രാജകീയ ബോക്സ് ഓഫീസ് വേട്ട ; വേൾഡ് വൈഡ് കളക്ഷൻ റിപ്പോർട്ട് പുറത്തു വിട്ടു മധുര രാജ ടീം..

മെഗാ സ്റ്റാർ മമ്മൂട്ടി നായകനായി എത്തിയ മധുര രാജ ഇപ്പോൾ വിജയകരമായി പ്രദർശനം തുടരുകയാണ്. ചിത്രത്തിന്റെ ആദ്യ നാലു ദിവസത്തെ വേൾഡ് വൈഡ് ഗ്രോസ് അണിയറ പ്രവർത്തകർ ഇന്ന് വൈകുന്നേരം പുറത്തു വിട്ടു. നാല് ദിവസം കൊണ്ട് ഈ ചിത്രം 32 കോടി രൂപ വേൾഡ് വൈഡ് കളക്ഷൻ ആയി നേടി എന്നാണ് ചിത്രത്തിന്റെ ഒഫീഷ്യൽ ഫേസ്ബുക് പേജിലൂടെ പുറത്തു വിട്ടിരിക്കുന്ന കളക്ഷൻ റിപ്പോർട്ട് പറയുന്നത്. ഓരോ ഏരിയ തിരിച്ചുള്ള കളക്ഷൻ ബ്രേക്ക് അപ്പ് പുറത്തു വിട്ടിട്ടില്ല എങ്കിലും കേരളം തന്നെയാണ് മധുര രാജക്കു ഏറ്റവും കൂടുതൽ കളക്ഷൻ വന്ന മാർക്കറ്റ് എന്ന് ട്രേഡ് അനലിസ്റ്റുകൾ പറയുന്നു. ഏതായാലും മമ്മൂട്ടിയുടെ ഏറ്റവും വലിയ വേൾഡ് വൈഡ് ഗ്രോസ്സർ ആവാനുള്ള കുതിപ്പിൽ ആണ് മധുര രാജ. അബ്രഹാമിന്റെ സന്തതികൾ ആണ് മമ്മൂട്ടിയുടെ ഇതുവരെയുമുള്ള ഏറ്റവും വലിയ വേൾഡ് വൈഡ് ഗ്രോസ് നേടിയ ചിത്രം. കഴിഞ്ഞ വർഷം ആണ് അബ്രഹാമിന്റെ സന്തതികൾ റിലീസ് ചെയ്തത്.

ഒൻപതു  വർഷം മുൻപ് മമ്മൂട്ടിയെ നായകനാക്കി വൈശാഖ്  ഒരുക്കിയ പോക്കിരി രാജ എന്ന ചിത്രത്തിലെ രാജ കഥാപാത്രത്തെ ഒന്ന് കൂടി പ്രേക്ഷകർക്ക് മുന്നിൽ എത്തിച്ചിരിക്കുന്ന ചിത്രമാണ് മധുര രാജ. തമിഴ് നടൻ ജയ്, ജഗപതി ബാബു, അനുശ്രീ എന്നിവരും  പ്രധാന കഥാപാത്രങ്ങളെ അവതരിപ്പിച്ചിരിക്കുന്ന ഈ ചിത്രം നെൽസൺ ഐപ്പ് ആണ്  നിർമ്മിച്ചിരിക്കുന്നത്. പുലി മുരുകൻ എന്ന ബ്രഹ്മാണ്ഡ വിജയം നേടിയ മോഹൻലാൽ ചിത്രത്തിന് ശേഷം ഉദയ കൃഷ്ണ വൈശാഖിനു വേണ്ടി വീണ്ടും തിരക്കഥ രചിച്ച ചിത്രമാണ് ഇത്. ഒരു പക്കാ മാസ്സ് മസാല ആക്ഷൻ എന്റെർറ്റൈനെർ എന്ന നിലയിൽ മമ്മൂട്ടി ആരാധകരെ രസിപ്പിച്ച ചിത്രമാണ് മധുര രാജ എന്ന് പറയാം.