ദുൽഖറിന്റെ സ്റ്റൈലൻ എൻട്രി; ഒരു യമണ്ടൻ പ്രേമകഥ ടീസർ കയ്യടി നേടുന്നു..!

ഒന്നര വർഷത്തെ ഇടവേളയ്ക്കു ശേഷം യുവ താരം ദുൽകർ സൽമാൻ മലയാള സിനിമയിൽ തിരിച്ചു എത്തുന്ന ചിത്രമാണ് ഒരു യമണ്ടൻ പ്രേമ കഥ. നവാഗതനായ ബി സി നൗഫൽ സംവിധാനം ചെയ്ത ഈ ചിത്രം രചിച്ചിരിക്കുന്നത് സൂപ്പർ ഹിറ്റ്  തിരക്കഥാകൃത്തുക്കളായ വിഷ്ണു ഉണ്ണികൃഷ്ണൻ, ബിബിൻ ജോർജ് ടീം ആണ്. ഈ ചിത്രത്തിന്റെ ആദ്യ ടീസർ ഇന്ന് റിലീസ് ആയി കഴിഞ്ഞു. ദുൽകർ സൽമാന്റെ സ്റ്റൈലൻ എൻട്രി ആണ് ഈ ടീസറിന്റെ സവിശേഷത. ഒരു ഗാനത്തിന്റെ തുടക്കവും അതിന്റെ തുടർച്ചയായി ദുൽഖറിന്റെ കിടിലൻ എൻട്രിയും ആണ് ഈ ടീസറിൽ ഉൾപ്പെടുത്തിതിയിട്ടുള്ളത്. ദുൽകർ ആരാധകർക്ക് ആവേശം സമ്മാനിക്കുന്ന ഒരു ടീസർ തന്നെയാണ് അണിയറ പ്രവർത്തകർ പുറത്തു വിട്ടിരിക്കുന്നത്. ലല്ലു എന്നാണ് ദുൽകർ ഈ ചിത്രത്തിൽ അവതരിപ്പിക്കുന്ന കഥാപാത്രത്തിന്റെ പേര്. 

ഒരു പെയിന്റിംഗ് തൊഴിലാളി ആയാണ് ദുൽകർ ഈ ചിത്രത്തിൽ അഭിനയിക്കുന്നത് എന്നാണ് സൂചന. ഒരു പക്കാ കളർഫുൾ എന്റെർറ്റൈനെർ ആയി ഒരുക്കിയിരിക്കുന്ന ഈ ചിത്രം അടുത്ത മാസം അവസാന വാരത്തോടെ റിലീസ് ചെയ്യും എന്നാണ് സൂചന. ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ ആഴ്ചകൾക്കു മുൻപ്  റിലീസ് ചെയ്യുകയും ഗംഭീര പ്രേക്ഷക പ്രശംസ നേടിയെടുക്കുകയും ചെയ്തിരുന്നു. സലിം കുമാർ, വിഷ്ണു ഉണ്ണികൃഷ്ണൻ, സൗബിൻ ഷാഹിർ എന്നിവരും അഭിനയിക്കുന്ന ഈ ചിത്രത്തിലെ നായികാ വേഷങ്ങൾ ചെയ്യുന്നത് നിഖിലയും സംയുക്ത മേനോനും ആണ്. ആന്റോ ജോസെഫ്, സി ആർ സലിം എന്നിവർ ചേർന്നാണ് ഈ ചിത്രം നിർമ്മിച്ചിരിക്കുന്നത്. നാദിർഷ ഗാനങ്ങൾ ഒരുക്കിയ ഈ ചിത്രത്തിന് ദൃശ്യങ്ങൾ നൽകിയത് സുകുമാർ ആണ്.