ലാതാക്കുകയും ചെയ്യാൻ മുഖ്യമന്ത്രിക്കു കഴിയും എന്നാണ് ഗായത്രി പറയുന്നത്.

ഈ വിഷയത്തിൽ മുഖ്യമന്ത്രി പിണറായി വിജയൻ ഇടപെടണമെന്നാണ് നടിയുടെ ആവശ്യം. സമൂഹമാധ്യമങ്ങളിലൂടെ താൻ നേരിടുന്ന ആക്ഷേപങ്ങൾ എണ്ണി എണ്ണി പറഞ്ഞു കൊണ്ടാണ് ഗായത്രി ഈ വീഡിയോ ചെയ്തിരിക്കുന്നത്. കേരളത്തെ നശിപ്പിക്കാൻ വരെ കരുത്ത് ഈ ട്രോൾ ചെയ്യുന്നവർക്ക് ഉണ്ടെന്നും, അതുകാെണ്ട് ട്രോളുകളും കമന്റുകളും നിരോധിക്കണമെന്നുമാണ് നടിയുടെ അഭ്യർത്ഥന. ലഹരി മരുന്നിൽ നിന്നു പണം സമ്പാദിക്കുന്നത് കുറ്റകരമാണ് എന്നത് പോലെയാണ് ട്രോളിൽ നിന്നു സമ്പാദിക്കുന്നത് എന്നും, ഈ ട്രോളുകളും കമന്റുകളും കാരണം ആളുകൾ മെന്റലായി എന്നും ഗായത്രി പറയുന്നു. ഏതായാലൂം ഈ വീഡിയോയുടെ പേരിലും ഗായത്രി ഇപ്പോൾ ട്രോളുകൾ ഏറ്റു വാങ്ങുകയാണ് എന്നതാണ് മറ്റൊരു വസ്തുത.