[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

പാർവതിയും ദീപികയും നേർക്ക് നേർ; വീണ്ടും ഒരേ കഥയിൽ രണ്ടു ചിത്രങ്ങൾ..!

ഒരു കഥയെ അടിസ്ഥാനമാക്കി ഒന്നിലധികം ചിത്രങ്ങൾ ഒരുക്കുക എന്നത് ഇപ്പോൾ ഇന്ത്യൻ സിനിമയിൽ തന്നെ ഒരു ട്രെൻഡ് ആയി കഴിഞ്ഞു. പ്രത്യകിച്ചും മലയാള സിനിമയിൽ അത്തരം ഒട്ടേറെ ചിത്രങ്ങൾ ആണ് കഴിഞ്ഞ ഒന്ന് രണ്ടു വർഷങ്ങൾക്കിടയിൽ പ്രഖ്യാപിക്കപ്പെട്ടത്. ഒരേ കഥയേയോ കഥാ പശ്ചാത്തലത്തേയോ കഥാപാത്രങ്ങളേയോ ആസ്പദമാക്കിയാണ് ഇവയിൽ പല ചിത്രങ്ങളും പ്രഖ്യാപിച്ചത്. അതിൽ ചിലതു തുടങ്ങാൻ പോവുമ്പോൾ വേറെ ചിലതു ഉപേക്ഷിക്കപെടുകയും ചെയ്തു. കുഞ്ഞാലി മരക്കാർ, കർണ്ണൻ, കരിന്തണ്ടൻ എന്നീ കഥാപാത്രങ്ങളെ വെച്ച് മലയാളത്തിൽ അങ്ങനെ രണ്ടു ചിത്രങ്ങൾ വീതം പ്രഖ്യാപിച്ചിരുന്നു. ഇപ്പോഴിതാ ഒരേ തരത്തിലുള്ള കഥാപാത്രത്തെ അടിസ്ഥാനമാക്കി മലയാളത്തിലും ഹിന്ദിയിലും ചിത്രങ്ങൾ ഒരുങ്ങാൻ പോവുകയാണ്. ഒരെണ്ണത്തിൽ പാർവതി ആണ് നായിക എങ്കിൽ മറ്റൊന്നിൽ നായിക ആയെത്തുന്നത് ദീപിക പദുക്കോൺ ആണ്.

ആസിഡ് ആക്രമണത്തിന് ഇരയാകുന്ന പെൺകുട്ടിയുടെ വേഷത്തിൽ ആണ് ദീപികയും പാർവതിയും അഭിനയിക്കുന്നത്. ദീപികയെ വെച്ച് ഈ ചിത്രം ഹിന്ദിയിൽ ഒരുക്കുന്നത് മേഘ ഗുൽസാർ ആണെങ്കിൽ പാർവതിയെ വെച്ചുള്ള മലയാള ചിത്രം ഒരുക്കുന്നത് രാജേഷ് പിള്ളയുടെ ചീഫ് അസോസിയേറ്റ് ആയിരുന്ന മനു അശോകൻ ആണ്. റാസി എന്ന ചിത്രം ചെയ്ത് പ്രശസ്തയായ മേഘ ഗുൽസാർ ഒരുക്കുന്ന ചിത്രത്തിൽ ദീപിക പദുക്കോൺ ആസിഡ് ആക്രമണത്തിന് ഇരയായ ലക്ഷ്മി അഗർവാൾ എന്ന പെൺകുട്ടിയുടെ വേഷം ചെയ്യുമ്പോൾ പാർവതി മലയാളത്തിൽ എത്തുന്നത് പല്ലവി എന്ന കഥാപാത്രത്തെ അവതരിപ്പിച്ചു കൊണ്ടാണ്. മലയാളികൾക്ക്‌ ഒട്ടേറെ മികച്ച ചിത്രങ്ങൾ സമ്മാനിച്ച ഗൃഹലക്ഷ്മി പ്രൊഡക്ഷൻസിന്റെ സാരഥിയായ പി.വി.ഗംഗാധരന്റെ മക്കളായ ഷെനുക, ഷെഗ്ന, ഷെർഗ എന്നിവർ എസ്. ക്യൂബ് ഫിലിംസിന്റെ ബാനറിൽ ആണ് ഈ മലയാള ചിത്രം നിർമ്മിക്കുന്നത്. ബോബി സഞ്ജയ് ടീം രചിച്ച ഈ ചിത്രത്തിൽ ടോവിനോ തോമസ്, ആസിഫ് അലി എന്നിവരും അഭിനയിക്കും. നവംബർ പത്തിന് ആണ് ഈ ചിത്രത്തിന്റെ ഷൂട്ടിംഗ് ആരംഭിക്കുക. മുകേഷ് മുരളീധരൻ ദൃശ്യങ്ങൾ ഒരുക്കുന്ന ഈ ചിത്രത്തിന്റെ എഡിറ്റിംഗ് മഹേഷ് നാരായണനും സംഗീത സംവിധാനം നിർവഹിക്കുന്നതു ഗോപി സുന്ദറും ആണ്. ഏതായാലും മികച്ച അഭിനേത്രിമാരായി പേരെടുത്ത ദീപികയും പാർവതിയും ഒരേ തരത്തിലുള്ള കഥാപാത്രങ്ങളെ അവതരിപ്പിക്കുന്നത് എങ്ങനെയെന്ന് കാണാൻ കാത്തിരിക്കുകയാണ് ആരാധകർ.

webdesk

Recent Posts

പുരാണ–ഫാന്റസി ദൃശ്യവിസ്മയം ‘നാഗബന്ധം’; ട്രെയിലർ പുറത്തിറങ്ങി

പാൻ-ഇന്ത്യൻ ആക്ഷൻ–അഡ്വഞ്ചർ ചിത്രം ‘നാഗബന്ധം’ ട്രെയിലർ പുറത്തിറങ്ങി. പുരാണം, ചരിത്രം, ഫാന്റസി, സാഹസികത എന്നിവ സമന്വയിപ്പിച്ച വിപുലമായ ദൃശ്യലോകമാണ് ചിത്രം…

4 days ago

ആഷിക്ക് അബു ഭദ്രദീപം കൊളുത്തി; വിനീത് കുമാർ നായകനാകുന്ന ‘നോട്ട്’ ന് തുടക്കം

വിനീത് കുമാർ കേന്ദ്രകഥാപാത്രത്തെ അവതരിപ്പിക്കുന്ന പുതിയ ചിത്രം ‘നോട്ട്’ പൂജാ ചടങ്ങോടെ ഔദ്യോഗികമായി ആരംഭിച്ചു. നവാഗതരായ ആശിഷും കിരണും ചേർന്ന്…

6 days ago

“റെയ്സ് ഓഫ് നാഗ”; രൂപേഷ് പീതാംബരൻ ചിത്രം ഭാസ്കരഭരണത്തിലെ ആദ്യ ഗാനം പുറത്ത്

രൂപേഷ് പീതാംബരൻ സംവിധാനം ചെയ്ത് പ്രധാന കഥാപാത്രത്തെ അവതരിപ്പിക്കുന്ന 'ഭാസ്കരഭരണം' എന്ന ചിത്രത്തിലെ ആദ്യ ഗാനം പുറത്ത്. "റെയ്സ് ഓഫ്…

2 weeks ago

ബ്രഹ്മാണ്ഡ ചിത്രം നാഗബന്ധത്തിനായി ഹൈദരാബാദിൽ അനന്ത പത്മനാഭ സ്വാമി രഥയാത്ര നടത്തി

അഭിഷേക് നാമ രചിച്ചു സംവിധാനം ചെയ്യുന്ന പാൻ ഇന്ത്യൻ തെലുങ്ക് ചിത്രമായ നാഗബന്ധം 2026, ജൂലൈ 3 ന് ലോകമൊട്ടാകെ…

2 weeks ago

ഭാസ്കരഭരണം ജൂൺ 26 ന് തിയറ്ററുകളിൽ

രൂപേഷ് പീതാംബരൻ സംവിധാനം ചെയ്ത് പ്രധാന വേഷത്തിലെത്തുന്ന ഭാസ്കരഭരണം ജൂൺ 26 ന് തിയറ്ററുകളിലെത്തും. അടുത്തിടെ പുറത്തിറങ്ങിയ ചിത്രത്തിന്റെ ടീസർ…

2 weeks ago

വിരാട് കർണ്ണ നായകനാകുന്ന മിത്തോളജിക്കൽ ആക്ഷൻ- അഡ്വഞ്ചർ; നാഗബന്ധം’ കേരള വിതരണാവകാശം സ്വന്തമാക്കി ഗുഡ് ഫെല്ലാസ്

അഭിഷേക് നാമ സംവിധാനം ചെയ്യുന്ന ബ്രഹ്മാണ്ഡ സോഷ്യോ-ഫാന്റസി അഡ്വഞ്ചർ ചിത്രം 'നാഗബന്ധം - ദി സീക്രട്ട് ട്രഷർ' ന്റെ കേരള…

2 weeks ago

This website uses cookies.