തമിഴിൽ വിക്രമെന്ന ലോകേഷ് കനകരാജ് ചിത്രം സൂപ്പർ വിജയം നേടിയതോടെ ലോകേഷ് സിനിമാറ്റിക് യൂണിവേഴ്സ് എന്ന സംഭവവും വലിയ ചർച്ചയായി മാറി. കൈതിയും വിക്രമും ഇനി വരാൻ പോകുന്ന കൈതി 2 ഉം വിക്രം 3 മെല്ലാം പരസ്പരം ബന്ധപ്പെടുത്തി കഥ പറഞ്ഞ ലോകേഷ് ബ്രില്ലിയൻസ് ശ്രദ്ധ നേടിയെടുത്തു. ഹിന്ദിയിൽ ഷാരൂഖ് ഖാൻ നായകനായ പത്താനിൽ ടൈഗർ എന്ന കഥാപാത്രമായി സൽമാൻ ഖാൻ എത്തുന്നതോടെ ഒരു മൾട്ടിവേഴ്സിന് തുടക്കമാവുകയാണെന്നാണ് സൂചന. മലയാളത്തിലും അങ്ങനെ ഒരു മൾട്ടിവേഴ്സ് ഉണ്ടാകുമോയെന്ന ആകാംക്ഷയിലാണ് പ്രേക്ഷകർ. അതിനായി അവർ തന്നെ രസകരമായ പല മൾട്ടിവേഴ്സ് തിയറികളും ഉണ്ടാക്കുന്നുമുണ്ട്. ഇപ്പോഴിതാ അങ്ങനെ ഒരു എഡിറ്റഡ് വീഡിയോ സോഷ്യൽ മീഡിയയിൽ വൈറലായി മാറുകയാണ്. മലയാളത്തിലെ രണ്ടു ഐകോണിക് കഥാപാത്രങ്ങളായ മോഹൻലാലിൻറെ ജോർജ് കുട്ടിയും മമ്മൂട്ടിയുടെ സേതുരാമയ്യരും, അതുപോലെ അടുത്തിടെ വന്നു ശ്രദ്ധ നേടിയ പൃഥ്വിരാജ് സുകുമാരന്റെ അരവിന്ദ് സ്വാമിനാഥനും ഒരുമിച്ചെത്തുന്ന ഒരു ത്രില്ലർ മൾട്ടിവേഴ്സ് വീഡിയോയാണ് വൈറലാവുന്നത്.
https://www.instagram.com/p/Ce_PakEAQyl/
ദൃശ്യം, ദൃശ്യം 2 എന്നീ ചിത്രങ്ങളിലൂടെ വന്നു പ്രേക്ഷകരെ ഞെട്ടിച്ച മോഹൻലാലിന്റെ ജോര്ജുകുട്ടിയെ പൂട്ടാൻ, മമ്മൂട്ടിയുടെ സേതുരാമയ്യർ എന്ന ബുദ്ധിരാക്ഷസനായ സിബിഐ ഓഫീസർ എത്തുന്നതും ആ കേസ് വാദിക്കാൻ അവസാനം അരവിന്ദ് സ്വാമിനാഥൻ രംഗത്ത് വരുന്നതുമാണ് ഈ വീഡിയോയുടെ ഉള്ളടക്കം. ഗംഭീരമായി എഡിറ്റ് ചെയ്തിരിക്കുന്ന ഈ വീഡിയോ നിർമ്മിച്ച് പുറത്തു വിട്ടത് എല് ഫ്ലിലിമിങ് എന്ന ഇന്സ്റ്റാഗ്രാം പേജാണ്. ജനഗണമന എന്ന ചിത്രത്തിലൂടെ അരവിന്ദ് സ്വാമിനാഥൻ എന്ന കഥാപാത്രത്തെ നമ്മുക്ക് മുന്നിലെത്തിച്ച സംവിധായകൻ ഡിജോ ജോസ് ആന്റണി ഈ വീഡിയോ സോഷ്യൽ മീഡിയയിൽ പങ്കുവെച്ചിട്ടുമുണ്ട്. കൊലപാതകം ചെയ്തയാള്, അത് അന്വേഷിക്കാന് വരുന്ന ഉദ്യോഗസ്ഥന്, അവസാനം അത് വാദിക്കാന് വരുന്ന വക്കീലും എന്ന കുറിപ്പോടെയാണ് ഡിജോ ഈ വീഡിയോ പങ്കുവെച്ചിരിക്കുന്നത്.
പ്രശസ്ത നടൻ രാജേഷ് മാധവൻ ആദ്യമായി സംവിധാനം ചെയ്യുന്ന “പെണ്ണും പൊറാട്ടും” എന്ന ചിത്രം നവംബർ 26 തീയതി IFFI…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി ജിതിൻ കെ. ജോസ് സംവിധാനം നിർവഹിച്ച കളങ്കാവലിന്റെ ട്രെയ്ലർ പുറത്ത്. നവംബർ 27…
മലയാളികളുടെ ഹൃദയം കീഴടക്കിയ ഹനാന് ഷാ പാടിയ 'പൊങ്കാല'യിലെ റൊമാന്റിക് സോങ് വൈറലാകുന്നു. പ്രേക്ഷകര് ആവേശത്തോടെ കാത്തിരിക്കുന്ന ആക്ഷന് ചിത്രമാണ്…
ശ്രീനാഥ് ഭാസിയുടെ ആക്ഷൻ ചിത്രം പൊങ്കാലയുടെ ഓഡിയോ ലോഞ്ച് അതി ഗംഭീരമായി ദുബായിൽ വച്ച് നടന്നു. ഹനാൻഷാ അടക്കം നിരവധി…
മോഹൻലാൽ-മേജർ രവി കൂട്ടുകെട്ട് വീണ്ടും ഒന്നിക്കുന്നു എന്ന് വാർത്തകൾ. കീർത്തിചക്ര, കുരുക്ഷേത്ര, കർമ്മയോദ്ധ, കാണ്ഡഹാർ, 1971 ബിയോണ്ട് ബോർഡേഴ്സ് തുടങ്ങിയ…
ആക്ഷൻ ഡയറക്ടർമാരായ അൻപറിവ് സഹോദരങ്ങൾ ആദ്യമായി സംവിധാനം ചെയ്യാൻ പോകുന്ന കമൽ ഹാസൻ ചിത്രത്തിന് സംഗീതമൊരുക്കാൻ ജേക്സ് ബിജോയ്. ആദ്യമായാണ്…
This website uses cookies.