ആവേശത്തിന്റെ അഗ്നിപടർത്തുന്ന പുതിയ ടീസറുമായി കായംകുളം കൊച്ചുണ്ണി ടീം; മരണ മാസ്സ് ഇത്തിക്കര പക്കി സ്പെഷ്യൽ ടീസർ..!

ഓരോ സിനിമാ പ്രേമിയും ആരാധകരും ആവേശത്തോടെ കാത്തിരുന്ന ഇത്തിക്കര പക്കി സ്പെഷ്യൽ ടീസർ എത്തി. ഇന്ന് രാവിലെ ഒൻപതു മണിക്ക് മോഹൻലാൽ റിലീസ് ചെയ്ത ഈ ടീസറിൽ പക്കിയുടെ ഡയലോഗ് ആണ് ഹൈലൈറ്റ്. “സ്വർഗ്ഗവുമില്ല, നരകവുമില്ല. ഒറ്റ ജീവിതം..അത് എവിടെ എങ്ങനെ വേണമെന്ന് അവനവൻ തീരുമാനിക്കണം”. ഇതാണ് ഈ ടീസറിലെ ഇത്തിക്കര പക്കിയുടെ ഡയലോഗ്. മോഹൻലാലിന്റെ അസാമാന്യ വോയിസ് മോഡുലേഷൻ ആണ് ഈ ഡയലോഗിനെ മാസ്സ് ആക്കുന്നത്. ഇത്തിക്കര പക്കി സ്പെഷ്യൽ ടീസർ ഇപ്പോൾ സോഷ്യൽ മീഡിയയിൽ കൊടുങ്കാറ്റു പോലെ പടരുകയാണ്. ട്രൈലെറിൽ നമ്മൾ കാണാത്ത, ഇത്തിക്കര പക്കിയുടെ പുതിയ ഷോട്ടും പ്രേക്ഷകർ ഏറെ കാത്തിരുന്ന ഈ ടീസറിൽ ഉൾപ്പെടുത്തിയിട്ടുണ്ട്. ഇതിനോടകം വമ്പൻ ഹൈപ്പ് സൃഷ്ടിച്ചു കഴിഞ്ഞ ഈ ചിത്രം ഈ മാസം പതിനൊന്നിന് ലോകമെമ്പാടും റിലീസ് ചെയ്യും.

മലയാള സിനിമാ ചരിത്രത്തിലെ ഏറ്റവും വലിയ റിലീസ് ആയി എത്താൻ പോകുന്ന ഈ ചിത്രം റോഷൻ ആൻഡ്രൂസ് ആണ് സംവിധാനം ചെയ്തത്. നാൽപ്പത്തിയഞ്ച് കോടി രൂപ മുതൽ മുടക്കി ഗോകുലം ഗോപാലൻ നിർമ്മിച്ച കായംകുളം കൊച്ചുണ്ണി രചിച്ചിരിക്കുന്നത് ബോബി- സഞ്ജയ് ടീം ആണ്. മോഹൻലാൽ ഇത്തിക്കര പക്കി എന്ന അതിഥി വേഷം ചെയ്യുമ്പോൾ തന്റെ കരിയറിലെ ഏറ്റവും വലിയ കഥാപാത്രവുമായാണ് കായംകുളം കൊച്ചുണ്ണിയായി അഭിയനയിക്കുന്ന നിവിൻ വരുന്നത്. ഗോപി സുന്ദർ ഈണം പകർന്ന ഈ ചിത്രത്തിലെ ഗാനങ്ങൾ ഇപ്പോഴേ സൂപ്പർ ഹിറ്റാണ്. മലയാള സിനിമയിൽ പുതിയ പല റെക്കോർഡുകളും സൃഷ്ടിച്ചു കൊണ്ടാണ് കായംകുളം കൊച്ചുണ്ണി റിലീസിന് തയ്യാറാവുന്നത്.