കംപ്ലീറ്റ് ആക്ടർ മോഹൻലാൽ ഇപ്പോൾ തന്റെ ഒരു വമ്പൻ പ്രോജെക്റ്റിനായുള്ള ഒരുക്കത്തിലാണ്. മരക്കാർ അറബിക്കടലിന്റെ സിംഹം എന്ന ചിത്രത്തിന് ശേഷം പ്രിയദർശൻ- മോഹൻലാൽ ടീം ഒന്നിക്കുന്ന ഒരു വമ്പൻ ചിത്രം കൂടി അണിയറയിൽ ഒരുങ്ങുകയാണ്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കാൻ പോകുന്ന ഈ ചിത്രം ഒരു സ്പോർട്സ് ഡ്രാമ ആണെന്നും ഇതിൽ ബോക്സിങ് കോച്ച് ആയാണ് മോഹൻലാൽ അഭിനയിക്കുന്നത് എന്നുമാണ് വാർത്തകൾ വന്നത്. അതിനു വേണ്ടി ഏകദേശം ഒൻപതു മാസത്തോളമായി ബോക്സിങ് പരിശീലനത്തിലുമാണ് മോഹൻലാൽ. തിരുവനന്തപുരം സ്വേദേശി പ്രേം നാഥ് ആണ് മോഹൻലാലിന്റെ ബോക്സിങ് പരിശീലകൻ. ഇതിനോടകം തന്നെ മോഹൻലാൽ ബോക്സിങ് പരിശീലിക്കുന്ന ചിത്രങ്ങളും വീഡിയോകളും ഒട്ടേറെ തവണ സോഷ്യൽ മീഡിയയിൽ വൈറൽ ആയിട്ടുണ്ട്. ഇപ്പോഴിതാ അത്തരത്തിലുള്ള ഒരു പുതിയ വീഡിയോ കൂടി സോഷ്യൽ മീഡിയയിൽ എത്തി സൂപ്പർ ഹിറ്റായി മാറിക്കഴിഞ്ഞു.
ബോക്സിങ് ചുവടുകളുമായി കളം നിറയുന്ന മോഹൻലാലിനെ ആണ് ഈ വീഡിയോയിൽ കാണാൻ സാധിക്കുന്നത്. ഈ ചിത്രത്തിന് മുൻപ് മോഹൻലാൽ- പ്രിയദർശൻ ടീം ഒരിക്കൽ കൂടി ഒന്നിക്കും. എം ടി വാസുദേവൻ നായർ രചിച്ച ഓളവും തീരവും എന്ന ചിത്രത്തിന് വേണ്ടിയാണു ഇവർ ഒന്നിക്കുക. നെറ്റ്ഫ്ലിക്സിന് വേണ്ടിയുള്ള ആന്തോളജി ചിത്രത്തിന്റെ ഭാഗമായി ആണ് ഈ ചിത്രം ഒരുക്കുക. പ്രിയദർശൻ ഒരുക്കിയ മരക്കാർ അറബിക്കടലിന്റെ സിംഹം, പൃഥ്വിരാജ് ഒരുക്കിയ ബ്രോ ഡാഡി, ജീത്തു ജോസഫ് ഒരുക്കിയ ട്വൽത് മാൻ, ഷാജി കൈലാസ് ഒരുക്കിയ എലോൺ, വൈശാഖ് ചിത്രം, ജീത്തു ജോസഫ് ചിത്രം റാം, പൃഥ്വിരാജ് ഒരുക്കാൻ പോകുന്ന എംപുരാൻ എന്നിവയാണ് ഇനി വരുന്ന മോഹൻലാൽ ചിത്രങ്ങൾ.
രഞ്ജിത്ത് സജീവിനെ നായകനാക്കി അരുൺ വൈഗ ഒരുക്കിയ യുണൈറ്റഡ് കിംഗ്ഡം ഓഫ് കേരളയിലൂടെ മലയാള സിനിമയിലേക്ക് വീണ്ടുമൊരു പുതുമുഖ നായിക.…
ഇന്ന് കേരളത്തിലെ യുവാക്കളും അവരുടെ മാതാപിതാക്കളും എല്ലാം അഭിമുഖീകരിക്കുന്ന വലിയൊരു പ്രശ്നം ചർച്ച ചെയ്യുന്ന ചിത്രമാണ് യുണൈറ്റഡ് കിംഗ്ഡം ഓഫ്…
ഉപചാരപൂർവ്വം ഗുണ്ട ജയൻ എന്ന ചിത്രത്തിനു ശേഷം അരുൺ വൈഗ തിരക്കഥയെഴുതി സംവിധാനം ചെയ്യുന്ന യുണൈറ്റഡ് കിംഗ്ഡം ഓഫ് കേരള…
ഏറെ നിരൂപക പ്രശംസ നേടിയ 'ഭ്രമയുഗം' എന്ന ചിത്രത്തിന്റെ വിജയത്തിന് ശേഷം, ഹൊറർ വിഭാഗത്തിലുള്ള ധീരവും വ്യത്യസ്തവുമായ കഥപറച്ചിൽ ശൈലിയോടുള്ള…
ടൊവിനോ തോമസിനെ നായകനാക്കി അനുരാജ് മനോഹർ ഒരുക്കുന്ന പുതിയ ചിത്രം 'നരിവേട്ട'യുടെ തമിഴ്നാട് ഡിസ്ട്രിബ്യൂഷൻ ഏറ്റെടുത്ത് എ ജി എസ്…
സിനിമ സ്വപ്നമായി കാണുന്ന ആയിരക്കണക്കിന് യുവാക്കൾക്ക് ഹൃദയസ്പർശിയായ കുറിപ്പുമായി മലയാളത്തിലെ പ്രശസ്ത സംവിധായകൻ അരുൺ വൈഗ . രഞ്ജിത്ത് സജീവൻ…
This website uses cookies.