96 ന്റെ കന്നഡ റീമേക് 99 ന്റെ ട്രൈലെർ എത്തി….

പ്രശസ്ത മലയാള നടി ഭാവന നായികാ വേഷത്തിൽ എത്തുന്ന പുതിയ കന്നഡ ചിത്രമായ 99 ന്റെ  ട്രൈലെർ എത്തി. സൂപ്പർ ഹിറ്റായ തമിഴ് ചിത്രം 96 ന്റെ ഒഫീഷ്യൽ കന്നഡ റീമേക് ആണ് ഈ ചിത്രം. വിജയ് സേതുപതി, തൃഷ എന്നിവർ അഭിനയിച്ച ഈ ചിത്രം സൂപ്പർ വിജയം ആണ് കേരളത്തിലും തമിഴ് നാട്ടിലും നേടിയത്. തൃഷ ചെയ്ത വേഷം കന്നഡയിൽ ഭാവന  ചെയ്യുമ്പോൾ വിജയ് സേതുപതിയുടെ കഥാപാത്രത്തെ കന്നഡയിൽ അവതരിപ്പിക്കുന്നത് ഗോൾഡൻ സ്റ്റാർ ഗണേഷ് ആണ്.  പ്രശസ്ത കന്നഡ സംഗീത സംവിധായകൻ അർജുൻ ജന്യ സംഗീത സംവിധാനം നിർവഹിച്ച നൂറാമത്തെ ചിത്രം എന്ന പ്രത്യേകതയും 99 നു ഉണ്ട്. പ്രീതം ഗുബ്ബി ആണ് ഈ ചിത്രം കന്നഡയിൽ ഒരുക്കിയിരിക്കുന്നത്. കവിരാജ് വരികൾ എഴുതിയ ഈ ചിത്രം കന്നഡയിൽ നിർമ്മിച്ചിരിക്കുന്നത്  രാമു ഫിലിമ്സിന്റെ ബാനറിൽ രാമു  ആണ്

നവാഗതനായ സി  പ്രേം കുമാർ തന്നെ രചനയും സംവിധാനവും നിർവഹിച്ച 96  എന്ന തമിഴ് റൊമാന്റിക് ഡ്രാമ വമ്പൻ പ്രേക്ഷക പ്രതികരണവും നിരൂപക പ്രശംസയും ആണ് നേടിയെടുത്തത്. നന്ദ ഗോപാൽ നിർമ്മിച്ച ഈ ചിത്രത്തിൽ തന്റെ കരിയർ ബെസ്റ്റ് പെർഫോമൻസ് ആണ് വിജയ് സേതുപതി കാഴ്ച്ച വെച്ചത് എന്നായിരുന്നു പ്രേക്ഷകാഭിപ്രായം. ഗോവിന്ദ് മേനോൻ  ഈണം നൽകിയ ഗാനങ്ങൾ ആയിരുന്നു ഈ തമിഴ് ചിത്രത്തിന്റെ ഏറ്റവും വലിയ ഹൈലൈറ്റ്. തൃഷയും മികച്ച പ്രകടനം കാഴ്ച വെച്ച ഈ ചിത്രത്തിൽ ഇവരുടെ കുട്ടിക്കാലം അവതരിപ്പിച്ച ബാല താരങ്ങളും ഗംഭീര പ്രകടനമാണ് നൽകിയത്.